స్మార్ట్‌ఫోన్ కొనే కస్టమర్ల చూపు ప్రధానంగా ఉండే విభాగాల్లో కెమెరా డిపార్ట్మెంట్ ఒకటి. కొందరు గేమింగ్ కోసం ఫోన్ కొంటే, మరికొందరు కేవలం ఫోటోగ్రఫీ కోసమే స్మార్ట్‌ఫోన్ కొంటారు. మరి, మంచి ఫోటోలు, వీడియోలు తీసుకోవాలంటే, అద్భుతమైన కెమెరా అవసరమే కదా. స్మార్ట్‌ఫోన్లలో రకరకాల కెమెరాలను కంపెనీలు ఆఫర్ చేస్తున్నాయి.

ఏఐ, ఓఐఎస్, పొట్రెయిట్, వైడ్-యాంగిల్, అల్ట్రా-వైడ్ యాంగిల్, మ్యాక్రో, టెలీఫోటో, పెరిస్కోపిక్ టెలీఫోటో.. ఇలా వివిధ రకాల సెన్సర్స్ స్మార్ట్‌ఫోన్లలో అందుబాటులో ఉంటున్నాయి. యూజర్లు వారి అవసరానికి అనుగుణంగా ఫోన్‌ను ఎంపిక చేసుకోవాల్సి ఉంటుంది. ఇవాళ మనం ఈ ఆర్టికల్ లో Nothing Phone 2a Plus మరియు Realme 13 Pro స్మార్ట్‌ఫోన్లను పోల్చి, ఎందులో ఉత్తమమైన కెమెరా ఉందో తెలుసుకుందాం.

డే లైట్

రియల్మీ 13 ప్రో ఫోన్ డేలైట్ కండిషన్స్ లో బ్రైట్ మరియు పంచీ కలర్స్ ను ప్రొడ్యూస్ చేసింది. మరోవైపు, నథింగ్ ఫోన్ 2ఏ ప్లస్ కూడా బాగానే పెర్ఫామ్ చేసింది. ఓవరాల్ గా రెండు ఫోన్లలో తీసిన ఫోటోల్లో ఒకే విధమైన డైనమిక్ రేంజ్, బ్యాగ్రౌండ్ డీటెయిల్స్ ఉన్నాయి.

అయితే రియల్మీ 13 ప్రో మాత్రం నాయిస్ ను తగ్గించేందుకు కొన్ని డీటెయిల్స్ ను సాఫ్ట్ చేసింది. నథింగ్ ఫోన్ 2ఏ ప్లస్ లో దీనికి విరుద్ధంగా, ఎక్కువ షార్ప్‌నెస్ గల డీటెయిల్స్ ఉన్నాయి. పొదలు కూడా ఎంతో నేచురల్ గా కనిపించాయి.

2ఎక్స్ మోడ్ లో తీసిన ఫోటోలు కూడా ఇదే విధంగా ఉన్నాయి. కలర్ ట్రీట్మెంట్ విషయంలో రియల్మీ 13 ప్రో తడబడినట్లు మా టెస్టులో స్పష్టమైంది.

విజేత: Nothing Phone 2a Plus

అల్ట్రావైడ్

50ఎంపి అల్ట్రావైడ్ సెన్సర్ తో.. మెగాపిక్సెల్స్ విషయంలో నథింగ్ ఫోన్ 2ఏ ప్లస్, రియల్మీ 13 ప్రో కంటే ముందుంది. రియల్మీలో 8ఎంపి అల్ట్రావైడ్ కెమెరా ఉంది.

ఈ రెండు ఫోన్లలో తీసిన ఫోటోలను పోల్చి చూస్తే, ప్రైమరీ కెమెరా మాదిరి కలర్ సైన్స్‌ను, ఏ వైడ్ యాంగిల్ లెన్స్ కూడా కలిగి లేదు. రియల్మీ 13 ప్రో ఎక్కువ ఫీల్డ్ ఆఫ్ వ్యూ కలిగి ఉన్నప్పటికీ, డీటెయిల్స్ స్పష్టంగా లేవు.

