ప్రముఖ స్మార్ట్ఫోన్ బ్రాండ్ Realme చైనాలో Realme 12X అనే స్మార్ట్ఫోన్ని లాంచ్ చేసింది. ఈ ఫోన్ ఆకట్టుకునే డిజైన్ ని కలిగి ఉంది. ఇప్పటికే Realme 12 సిరీస్ లో Realme 12, Realme 12+, Realme 12 Pro, Realme 12 Pro+ ఫోన్లు లాంచ్ అయ్యాయి. తాజాగా Realme 12X చైనాలో ఎంట్రీ ఇచ్చింది. ఈ ఫోన్ భారత్ లో ఏప్రిల్ నెలలో లాంచ్ అవుతోంది. కచ్చితమైన తేదీ వివరాలు త్వరలోనే వెల్లడి కానున్నాయి. సరే, ఓసారి Realme 12X డివైజ్ చైనా మార్కెట్ ధర, పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
Realme 12X ధర
Realme 12X స్మార్ట్ఫోన్ చైనాలో 12జిబి ర్యామ్, 256జిబి స్టోరేజీ/512జిబి స్టోరేజీ, 12జిబి వర్చువల్ ర్యామ్ తో లాంచ్ అయ్యింది.
Realme 12X 256జిబి స్టోరేజీ బేస్ వేరియంట్ ధరను 1499 యువాన్లు గా నిర్ణయించారు. Realme 12X 512జిబి టాప్ వేరియంట్ ధరను 1799 యువాన్లుగా పెట్టారు.
Realme 12X స్మార్ట్ఫోన్ చైనాలో బ్లూ బర్డ్ మరియు బ్లాక్ జేడ్ కలర్ ఆప్షన్స్ లో లబిస్తుంది.
Realme 12X స్పెసిఫికేషన్స్
- స్క్రీన్: Realme 12X లో 6.67-ఇంచ్ ఫుల్ హెచ్డీ+ డిస్ప్లే, పంచ్-హోల్ కటౌట్, ఎల్సీడీ ప్యానెల్, 120 హెర్ట్జ్ రిఫ్రెష్ రేట్, 625 నిట్స్ బ్రైట్నెస్ ఉన్నాయి.
- ప్రాసెసర్: Realme 12X లో మీడియాటెక్ డైమెన్సిటీ 6100+ చిప్సెట్ వాడారు. ఇది 6 నానోమీటర్ ప్రాసెస్ పై తయారైన ఆక్టా-కోర్ ప్రాసెసర్.
- ఓఎస్: Realme 12X డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది.
- ర్యామ్, స్టోరేజీ: Realme 12X లో 12జిబి ర్యామ్, 12జిబి వర్చువల్ ర్యామ్, 256జిబి/512జిబి స్టోరేజీ ఆప్షన్స్ లో లభిస్తుంది. వర్చువల్ ర్యామ్ ఫీచర్ తో యూజర్ కి గరిష్టంగా 24జిబి ర్యామ్ పవర్ లభిస్తుంది.
- కెమెరా: Realme 12X లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఇచ్చారు.
- బ్యాటరీ: Realme 12X లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Realme 12X లో ఐపీ54 రేటింగ్, సైడ్ మౌంటెడ్ ఫింగర్ ప్రింట్ స్కానర్, 3.5ఎంఎం ఆడియో జాక్ ఉన్నాయి.
