ప్రముఖ స్మార్ట్ ఫోన్ బ్రాండ్ శాంసంగ్ కొత్త గెలాక్సీ ఏ-సిరీస్ స్మార్ట్ ఫోన్ ని భారత్ లో లాంచ్ చేసింది. Samsung Galaxy A14 4G పేరుతో మార్కెట్ లోకి వచ్చిన ఈ డివైజ్ ధర రూ.15,000 లోపే ఉంది. రెండు స్టోరేజీ వేరియంట్స్ లో ఈ ఫోన్ వచ్చింది. ఫ్లాట్ రియర్ ప్యానెల్, కర్వ్డ్ ఫ్రేమ్ ని ఈ ఫోన్ కలిగి ఉంది. ఈ స్మార్ట్ ఫోన్ మిగతా ఏ-సిరీస్ ఫోన్ల మాదిరి డిజైన్ ని కలిగి ఉంది.
Samsung Galaxy A14 4G స్మార్ట్ ఫోన్ లో 50ఎంపి మెయిన్ కెమెరా, ఎగ్జినోస్ 850 చిప్సెట్ వాడారు. Samsung Galaxy A14 4G రియర్ ప్యానెల్, ఫ్రేమ్ పాలికార్బొనేట్ మెటీరియల్ తో తయారైంది. ఈ డివైజ్ భారత్ లో మూడు కలర్ ఆప్షన్స్ తో లాంచైంది. సరే, ఓసారి Samsung Galaxy A14 4G ధర, స్పెసిఫికేషన్స్ తదితర వివరాలు తెలుసుకుందాం పదండి.
భారత్ లో Samsung Galaxy A14 4G ధర
- 4జిబి+64జిబి= రూ.13,999
- 4జిబి+128జిబి= రూ.14,999
భారత్ లో Samsung Galaxy A14 4G డివైజ్ రెండు స్టోరేజీ వేరియంట్స్ లో లాంచైంది. బేస్ మోడల్ 4జిబి ర్యామ్ + 64జిబి స్టోరేజీ ధర రూ.13,999 గా ఉంది. ఇక 4జిబి + 128జిబి మోడల్ ధర రూ.14,999 గా ఉంది.
Samsung Galaxy A14 4G డివైజ్ లైట్ గ్రీన్, సిల్వర్ మరియు బ్లాక్ కలర్ ఆప్షన్స్ లో లభిస్తుంది. లాంచ్ ఆఫర్ లో భాగంగా, ఈ స్మార్ట్ ఫోన్ పై శాంసంగ్ ఆన్లైన్ స్టోర్, మెయిన్ లైన్ చానల్స్ ద్వారా రూ.1,000 ఇన్స్టంట్ క్యాష్బ్యాక్ లభిస్తుంది. దీంతో బేస్ వేరియంట్ ధర రూ.12,999 కి తగ్గనుంది.
Samsung Galaxy A14 4G స్పెసిఫికేషన్స్
డిస్ప్లే
- 6.6-ఇంచ్ ఐపీఎస్ ఎల్సీడీ
- 480 నిట్స్ పీక్ బ్రైట్నెస్
Samsung Galaxy A14 4G స్మార్ట్ ఫోన్ లో 6.6-ఇంచ్ ఐపీఎస్ ఎల్సీడీ స్క్రీన్, ఫుల్ హెచ్డీ+ (2408*1080 పిక్సెల్స్) రెజుల్యూషన్, వాటర్ డ్రాప్ నాచ్, 60 హెర్ట్జ్ రిఫ్రెష్ రేట్, 480 నిట్స్ పీక్ బ్రైట్నెస్ ఉన్నాయి.
చిప్సెట్, ర్యామ్, స్టోరేజీ
- ఎగ్జినోస్ 850 చిప్
- 4జిబి+128జిబి
Samsung Galaxy A14 4G స్మార్ట్ ఫోన్ లో ఎగ్జినోస్ 850 చిప్సెట్ వాడారు. 4జిబి ర్యామ్ + 4జిబి వర్చువల్ ర్యామ్, 128జిబి వరకు స్టోరేజీ, మైక్రోఎస్డీ కార్డ్ సపోర్ట్ ఉన్నాయి.
ఓఎస్, బ్యాటరీ
- ఆండ్రాయిడ్ 13
- 5000ఎంఏహెచ్
Samsung Galaxy A14 4G స్మార్ట్ ఫోన్ ఆండ్రాయిడ్ 13 ఓఎస్ ఆధారిత వన్ యూఐ 5.0 కస్టమ్ స్కిన్ పై పని చేస్తుంది. ఈ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 10 వాట్ చార్జింగ్ కి సపోర్ట్ చేస్తుంది.
కెమెరా విభాగం
- 50ఎంపి రియర్ కెమెరా
- 13ఎంపి ఫ్రంట్ కెమెరా
Samsung Galaxy A14 4G స్మార్ట్ ఫోన్ లో 50ఎంపి మెయిన్ కెమెరా, 5ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో కెమెరా ఉంటాయి. ఈ ఫోన్ లో సెల్ఫీస్, వీడియో కాల్స్ కోసం 13ఎంపి ఫ్రంట్ కెమెరా అందించారు.
కనెక్టివిటీ
- 4జీ
- 3.5ఎంఎం జాక్
Samsung Galaxy A14 4G డివైజ్ 4జీ, డ్యూయల్ సిమ్, బ్లూటూత్, వై-ఫై, జీపీఎస్, 3.5ఎంఎం ఆడియో జాక్, సైడ్ మౌంటెడ్ ఫింగర్ ప్రింట్ స్కానర్ వంటి కనెక్టివిటీ ఆప్షన్స్ ని కలిగి ఉంది. శాంసంగ్ కంపెనీ ఈ ఫోన్ పై 2 ఏళ్ళ పాటు మేజర్ ఆండ్రాయిడ్ అప్డేట్స్, 4 ఏళ్ళ పాటు సెక్యూరిటీ అప్డేట్స్ ని హామీనిస్తోంది.
