షావోమి సబ్-బ్రాండ్ రెడ్మీ త్వరలోనే Redmi 12 ఫోన్ ని లాంచ్ చేసేందుకు సిద్ధమవుతోంది. ఈ చవకైన ఫోన్ Redmi 10 కి సక్సెసర్ గా రానుందని సమాచారం. అయితే రెడ్మీ సంస్థ ఇంకా Redmi 12 డివైజ్ లాంచ్ తేదీని ఖరారు చేయాల్సి ఉంది. అయితే ఈలోపు Redmi 12 లాంచ్ తేదీ, ప్రధాన స్పెసిఫికేషన్స్ లీక్ అయ్యాయి.
డీల్యాబ్స్ రిపోర్ట్ ద్వారా Redmi 12 యొక్క ర్యామ్, స్టోరేజీ మరియు ధర వివరాలు రివీల్ అయ్యాయి. సరే, ఓసారి Redmi 12 డివైజ్ ధర, స్పెసిఫికేషన్స్, ఫీచర్స్ ఎలా ఉన్నాయో తెలుసుకుందాం.
Redmi 12 ధర (లీక్)
Redmi 12 స్మార్ట్ ఫోన్ జూన్ 2 న యూరోపియన్ మార్కెట్ లో లాంచ్ కానుందని సమాచారం. ఈ స్మార్ట్ ఫోన్ ధర 199 యూరోలు (సుమారు రూ.17,700). రిపోర్ట్ ప్రకారం, ఈ ఫోన్ బ్లూ, సిల్వర్ మరియు బ్లాక్ కలర్ ఆప్షన్స్ లో లభిస్తుందని తెలుస్తోంది.
Redmi 12 స్పెసిఫికేషన్స్ (లీక్)
ర్యామ్, స్టోరేజీ
- 4జిబి ర్యామ్
- 128జిబి స్టోరేజీ
Redmi 12 స్మార్ట్ ఫోన్ 4జిబి ర్యామ్, 128జిబి స్టోరేజీ తో లాంచ్ అవుతుందని సమాచారం.
డిస్ప్లే
- ఐపీఎస్ టీఎఫ్టీ
- ఫుల్ హెచ్డీ+
Redmi 12 స్మార్ట్ ఫోన్ లో 6.79-ఇంచ్ ఐపీఎస్ టీఎఫ్టీ డిస్ప్లే, ఫుల్ హెచ్డీ+ రెజుల్యూషన్, 2460*1080 పిక్సెల్స్ రెజుల్యూషన్, 396 పీపీఐ పిక్సెల్ డెన్సీటీ, కార్నింగ్ గొరిల్లా గ్లాస్ 3, 90 హెర్ట్జ్ రిఫ్రెష్ రేట్ ఉన్నాయి.
కెమెరా విభాగం
- 50ఎంపి రియర్ కెమెరా
- 8ఎంపి ఫ్రంట్ కెమెరా
Redmi 12 స్మార్ట్ ఫోన్ లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో సెన్సర్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఉంటుంది.
చిప్సెట్, ఓఎస్, బ్యాటరీ
- హీలియో జీ88
- ఆండ్రాయిడ్ 13
- 5000 ఎంఏహెచ్
Redmi 12 స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ ఆండ్రాయిడ్ 13 ఓఎస్ పై పని చేస్తుంది. ఈ ఫోన్ లో మీడియాటెక్ హీలియో జీ88 చిప్సెట్ వాడారు.
