Vivo V27 సిరీస్ లాంచ్ టైమ్‌లైన్, స్పెసిఫికేషన్స్

హైలైట్స్

• 2023 ఆరంభంలో లాంచ్ కానున్న Vivo V27 సిరీస్
• Vivo V25 కి సక్సెసర్ గా వస్తోన్న Vivo V27 సిరీస్
• కొత్త తరం మీడియాటెక్ డైమెన్సిటీ చిప్సెట్స్ తో లాంచ్ కానున్న Vivo V27 స్మార్ట్ ఫోన్స్

Vivo కంపెనీ రీసెంట్ గా Vivo V25 సిరీస్ ని భారత్ లో లాంచ్ చేసింది. ఈ సిరీస్ లో Vivo V25 5G, Vivo V25 Pro 5G మోడల్స్ ఉన్నాయి. అలాగే Vivo V25 4G ఫోన్ కూడా ఈ లైనప్ లో ఉంది. ఈ 4జీ మోడల్ రానున్న రోజుల్లో భారత్ లో లాంచ్ అవుతుందని రూమర్లు వినిపిస్తున్నాయి. ఈలోపు తదుపరి వీ-సిరీస్ ఫోన్స్ లాంచ్ కి సిద్ధమయ్యాయి. Vivo V27 సిరీస్ వచ్చే ఏడాది ఆరంభంలో లాంచ్ అవుతుందని సమాచారం.

2023 మొదటి త్రైమాసికంలో Vivo V27 సిరీస్ లాంచ్ కానుందని 91Mobiles ఓ రిపోర్ట్ ని వెలువరించింది. Vivo V27 సిరీస్ క్రింద భారత్ లో లాంచ్ కాబోవు ఫోన్స్ ఏంటనే వివరాలను కూడా వెల్లడయ్యాయి. Vivo V27 సిరీస్ యొక్క టైమ్ లైన్, ఇతర వివరాల గురించి తెలుసుకుందాం పదండి.

Vivo V27 సిరీస్ భారత్ లో ఎప్పుడు లాంచ్ అవుతోంది?

Vivo V27 సిరీస్, V25 సిరీస్ కి సక్సెసర్ గా వస్తోంది. Vivo V27 లైనప్ లో కనీసం రెండు ఫోన్లు లాంచ్ అయ్యే అవకాశం ఉంది. 91Mobiles కథనం ప్రకారం, వివో వీ27 సిరీస్ 2023 ఫిబ్రవరిలో లాంచ్ కానుందని సమాచారం. ఇది ఇండియా లాంచ్ టైమ్ లైన్ అని గమనించాలి. వివో ఇతర మార్కెట్స్ లో Vivo V27 సిరీస్ ని లాంచ్ చేస్తుందా లేదా అనేది ఇంకా తెలియదు.

Vivo V27 సిరీస్ న్యూ-జనరేషన్ మీడియాటెక్ డైమెన్సిటీ చిప్సెట్స్ తో లాంచ్ అయ్యే అవకాశం ఉంది. ప్రస్తుతం అందుబాటులో ఉన్న Vivo V25 సిరీస్ లో డైమెన్సిటీ 1300 చిప్సెట్ వాడారు.

ఇప్పుడు త్వరలో భారత్ లో లాంచ్ కానున్న Vivo V25 4G ఫోన్ గురించి తెలుసుకుందాం. ఇటీవలె థాయిలాండ్ లో లాంచ్ అయిన Vivo V25e 4G కి రీబ్యాండ్జ్డ్ వర్షన్ అని సమాచారం. స్పెసిఫికేషన్స్ కూడా దాని లాగే ఉండనున్నాయి. Vivo V25 4G స్మార్ట్ ఫోన్ మీడియాటెక్ హీలియో జీ99 చిప్సెట్, 8జిబి వరకు ర్యామ్, 128జిబి స్టోరేజీ ఆప్షన్స్ తో రానుంది. పవర్ బ్యాకప్ కోసం ఈ డివైజ్ లో 4500 ఎంఏహెచ్ బ్యాటరీ అందించారు. ఈ బ్యాటరీ 44 వాట్ ఫాస్ట్ చార్జింగ్ కి సపోర్ట్ చేస్తుంది.

Vivo V25 4G యొక్క కెమెరా విభాగం గురించి తెలుసుకుందాం. ఈ డివైజ్ లో ట్రిపుల్ రియర్ కెమెరా సెటప్ ఉంది. ఇందులో 64 ఎంపి మెయిన్ కెమెరా, 2ఎంపి డెప్త్ సెన్సర్, 2ఎంపి మ్యాక్రో సెన్సర్ ఉంటాయి. సెల్ఫీలు, వీడియో కాల్స్ కోసం 32ఎంపి ఫ్రంట్ కెమెరా ఉంటుంది.

Vivo V25 4G స్మార్ట్ ఫోన్ లో 6.44-ఇంచ్ అమోలెడ్ డిస్ప్లే, 90 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ ప్రింట్ సెన్సర్ ఉంటాయి. అయితే Vivo V25 4G ఫోన్ లాంచ్ తేదీని వివో ఇంకా ప్రకటించాల్సి ఉంది.