మరోవైపు, నథింగ్ ఫోన్ 2ఏ ప్లస్ మంచి డైనమిక్ రేంజ్ అందించింది. బ్యాగ్రౌండ్ లో కనిపించే డీటెయిల్స్ కూడా స్పష్టంగా ఉన్నాయి. ఇక్కడ నథింగ్ ఫోన్ 2ఏ ప్లస్, రియల్ లైఫ్ కలర్స్‌ను క్యాప్చర్ చేసే విషయంలో రియల్మీ 13 ప్రో కంటే బెటర్ గా ఉంది.

విజేత: Nothing Phone 2a Plus

పొట్రెయిట్

నథింగ్ ఫోన్ 2ఏ ప్లస్ మరియు రియల్మీ 13 ప్రో ఫోన్లు రెండూ కూడా పొట్రెయిట్ షాట్స్ కోసం తమ మెయిన్ కెమెరా పైనే ఆధారపడ్డాయి. రెగ్యులర్ ఫోటో మోడ్ లో నేచురల్ గా కనిపించే కొద్దిపాటి డెప్త్ ఏరియా సాధ్యమవుతుంది. కానీ, పొట్రెయిట్ మోడ్.. సోషల్ మీడియా-రెడీ ఔట్‌పుట్ అందిస్తుంది.

నథింగ్ ఫోన్ 2ఏ ప్లస్ ద్వారా తీసిన పొట్రెయిట్ పిక్స్ లో బ్రైట్నెస్ ఎక్కువగా ఉంది. మరోవైపు, రియల్మీ 13 ప్రో తో తీసిన ఫోటోల్లో స్కిన్ టోన్ సరిగ్గా ఉంది.

ఎడ్జ్ డిటెక్షన్, బ్లర్ బ్యాగ్రౌండ్ విషయాల్లో రియల్మీ 13 ప్రో మెరుగ్గా ఉంది. అయితే రెండు ఫోన్లు కూడా ముఖంలోని డీటెయిల్స్ ను సాఫ్ట్ చేశాయి.

విజేత: Realme 13 Pro

సెల్ఫీ (పొట్రెయిట్ మోడ్)

నథింగ్ ఫోన్ 2ఏ ప్లస్ తన బ్రైట్నెస్ లెవెల్స్ ను ముఖం పైన బాగానే బ్యాలన్స్ చేసింది. అంతేకాదు, ఫేస్ పైన డీటెయిల్స్ ను కూడా చక్కగా క్యాప్చర్ చేసింది.

ఎడ్జ్ డిటెక్షన్ విషయంలో రియల్మీ 13 ప్రో తడబడినట్లు సెల్ఫీస్ ను గమనిస్తే అర్థమైంది. సెల్ఫీస్ లో హై కాంట్రాస్ట్ ఉండటంతో, డీటెయిల్స్ కనిపించలేదు.

విజేత: Nothing Phone 2a Plus

లో-లైట్

రెండు స్మార్ట్‌ఫోన్లు కూడా లో-లైట్ పరిస్థితుల్లో బ్రైట్నెస్ విషయంలో ఫర్వాలేదనిపించేలా ఉన్నాయి. అయితే లో-లైట్ పెర్ఫామెన్స్ కచ్చితంగా మెరుగవ్వాల్సిన అవసరం ఉంది.

యాంబియెంట్ లైట్స్ ‌ను బ్యాలన్స్ చేయడంలో నథింగ్ ఫోన్ 2ఏ ప్లస్ మరియు రియల్మీ 13 ప్రో తడబడ్డాయి. ఓవరాల్ గా ఫోటోల యొక్క షార్ప్‌నెస్, స్టెబిలిటీ యావరేజీగా ఉన్నాయి.

