MediaTek Dimensity 8200 చిప్ తో రానున్న Redmi K60

హైలైట్స్

• ఈ ఏడాదిలోనే Redmi K60 ని లాంచ్ చేయనున్న Xiaomi
• మీడియాటెక్ డైమెన్సిటీ 8200 చిప్సెట్ తో రానున్న Redmi K60 స్మార్ట్ ఫోన్
• Redmi K60 Pro Gaming ఫోన్ స్నాప్ డ్రాగన్ 8 జెన్ 2 తో వచ్చే అవకాశం

షావోమీ 13 సిరీస్ ఈ నెలలో చైనాలో లాంచ్ అవుతోంది. షావోమీ 13 సిరీస్ స్నాప్ డ్రాగన్ 8 జెన్ 2 చిప్సెట్ తో వస్తోంది. షావోమీ సబ్ బ్రాండ్ అయిన రెడ్మీ కూడా త్వరలో కే-సిరీస్ ఫోన్లను చైనాలో లాంచ్ చేయనుందని సమాచారం. ఈ ఏడాది ఆఖర్లో కే-సిరీస్ ప్రీమియమ్ ఫోన్లు చైనాలో లాంచ్ కానున్నాయి. రూమర్లు నిజమైతే, Redmi K60 సిరీస్ లో స్టాండర్డ్ వేరియంట్ కే60, కే60 ప్రో, కే60 గేమింగ్ ఎడిషన్స్ అనే మూడు మోడల్స్ ఉంటాయి.

Redmi K60 గేమింగ్ ఎడిషన్ స్నాప్ డ్రాగన్ 8 జెన్ 2 చిప్సెట్ తో లాంచ్ కానుంది. Redmi K60 Pro స్నాప్ డ్రాగన్ 8+ జెన్ 1 ప్రాసెసర్ వస్తుందని సమాచారం. తాజాగా Redmi K60 స్టాండర్డ్ వేరియంట్ కి సంబంధించిన కొన్ని వివరాలు బయటకు వచ్చాయి.

తాజా నివేదిక ప్రకారం, Redmi K60 స్టాండర్డ్ వేరియంట్ మీడియాటెక్ డైమెన్సిటీ 8200 ప్రాసెసర్ తో వస్తున్నట్లు తెలుస్తోంది. ఈ విషయాన్ని ప్రముఖ టిప్‌స్టర్ డిజిటల్ చాట్ స్టేషన్ రివీల్ చేసింది.

Redmi K60 నుంచి ఏమి ఆశించవచ్చు?

ఈ ఏడాది చివరికల్లా చైనాలో Redmi K60 సిరీస్ లాంచ్ కానుంది. స్టాండర్డ్ వేరియంట్ Redmi K60 ఈ లైనప్ లో అత్యంత చవకైన ఫోన్ అని చెప్పవచ్చు. Redmi K60 ఫోన్ మీడియాటెక్ డైమెన్సిటీ 8200 ప్రాసెసర్ తో చైనాలో నవంబర్ 8 న లాంచ్ కానుందని సమాచారం.

Redmi K60 5జీ డివైజ్ లో 48 మెగా పిక్సెల్ మెయిన్ కెమెరా ఉంటుందని డిజిటల్ చాట్ స్టేషన్ వెల్లడించింది. అలాగే ఈ సెన్సర్ లో ఆప్టికల్ ఇమేజ్ స్టెబిలైజేషన్ కూడా ఉండనుంది. అయితే ఏ రకం సెన్సర్ వాడనున్నారో ఇంకా తెలియదు.

Redmi K60 డివైజ్ క్యూహెచ్డీ+ డిస్ప్లే, 120 హెర్ట్జ్ రిఫ్రెష్ రేట్ తో వస్తోంది. ఈ డివైజ్ లో 5500 ఎంఏహెచ్ బ్యాటరీ ఉంటుంది. ఇది 30 వాట్ మరియు 67 వాట్ ఫాస్ట్ చార్జింగ్ కి సపోర్ట్ చేస్తుంది. Redmi K60 స్మార్ట్ ఫోన్ ఆండ్రాయిడ్ 13 ఓఎస్ ఆధారిత ఎంఐయూఐ కస్టమ్ స్కిన్ పై పని చేయనుంది. అయితే ఎంఐయూఐ 13 లేదా ఎంఐయూఐ 14 లలో ఏ వర్షన్ ఈ ఫోన్ లో ఉంటుందో చూడాలి.

షావోమీ కంపెనీ Redmi K60 సిరీస్ భారత్ లో ఇదే సంవత్సరం లాంచ్ కానుందని అంచనా వేస్తున్నారు. అయితే ఈ విషయాన్ని కంపెనీ ఇంకా అధికారికంగా ప్రకటించలేదు. రానున్న రోజుల్లో షావోమీ నుంచి Redmi K60 కి సంబంధించిన వివరాలు టీజ్ అయ్యే అవకాశం ఉంది. అప్పుడు స్పెసిఫికేషన్స్ పై మరింత స్పష్టత వస్తుంది.