ప్రముఖ స్మార్ట్ఫోన్ బ్రాండ్ Redmi నుంచి గతేడాది నవంబర్ నెలలో Note 13 సిరీస్ లో భాగంగా Redmi Note 13R Pro లాంచ్ అయ్యింది. ఈ ఫోన్ 108ఎంపి మెయిన్ కెమెరా, 12జిబి ర్యామ్ తో వచ్చింది. నేడు, చైనాలో మరొక ఫోన్ Redmi Note 13R 5G మార్కెట్ లోకి ఎంట్రీ ఇచ్చింది. ఈ మిడ్-బడ్జెట్ ఫోన్ 120 హెర్ట్జ్ డిస్ప్లే, క్వాల్కమ్ స్నాప్డ్రాగన్ 4 జెన్ 2 చిప్సెట్, 12జిబి ర్యామ్, 50ఎంపి డ్యూయల్ రియర్ కెమెరా సెటప్ తో వచ్చింది. ఓసారి ఈ డివైజ్ యొక్క పూర్తి స్పెసిఫికేషన్స్ మరియు ధర వివరాలు తెలుసుకుందాం.
Redmi Note 13R 5G ధర
Redmi Note 13R 5G స్మార్ట్ఫోన్ చైనాలో 5 వేరియంట్స్ లో లభించనున్నట్లు అధికార వెబ్సైట్ ద్వారా తెలుస్తోంది. వీటి ధరలు ఎలా ఉన్నాయో తెలుసుకుందాం.
Redmi Note 13R 5G 6జిబి ర్యామ్ + 128జిబి స్టోరేజీ బేస్ మోడల్ ధరను 1399 యువాన్లు (సుమారు రూ.16,399) గా ఉంది. 12జిబి ర్యామ్ + 512జిబి స్టోరేజీ టాప్ మోడల్ ధరను 2199 యువాన్లు (సుమారు రూ.25,799) గా పెట్టారు.
Redmi Note 13R 5G స్పెసిఫికేషన్స్
డిస్ప్లే: Redmi Note 13R 5G లో 6.79-ఇంచ్ ఫుల్ హెచ్డీ+ రెజుల్యూషన్, 2460*1080 పిక్సెల్ రెజుల్యూషన్, ఎల్సీడీ ప్యానెల్, 120 హెర్ట్జ్ రిఫ్రెష్ రేట్, 550 నిట్స్ పీక్ బ్రైట్నెస్ ఉన్నాయి.
ప్రాసెసర్: Redmi Note 13R 5G డివైజ్ లో స్నాప్డ్రాగన్ 4 జెన్ 2 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. దీని హయ్యస్ట్ క్లాక్ స్పీడ్ 2.3GHz.
మెమొరీ: Redmi Note 13R 5G డివైజ్ 6జిబి/8జిబి/12జిబి ర్యామ్, 128జిబి/256జిబి/512జిబి స్టోరేజీ వేరియంట్స్ లో లభిస్తుంది. ఎల్పీడీడీఆర్4ఎక్స్ ర్యామ్, యూఎఫ్ఎస్ 2.2 స్టోరేజీ టెక్నాలజీని ఈ ఫోన్ లో అందించారు.
కెమెరా: Redmi Note 13R 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి అల్ట్రా-క్లియర్ మెయిన్ కెమెరా, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఉంది.
బ్యాటరీ: Redmi Note 13R 5G లో పవర్ బ్యాకప్ కోసం 5030 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్కి సపోర్ట్ చేస్తుంది.
ఇతర ఫీచర్లు: Redmi Note 13R 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, 3.5ఎంఎం ఆడియో జాక్, ఐపీ53 రేటింగ్ ఉన్నాయి.