బ్రైట్ ఔట్‌పుట్, డీటెయిల్స్ విషయంలో నథింగ్ ఫోన్ 2ఏ ప్లస్ మంచిగా పెర్ఫామ్ చేసింది. ఎక్స్‌పోజర్ బ్యాలన్సింగ్ విషయంలో రియల్మీ 13 ప్రో ఇబ్బంది పడింది.

విజేత: Nothing Phone 2a Plus

లో-లైట్ (నైట్ మోడ్)

నైట్ మోడ్ సాయంతో, కాస్త మెరుగైన ఫోటోలు వచ్చాయి. కానీ పెద్దగా మార్పు లేదు. హై కాంట్రాస్ట్ ఉన్నప్పటికీ, రియల్మీ 13 ప్రో ఇమేజెస్ చూసేందుకు బాగున్నాయి. కాకపోతే, బిల్డింగ్స్ పై ఉన్న అడ్వర్టైజ్మెంట్స్ డీటెయిల్స్ స్పష్టంగా లేవు.

మరోవైపు, నథింగ్ ఫోన్ 2ఏ ప్లస్ లో ఈ సమస్యలు ఏమీ లేవు. అయితే, రెండు ఫోన్లు కూడా యాంబియెంట్ లైట్‌ను మ్యానేజ్ చేయడంలో ఇబ్బంది పడ్డాయి. రూ.30,000 లోపు ఉన్న స్మార్ట్‌ఫోన్లలో ఈ సమస్య తరచూ కనిపించేదే.

విజేత: Nothing Phone 2a Plus

ఏది బెటర్?

మేం జరిపిన కెమెరా టెస్టును బట్టి, Realme 13 Pro కంటే Nothing Phone 2a Plus ముందుంది. కొన్ని విషయాల్లో రెండూ కూడా సమానంగా ఉన్నాయి.

అయితే, నథింగ్ ఫోన్ 2ఏ ప్లస్ లో 50ఎంపి కెమెరా సిస్టమ్ ఎక్కువ డీటెయిల్స్ ను క్యాప్చర్ చేస్తుంది. మీరు గనుక మీ సోషల్ మీడియా ప్రాజెక్ట్స్ కోసం ఇమేజెస్ ను క్రాప్ చేస్తే, ఇది ఎంతగానో ఉపయోగపడుతుంది. నేచురల్ కలర్స్ కి దగ్గరగా ఉన్న ఫోటోలను ప్రొడ్యూస్ చేస్తున్న Nothing Phone 2a Plus సరైన ఎంపిక అయ్యే అవకాశం ఉంది.

The post Nothing Phone 2a Plus vs Realme 13 Pro: ఏ ఫోన్ కెమెరా బెటర్? first appeared on 91Mobiles Telugu.

స్మార్ట్‌ఫోన్ కొనే కస్టమర్ల చూపు ప్రధానంగా ఉండే విభాగాల్లో కెమెరా డిపార్ట్మెంట్ ఒకటి. కొందరు గేమింగ్ కోసం ఫోన్ కొంటే, మరికొందరు కేవలం ఫోటోగ్రఫీ కోసమే స్మార్ట్‌ఫోన్ కొంటారు. మరి, మంచి ఫోటోలు, వీడియోలు తీసుకోవాలంటే, అద్భుతమైన కెమెరా అవసరమే కదా. స్మార్ట్‌ఫోన్లలో రకరకాల కెమెరాలను సదరు కంపెనీలు ఆఫర్ చేస్తున్నాయి. ఏఐ, ఓఐఎస్, పొట్రెయిట్, వైడ్-యాంగిల్, అల్ట్రా-వైడ్ యాంగిల్, మ్యాక్రో, టెలీఫోటో, పెరిస్కోపిక్ టెలీఫోటో.. ఇలా వివిధ రకాల సెన్సర్స్ స్మార్ట్‌ఫోన్లలో అందుబాటులో ఉంటున్నాయి. యూజర్లు వారి అవసరానికి అనుగుణంగా ఫోన్‌ను ఎంపిక చేసుకోవాల్సి ఉంటుంది. ఇవాళ మనం ఈ ఆర్టికల్ లో OnePlus Nord 4 మరియు Motorola Edge 50 Pro స్మార్ట్‌ఫోన్లలో ఎందులో ఉత్తమమైన కెమెరా ఉందో తెలుసుకుందాం.

