స్మార్ట్ఫోన్ బ్రాండ్ Realme ఓ కొత్త ఫోన్ ని అభివృద్ధి చేస్తున్నట్లు సమాచారం. ఆ కొత్త ఫోన్ 5200 ఎంఏహెచ్ బ్యాటరీ, 150 వాట్ ఫాస్ట్ చార్జింగ్ టెక్నాలజీతో వస్తోంది. ప్రస్తుతం Realme GT 3 ఫోన్ 240 వాట్ చార్జింగ్ సపోర్ట్, 4600 ఎంఏహెచ్ బ్యాటరీని అందిస్తోంది. సరే, ఓసారి 150 వాట్ చార్జింగ్ టెక్నాలజీతో వస్తోన్న రియల్మీ యొక్క కొత్త ఫోన్ వివరాలను తెలుసుకుందాం పదండి.
కొత్త రియల్మీ స్మార్ట్ ఫోన్ వివరాలు
- టిప్స్టర్ డిజిటల్ చాట్ స్టేషన్ తెలిపిన వివరాల ప్రకారం, రియల్మీ ప్రస్తుతం ఒక కొత్త ఫోన్ ని అభివృద్ధి చేస్తోంది. ఈ ఫోన్ 150 వాట్ చార్జింగ్ స్పీడ్, 5200 ఎంఏహెచ్ బ్యాటరీతో వస్తోంది.
- మరొక వేరియంట్ 240 వాట్ ఫాస్ట్ చార్జింగ్, 4600 ఎంఏహెచ్ బ్యాటరీని ఆఫర్ చేయనుందని సమాచారం.
- ఇక ఈ రాబోవు ఫోన్ Realme GT 5 కావచ్చని ఊహాగానాలు వినిపిస్తున్నాయి.
- వన్ప్లస్ కూడా 150 వాట్ పవర్ అండ్ హై-కరెంట్ యూఎఫ్సీఎస్ (అల్ట్రా-ఫాస్ట్ చార్జింగ్ సొల్యూషన్) ని తన రాబోవు ఫోన్ కోసం అభివృద్ధి చేస్తోందని టిప్స్టర్ వెల్లడించారు.
ఈ ఏడాది ఆరంభంలో Realme GT Neo 5 డివైజ్ ని రియల్మీ సంస్థ చైనాలో లాంచ్ అయ్యింది. ఈ ఫోన్ 240 వాట్ ఫాస్ట్ చార్జింగ్, 4600 ఎంఏహెచ్ బ్యాటరీ తో వచ్చింది. ఇదే ఫోన్ 150 వాట్ చార్జింగ్, 5000 ఎంఏహెచ్ బ్యాటరీ వేరియంట్ లో కూడా వచ్చింది. ఈ స్మార్ట్ ఫోన్ తర్వాత Realme GT 3 పేరుతో గ్లోబల్ గా లాంచ్ అయ్యింది.
మరోవైపు, రియల్మీ సంస్థ Realme 11 ని భారత్ లో లాంచ్ చేయాలని భావిస్తోంది. ఈ ఫోన్ 6.72-ఇంచ్ ఫుల్ హెచ్డీ+ స్క్రీన్, డ్యూయల్ రియర్ కెమెరా సెటప్, మీడియాటెక్ డైమెన్సిటీ 6100+ చిప్సెట్ తో రానున్నట్లు సమాచారం. ధర విషయానికి వస్తే, 8జిబి ర్యామ్ + 128జిబి స్టోరేజీ వేరియంట్ రూ.15,000 వద్ద ఉంటుందని వార్తలు వినిపిస్తున్నాయి. మరోవైపు 8జిబి + 256జిబి వేరియంట్ ధర రూ.20,000 గా ఉండవచ్చని అంచనా వేస్తున్నారు. అయితే కంపెనీ నుంచి ఇంకా అధికార సమాచారం రాలేదు.
