నేడే Samsung Galaxy F04 ఫస్ట్ సేల్

హైలైట్స్

• భారత్ లో Samsung Galaxy F04 ధర రూ.7,499
• మీడియాటెక్ హీలియో పీ35 చిప్సెట్, 5000 ఎంఏహెచ్ బ్యాటరీ, 13ఎంపి కెమెరాతో వచ్చిన Samsung Galaxy F04
• ఒపల్ గ్రీన్ మరియు జేడ్ పర్పుల్ కలర్ ఆప్షన్స్ లో లభించనున్న Samsung Galaxy F04

Samsung Galaxy F04 నేడు మొదటిసారిగా భారత్ లో సేల్ కి వచ్చింది. ఈ ఎంట్రీ-లెవెల్ గెలాక్సీ స్మార్ట్ ఫోన్ గత వారం భారత్ లో లాంచైంది. బడ్జెట్ ఫ్రెండ్లీ ఫోన్ కొనాలని భావించే వారు ఈ ఫోన్ ని చెక్ చేయవచ్చు. ఈ ఆర్టికల్ లో Samsung Galaxy F04 యొక్క ధర, ఆఫర్స్, స్పెసిఫికేషన్స్ గురించి తెలుసుకుందాం.

Samsung Galaxy F04 స్మార్ట్ ఫోన్ 5000 ఎంఏహెచ్ బ్యాటరీ, 5ఎంపి సెల్ఫీ కెమెరా, 2 ఆండ్రాయిడ్ ఓఎస్ అప్‌గ్రేడ్స్ ఈ ఫోన్ హైలైట్స్. సరే, ఓసారి Samsung Galaxy F04 యొక్క స్పెసిఫికేషన్స్ మరియు ఇతర వివరాలు తెలుసుకుందాం పదండి.

భారత్ లో Samsung Galaxy F04 ధర, లాంచ్ ఆఫర్స్, లభ్యత

Samsung Galaxy F04 స్మార్ట్ ఫోన్ ధరను భారత్ లో రూ.9,499 గా నిర్ణయించారు. శాంసంగ్ ఈ ఫోన్ పై రూ.1,000 డిస్కౌంట్ ఆఫర్ చేస్తోంది. అదనంగా ఐసీఐసీఐ క్రెడిట్ కార్డ్ ట్రాన్సాక్షన్స్ పై రూ.1000 డిస్కౌంట్ కూడా లభిస్తుంది.

Samsung Galaxy F04 స్మార్ట్ ఫోన్ నేడు, అనగా జనవరి 12 వ తేదీన మధ్యాహ్నం 12 గంటల నుంచి సేల్ కి అందుబాటులో ఉంటుంది. ఫ్లిప్ కార్ట్ ద్వారా ఈ ఫోన్ ని కొనుగోలు చేయవచ్చు.

Samsung Galaxy F04 స్పెసిఫికేషన్స్, ఫీచర్స్

Samsung Galaxy F04 స్మార్ట్ ఫోన్ 6.5-ఇంచ్ హెచ్డీ+ ఎల్సీడీ డిస్ప్లే తో వచ్చింది. ఇది 60 హెర్ట్జ్ రిఫ్రెష్ రేట్ ని కలిగి ఉంది. డిస్ప్లే ప్యానెల్ 269 పీపీఐ పిక్సెల్ డెన్సిటీ కలిగి ఉంది. వాటర్ డ్రాప్ నాచ్ లో ఫ్రంట్ కెమెరా ఉంది.

Samsung Galaxy F04 లో మీడియాటెక్ హీలియో పీ35 చిప్సెట్ వాడారు. ఇందులో గ్రాఫిక్స్ కోసం ఐఎంజీ పవర్‌వీఆర్ జీఈ8320 జీపీయూ వినియోగించారు. 4జిబి ర్యామ్, 64జిబి స్టోరేజీ ని ఈ ఫోన్ లో అందించారు. ర్యామ్ ప్లస్ ఫీచర్ ద్వారా ర్యామ్ ని పెంచుకునే అవకాశం ఉంది. ఈ హ్యాండ్సెట్ ఆండ్రాయిడ్ 12 ఓఎస్ ఆధారిత వన్‌యూఐ 4.1 కస్టమ్ స్కిన్ పై పని చేస్తుంది. ఈ ఎఫ్-సిరీస్ ఫోన్ కి శాంసంగ్ రెండు మేజర్ ఆండ్రాయిడ్ అప్‌గ్రేడ్స్ ని హామీ ఇస్తోంది.

Samsung Galaxy F04 లో డ్యూయల్ రియర్ కెమెరా సెటప్ ఉంది. ఇందులో 13ఎంపి మెయిన్ కెమెరా, 2ఎంపి డెప్త్ సెన్సర్ ఉంటాయి. వీటికి తోడు ఒక ఎల్ఈడీ ఫ్లాష్ ఉంటుంది. సెల్ఫీలు, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా అందించారు.

పవర్ బ్యాకప్ కోసం Samsung Galaxy F04 లో 5000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్‌ఫర్ కోసం ఇందులో టైప్-సీ చార్జింగ్ పోర్ట్ ఇచ్చారు.

Samsung Galaxy F04 స్మార్ట్ ఫోన్ ఒపల్ గ్రీన్, జేడ్ పర్పుల్ కలర్ ఆప్షన్స్ లో లభిస్తుంది. ఈ ఫోన్ 164.2 మిల్లీ మీటర్ల పొడవు, 75.9 మిల్లీ మీటర్ల వెడల్పు, 9.1 మిల్లీ మీటర్ల మందం, 188 గ్రాముల బరువు ఉంటుంది. ఈ స్మార్ట్ ఫోన్ లో మైక్రోఎస్డీ కార్డ్ స్లాట్ ఉంటుంది. ఈ ఫోన్ లో ఫింగర్ ప్రింట్ స్కానర్ లేదు. అయితే ఫేస్ అన్‌లాక్ ఫీచర్ ఉంది. బ్లూటూత్, వై-ఫై, డ్యూయల్ సిమ్, జీపీఎస్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.