OnePlus Nord 4 మరియు Motorola Edge 50 Pro కెమెరా స్పెసిఫికేషన్స్

సబ్జెక్ట్ పై డిఫాల్ట్ ఆటో‌ఫోకస్ తో రెండు ఫోన్ల యొక్క పాయింట్-అండ్-షూట్ సామర్థ్యాన్ని మేం టెస్ట్ చేశాం. OnePlus Nord 4 లో టెలీఫోటో లెన్స్ లేదు. అందుకోసమే మేం, జూమ్ కేపబులిటీస్‌ను పోల్చి చూడలేదు. సరే, ఓసారి Nord 4 మరియు Edge 50 Pro ఫోన్ల యొక్క కెమెరా స్పెసిఫికేషన్స్ ఎలా ఉన్నాయో తెలుసుకుందాం.

OnePlus Nord 4

ప్రైమరీ సెన్సర్: 50ఎంపి సోని ఎల్‌వైటీఐఏ సెన్సర్, ఈఐఎస్ + ఓఐఎస్

సెకండరీ సెన్సర్: 8ఎంపి అల్ట్రావైడ్ సెన్సర్, 112-డిగ్రీ ఫీల్డ్ ఆఫ్ వ్యూ

టెలీఫోటో సెన్సర్: ఇందులో లేదు

ఫ్రంట్ కెమెరా: 16ఎంపి సెన్సర్, ఎఫ్/2.4 అపర్చర్

Motorola Edge 50 Pro

ప్రైమరీ సెన్సర్: 50ఎంపి సెన్సర్, ఎఫ్/1.4 అపర్చర్, ఓఐఎస్

సెకండరీ సెన్సర్: 13ఎంపి అల్ట్రావైడ్ సెన్సర్, 120-డిగ్రీ ఫీల్డ్ ఆఫ్ వ్యూ

టెలీఫోటో సెన్సర్: 10ఎంపి 2ఎక్స్ సెన్సర్, ఓఐఎస్

ఫ్రంట్ కెమెరా: 50ఎంపి శాంసంగ్ సెన్సర్, ఎఫ్/1.9 అపర్చర్

OnePlus Nord 4 లో క్వాల్కమ్ స్నాప్‌డ్రాగన్ 7 ప్లస్ జెన్ 3 చిప్సెట్ వాడారు. ఇందులో క్వాల్కమ్ స్పెక్ట్రా 18-బిట్ ట్రిపుల్ కాగ్నిటివ్ ఇమేజ్ సిగ్నల్ ప్రాసెసర్ (ఐఎస్‌పీ) ఉంది. Motorola Edge 50 Pro లో క్వాల్కమ్ స్నాప్‌డ్రాగన్ 7 జెన్ 3 చిప్సెట్ వాడారు. ఇందులో క్వాల్కమ్ స్పెక్ట్రా 12-బిట్ ట్రిపుల్ ఐఎస్‌పీ ఉంది. టెక్నికల్‌గా వన్‌ప్లస్ నార్డ్ 4 లో హయ్యర్ బిట్ రేట్ సపోర్ట్ ఉంది. దీన్ని బట్టి ఈ ఫోన్ బాగా పెర్ఫామ్ చేయాలి. మరింకెందుకు ఆలస్యం, రియల్ లైఫ్ యూసేజ్‌ ఎలా ఉందో తెలుసుకునేందుకు పూర్తిస్థాయి కెమెరా కంపారిజన్ లోకి వెళదాం పదండి.

