ప్రపంచపు అతిచిన్నదైన 5జీ స్మార్ట్ఫోన్ Unihertz Jelly Max గ్లోబల్ మార్కెట్ లో లాంచ్ అయ్యింది. ట్రాన్స్పరెంట్ బ్యాక్ ప్యానెల్, పవర్ఫుల్ స్పెసిఫికేషన్స్ తో ఈ ఫోన్ లాంచ్ అయ్యింది. Unihertz Jelly Max డివైజ్ 128.7 మి.మీ పొడవు, 62.7 మి.మీ వెడల్పు, 16.3 మి.మీ మందం ఉంటుంది. ఈ డైమెన్షన్స్ iPhone 13 mini కంటే కూడా తక్కువగా ఉన్నాయి. సైజ్ అయితే తక్కువే కానీ, బరువు మాత్రం చాలా ఎక్కువగా ఉంది.
Unihertz Jelly Max స్పెసిఫికేషన్స్
డిస్ప్లే: Unihertz Jelly Max లో 5.05-ఇంచ్ స్క్రీన్, ఎల్సీడీ ప్యానెల్, 720*1520 పిక్సెల్స్ రెజుల్యూషన్, పంచ్ హోల్ కటౌట్ ఉన్నాయి.
ప్రాసెసర్: Unihertz Jelly Max లో మీడియాటెక్ డైమెన్సిటీ 7300 చిప్సెట్ వాడారు. 4 నానోమీటర్ ఫ్యాబ్రికేషన్ పై తయారైన ఈ చిప్సెట్ హయ్యస్ట్ క్లాక్ స్పీడ్ 2.6 గిగాహెర్ట్జ్.
కెమెరా: Unihertz Jelly Max లో 100ఎంపి మెయిన్ కెమెరా, 8ఎంపి టెలీఫోటో 3.4x జూమ్ లెన్స్ ఉన్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా ఉంది.
బ్యాటరీ: Unihertz Jelly Max లో పవర్ బ్యాకప్ కోసం 4,000 ఎంఏహెచ్ బ్యాటరీ ఉంది. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది. 20 నిమిషాల్లో ఈ ఫోన్ 90 శాతం చార్జ్ అవుతుందని కంపెనీ చెబుతోంది.
ఇతర ఫీచర్లు: Unihertz Jelly Max లో డ్యూయల్ సిమ్, వై-ఫై 6, బ్లూటూత్ 5.4, ఎన్ఎఫ్సీ, ఇన్ఫ్రారెడ్, ఓటీజీ, ఎఫ్ఎమ్, ఫింగర్ప్రింట్ స్కానర్ ఉన్నాయి. మెమొరీ కార్డ్ స్లాట్ కూడా ఈ ఫోన్ లో అందించారు.
