ప్రముఖ స్మార్ట్ ఫోన్ బ్రాండ్ షావోమి యొక్క సబ్-బ్రాండ్ రెడ్మీ నుంచి త్వరలోనే Redmi Note 13 సిరీస్ మార్కెట్ లోకి రానుంది. తొలుత ఈ సిరీస్ చైనాలోకి ఎంట్రీ ఇవ్వనుంది. తర్వాత భారత్ తో సహా ఇతర గ్లోబల్ మార్కెట్స్ లోకి ప్రవేశించనుంది. Redmi Note 13 సిరీస్ లో భాగంగా 3 మోడల్స్ రానున్నాయి. అవి: Redmi Note 13, Redmi Note 13 Pro, Redmi Note 13 Pro+. ప్రముఖ టిప్స్టర్ డిజిటల్ చాట్ స్టేషన్ తాజాగా Redmi Note 13 Pro+ యొక్క స్పెసిఫికేషన్స్ ని లీక్ చేసింది. ఈ విషయాన్ని Gizmochina వెబ్సైట్ తన కథనం ద్వారా వెల్లడించింది.
Redmi Note 13 Pro+ ప్రధాన స్పెసిఫికేషన్స్ (రూమర్స్)
- కెమెరా: Redmi Note 13 Pro+ స్మార్ట్ ఫోన్ 200ఎంపి మెయిన్ కెమెరాతో వస్తున్నట్లు సమాచారం. ఇది 4x ఇన్-సెన్సర్ జూమ్ ని ఆఫర్ చేయనున్నట్లు తెలుస్తోంది.
- బ్యాటరీ: Redmi Note 13 Pro+ డివైజ్ లో 5000 ఎంఏహెచ్ బ్యాటరీ ఉంటుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది.
- డిస్ప్లే: Redmi Note 13 Pro+ లో కర్వ్డ్-ఎడ్జ్ డిస్ప్లే, 1.5కే రెజుల్యూషన్ ఉంటాయి. 120 హెర్ట్జ్ రిఫ్రెష్ రేట్ సపోర్ట్ ఉంటుంది.
Redmi Note 13 Pro స్కీమాటిక్ ఇమేజ్ ని మీరు పైన చూస్తున్నారు. Redmi Note 13 లైనప్ ఇదే డిజైన్ ని పోలి ఉంటుందని సమాచారం. అయితే Redmi Note 13, Redmi Note 13 Pro ఫ్లాట్ డిస్ప్లేని కలిగి ఉండగా, Redmi Note 13 Pro+ మాత్రం కర్వ్డ్-ఎడ్జ్ స్క్రీన్ తో రానుంది. మేం అందించిన సమాచారం కేవలం లీకైన ప్రాథమిక వివరాలను బట్టి అందించినదేనని పాఠకులు గమనించాలి. రానున్న రోజుల్లో స్పెసిఫికేషన్స్ పై మరింత స్పష్టత రానుంది.