డేలైట్

ఈ రెండు ఫోన్లు కూడా 50ఎంపి మెయిన్ కెమెరాతో వచ్చాయి. వన్‌ప్లస్ నార్డ్ 4 లోని అపర్చర్ ఫౌంటెయిన్ వెనకాల నేచురల్ డెప్త్ క్రియేట్ చేసింది. ఈ చిన్నదైన అపర్చర్ తక్కువ లైట్‌ను క్యాప్చర్ చేసింది. దీంతో మోటో‌ ఇమేజ్‌తో పోల్చితే, గ్రెయిన్స్ ఎక్కువగా ఉన్నాయి.

Motorola Edge 50 Pro లో సోషల్ మీడియాలో షేర్ చేయదగిన క్వాలిటీ, వైబ్రన్సీతో కూడిన అవుట్‌పుట్ వస్తోంది. మరోవైపు, OnePlus Nord 4 కూల్ కలర్స్ తో డల్ ఇమేజెస్‌ను ప్రొడ్యూస్ చేస్తోంది. రెండు ఫోన్లలో తీసిన ఫోటోలు కలర్ విషయంలో తేడాగా ఉన్నాయి. కానీ, నార్డ్ 4 రిజల్ట్స్ రియాల్టీకి దగ్గరగా ఉన్నాయి. హెచ్డీఆర్ ప్రాసెసింగ్, డీటెయిల్స్ విషయాల్లో Motorola Edge 50 Pro బాగా పెర్ఫామ్ చేసింది. Nord 4 విషయానికి వస్తే, హైలైట్స్ ను సరిగ్గా మేనేజ్ చేసింది. డీటెయిల్స్ అనేవి ఎక్కు షార్ప్‌నెస్ తో చూపబడ్డాయి.

విజేత: Motorola Edge 50 Pro

అల్ట్రావైడ్

OnePlus Nord 4 లో 8ఎంపి సోని అల్ట్రావైడ్ లెన్స్ ఇచ్చారు. ఇది 112-డిగ్రీ ఫీల్డ్ ఆఫ్ వ్యూ కలిగి ఉంది. అంటే, ఇది ఇమేజ్ మధ్యలో ఎక్కువ డీటెయిల్స్‌ చూపిస్తుంది. ప్రైమరీ లెన్స్ మరియు అల్ట్రావైడ్ లెన్స్‌ల మధ్య కలర్ కన్సిస్టెన్సీ బాగుంది.

Motorola Edge 50 Pro లో 13ఎంపి అల్ట్రావైడ్ లెన్స్ ఇచ్చారు. ఇది ఇమేజ్ లో అన్నిచోట్టా ఎక్కువ డీటెయిల్స్‌ను చూపిస్తుంది. ఈ సెన్సర్ తో తీసిన ఇమేజెస్ ఓవర్‌శాచురేటెడ్ గా ఉండి, నాయిస్ ను కలిగి ఉన్నాయి. ఇంకా ఈ ఇమేజెస్ లో విచిత్రంగా బ్లూ టింట్ కూడా కనిపిస్తోంది.

విజేత: సమానం

పొట్రెయిట్

Motorola Edge 50 Pro పొట్రెయిట్స్ విషయంలో కూడా మరోసారి ఓవర్‌శాచురేషన్ సమస్య వల్లన ఇబ్బంది పడింది. ఎక్కువ కాంట్రాస్ట్ అనేది ఇమేజెస్ లో మనం గమనించవచ్చు. అయితే బొకే ఎఫెక్ట్ నేచురల్ గా ప్రొడ్యూస్ చేసింది. సబ్జెక్ట్ లోని డీటెయిల్స్ చూపించడంలో మరియు ఎడ్జ్-కటౌట్ విషయంలో సెన్సర్ బాగా పని చేసింది.

పొట్రెయిట్స్ విషయంలో OnePlus Nord 4 బ్యాలన్స్డ్ గా ఉంది. శాచురేషన్ మరియు హెచ్డీఆర్ విషయాల్లో పెర్ఫామెన్స్ బాగుంది. కానీ, కాంట్రాస్ట్ మరియు డీపర్ బ్లాక్స్ లోపించాయి. అయితే వీటిని కొన్ని ఎడిట్స్ తో సెట్ చేసుకోవచ్చు. అయితే వన్‌ప్లస్ తన ఇమేజెస్ కు స్కిన్ స్మూథెనింగ్ ని అప్లై చేసినట్లు అనిపిస్తోంది.

విజేత: OnePlus Nord 4

సెల్ఫీ

వన్‌ప్లస్ నార్డ్ 4 లో 16ఎంపి ఫ్రంట్ కెమెరా అందించారు. వైబ్రంట్ కలర్స్ తో సోషల్ మీడియాలో షేర్ చేయదగిన ఇమేజెస్‌ను ఇది అందిస్తోంది. అయితే కొంచెం వార్మ్ కలర్ గుర్తించడం జరిగింది. స్కిన్ కలర్ మరియు కలర్ కన్సిస్టెన్సీ కాస్త మెరుగవ్వాలి.

మరోవైపు, మోటోరోలా ఎడ్జ్ 50 ప్రో లో 50ఎంపి ఫ్రంట్ కెమెరా ఇచ్చారు. ఇది పెద్ద సెన్సర్ కాబట్టి, నార్డ్ 4 లో ఇచ్చిన 16ఎంపి కంటే బెటర్ గా పెర్ఫామ్ చేస్తుంది. డీటెయిలింగ్ మరియు కాంట్రాస్ట్, స్కిన్ టోన్ విషయాల్లో ఎడ్జ్ 50 ప్రో ద్వారా తీసిన సెల్ఫీలు బెటర్ గా ఉన్నాయి.

విజేత: Motorola Edge 50 Pro

లో లైట్

నైట్ మోడ్ లేకుండా లో-లైట్ కండీషన్స్ లో, వన్‌ప్లస్ నార్డ్ 4 బెటర్ గా పెర్ఫామ్ చేసింది. హెచ్డీఆర్, ఎక్స్‌పోజర్, కలర్ ఆక్యురెసీ వంటి విషయాల్లో మెరుగ్గా ఉంది. లైట్ సోర్సెస్ ను కూడా బాగా వాడుకుంది.

మరోవైపు, మోటోరోలా ఎడ్జ్ 50 ప్రో డీటెయిల్డ్ ఇమేజెస్ ను అందించింది. అలాగే ఇమేజెస్ లోని టెక్స్ట్ పార్ట్స్ షార్ప్ గా ఉన్నాయి. అయితే కాంట్రాస్ట్ ఎక్కువ కావడం, ప్రాసెసింగ్ నాసీరకంగా ఉండటంతో నాణ్యమైన ఇమేజ్ రాలేదు. నార్డ్ 4 తో పోల్చితే, ఈ విషయంలో మోటోరోలా ఎడ్జ్ 50 ప్రో ప్రభావం చూపలేకపోయింది.

విజేత: OnePlus Nord 4

నైట్ మోడ్

నైట్ మోడ్ లో వన్‌ప్లస్ నార్డ్ 4 తో తీసిన ఇమేజ్ చూడటానికి సాధారణ ఫోటో మాదిరే ఉంది. కానీ, కాస్త బ్రైట్నెస్ పెరిగింది.

మోటోరోలా ఎడ్జ్ 50 ప్రో డివైజ్ లో నైట్ మోడ్ ఇమేజ్ ని గమనిస్తే, కాస్త ఇంప్రూవ్మెంట్ ఉంది. రెడ్ నియాన్ సైన్స్, బ్యాక్‌లిట్ మెను బోర్డ్స్ వంటివి బాగానే కనిపిస్తున్నాయి. ఎక్స్‌పోజర్ బాగానే బ్యాలన్స్ అయ్యింది. లైట్ సోర్సెస్ చుట్టూ ఉన్న బ్లూమ్ నార్డ్ 4 కంటే బెటర్ గా ఉంది. అలాగే బిల్డింగ్ ప్యానెల్ పైన గ్రేడియంట్ కూడా సమతూకంతో ఉంది.

విజేత: Motorola Edge 50 Pro

సెల్ఫీ లో-లైట్ (ఫ్లాష్ తో)

రెండు ఫోన్లు కూడా సబ్జెక్ట్‌ పైన లైట్‌ని బాగానే ప్రసరింపజేస్తున్నాయి. చాలా తక్కువ కాంతి ఉన్న సమయాల్లో స్క్రీన్ ఫ్లాష్ తో తీసే ఫోటోలను రెండు ఫోన్లు కూడా బాగానే హ్యాండిల్ చేశాయి. కలర్ విషయానికి వస్తే, టీ-షర్ట్ కలర్ మోటో ఎడ్జ్ 50 ప్రో లో రియాల్టీకి దగ్గరగా ఉంది. టీ-షర్ట్ మరియు షెల్ఫ్ పైన బాక్స్‌ లోని రెడ్ కలర్ ని నార్డ్ 4 బూస్ట్ చేసింది.

వన్‌ప్లస్ నార్డ్ 4 తో తీసిన ఇమేజ్‌ను గమనిస్తే, స్కిన్ టోన్ బ్రైట్ గా ఉంది. మోటో ఎడ్జ్ 50 ప్రో తో తీసిన ఫోటోలు వైడ్ గా ఉండి, సాఫ్ట్ గా ఉన్నాయి. అలాగే కాస్త నాయిస్ కూడా ఉంది. ఎడ్జ్ డిటెక్షన్ ను మోటో ఎడ్జ్ 50 ప్రో బాగా హ్యాండిల్ చేసింది.

రెండింట్లో దేన్ని ఎంచుకోవాలనేది, మీరు ప్రిఫర్ చేసే ఇమేజ్ ను బట్టి ఉంటుంది. బ్రైట్ గా, డీటెయిల్డ్ గా ఉండాలంటే, నార్డ్ 4 బెటర్. సెల్ఫీలో ఎక్కువ మెంబర్స్ తో పాటు, కలర్ యాక్యురెసీ, లైట్ కంట్రోల్ వంటివి మీకు ముఖ్యమైతే, మోటో ఎడ్జ్ 50 ఫ్రో బెటర్.

విజేత: సమానం

ఏది బెటర్?

రెండు ఫోన్లు కూడా ఫోటోగ్రఫీ విషయంలో సమానమైన పనితీరును కనబరిచాయి. అయితే, కొంచెం తేడాతో Motorola Edge 50 Pro విజయం సాధించింది. డే-లైట్ షాట్స్, సెల్ఫీ, నైట్ మోడ్ వంటి విషయాల్లో మోటో ఎడ్జ్ 50 ప్రో బాగా పెర్ఫామ్ చేసింది. దీన్ని బట్టి, ఈ సెగ్మెంట్ లో ఎడ్జ్ 50 ప్రో బెస్ట్ కెమెరా ఫోన్ అని చెప్పలేం. ఎందుకంటే, ఓవర్-శాచ్యురేషన్ సమస్య, లో-లైట్ పెర్ఫామెన్స్ వంటి వాటిని మోటోరోలా మెరుగుపరచాల్సి ఉంది. ఇక కాంట్రాస్ట్, డీపర్ బ్లాక్స్ ఏరియాల్లో వన్‌ప్లస్ నార్డ్ 4 ఇంప్రూవ్ అవ్వాల్సిన అవసరం ఉంది.

The post OnePlus Nord 4 vs Motorola Edge 50 Pro: ఏ ఫోన్ కెమెరా బెటర్? first appeared on 91Mobiles Telugu.