• ఫ్లిప్ కార్ట్ బిగ్ బిలియన్ డేస్ సేల్ 2022 లో నథింగ్ ఫోన్ (1) పై భారీ డిస్కౌంట్ ఆఫర్
• గూగుల్ పిక్సెల్ 6ఏ పై కూడా భారీ డిస్కౌంట్
• ఫ్లిప్ కార్ట్ బిగ్ బిలియన్ డేస్ సేల్ లో రూ.28,999 కి లభించనున్న Nothing Phone (1)

ఫ్లిప్ కార్ట్ బిగ్ బిలియన్ సేల్ 2022 త్వరలో మొదలు కానుంది. ఇప్పటికే కంపెనీ సేల్ కి సంబంధించిన పలు ఆసక్తికర టీజర్ లను బయటకు వదులుతోంది. దీంతో ఈసారి సేల్ పై అందరిలోనూ అంచనాలు పెరిగిపోయాయి. ఒక టీజర్ లో Nothing Phone (1), Google Pixel 6a పై భారీ డిస్కౌంట్ ఇస్తున్నట్లు కనిపించింది. నథింగ్ కంపెనీ రీసెంట్ గా Nothing Phone (1) ధరను పెంచిన సంగతి తెలిసిందే. అయితే, ఫ్లిప్ కార్ట్ సేల్ సందర్భంగా ఈ ఫోన్ డిస్కౌంట్ ధరకు లభించనుంది. మరోవైపు గూగుల్ పిక్సెల్ 6ఏ పై కూడా భారీ డిస్కౌంట్ ఉన్నట్లు స్పష్టమవుతోంది. అయితే అసలు డీల్ ఏంటో ఇంకా రివీల్ కావాల్సి ఉంది.

ప్రముఖ టిప్ స్టర్ ముకుల్ శర్మ ఈ డీల్ కి సంబంధించిన టీజర్ ను ట్విట్టర్ లో షేర్ చేశాడు. Nothing Phone (1) ని తక్కువ ధరకు సొంతం చేసుకోవాలనుకునే వారికి ఈ సేల్ టైమ్ ఎంతో ముఖ్యమైంది. కాబట్టి, వెంటనే సేల్ ప్రారంభమవ్వగానే ఆర్డర్ పెట్టేయండి. అలాగే గూగుల్ పిక్సెల్ 6ఏ పై కూడా డిస్కౌంట్ ఉందనే విషయం గమనించండి. ఆసక్తి ఉంటే ఓసారి ఈ ఫోన్ పై కూడా ఓ కన్నేయండి.

Nothing Phone (1) ఫ్లిప్ కార్ట్ బిగ్ బిలియన్ డేస్ ఆఫర్, ధర

?#flipkart #bigbilliondays2022 pic.twitter.com/7F0IveNxdk

— Mukul Sharma (@stufflistings) September 9, 2022

Nothing Phone (1) 8జిబి + 128జిబి వేరియంట్ ప్రస్తుతం ఫ్లిప్ కార్ట్ లో రూ.33,999 వద్ద అమ్ముడవుతోంది. అయితే, తాజా టీజర్ ద్వారా తెలుస్తున్నదేంటంటే, సేల్ సందర్భంగా Nothing Phone (1) రూ.28,999 కే లభించనుంది. అంటే Nothing Phone (1) పై మీకు రూ.5,000 డిస్కౌంట్ లభిస్తోంది. ఈ డిస్కౌంట్ బ్యాంక్ ఆఫర్స్ ద్వారా లభించనుంది. అయితే, ఏయే బ్యాంక్స్ అనే విషయం ఇంకా వెల్లడించలేదు.

Nothing Phone (1) స్పెసిఫికేషన్స్

Nothing Phone (1) లో క్వాల్కమ్ స్నాప్ డ్రాగన్ 778జి+ చిప్ అమర్చారు. ఈ ఫోన్ 12జిబి వరకు ఎల్పీడీడీఆర్5 ర్యామ్, 256జిబి వరకు యూఎఫ్ఎస్ 3.1 స్టోరేజీని కలిగి ఉంది. Nothing Phone (1) 6.55 అంగుళాల ఫుల్ హెచ్డీ+ ఓఎల్ఈడీ డిస్ప్లే ని కలిగి ఉంది. ఇది 120 హెర్ట్జ్ రిఫ్రెష్ రేట్ కి సపోర్ట్ చేస్తుంది. Nothing Phone (1) లో 4500 ఎంఏహెచ్ బ్యాటరీని అమర్చారు. ఇది 33 వాట్ ఫాస్ట్ చార్జింగ్ సపోర్ట్ కలిగి ఉంది.

ఇప్పుడు Nothing Phone (1) కెమెరా విభాగం గురించి తెలుసుకుందాం. Nothing Phone (1) లో రెండు 50 ఎంపి రియర్ కెమెరాలు ఉన్నాయి. వీటిలో ఒకటి 50ఎంపి మెయిన్ సెన్సర్ కాగా, రెండోది 50ఎంపి అల్ట్రా-వైడ్ లెన్స్. ఇక సెల్ఫీలు, వీడియో కాల్స్ కోసం ఇందులో 16ఎంపి కెమెరాను అమర్చారు. Nothing Phone (1) ఆండ్రాయిడ్ 12 ఓఎస్ ఆధారిత నథింగ్ ఓఎస్ కస్టమ్ స్కిన్ పై పని చేస్తుంది.

లేటెస్ట్ స్మార్ట్ ఫోన్, టెలీకామ్, ఆటోమొబైల్, ఎంటర్టెయిన్మెంట్ వార్తల కోసం 91మొబైల్స్ తెలుగు వెబ్ సైట్ విజిట్ చేయండి.

The post Flipkart బిగ్ బిలియన్ డేస్ సేల్: Nothing Phone (1) పై భారీ డిస్కౌంట్ first appeared on 91Mobiles Telugu.

• నేటి నుంచి ఫ్లిప్ కార్ట్ ద్వారా గూగుల్ పిక్సెల్ 6ఏ అమ్మకాలు
• హ్యాండ్సెట్ ధర రూ.43,999, యాక్సిస్ బ్యాంక్ ద్వారా రూ.4,000 డిస్కౌంట్
• టెన్సర్ చిప్సెట్, 60 హెర్ట్జ్ అమోలెడ్ డిస్ప్లే, ఆండ్రాయిడ్ 12 ఓఎస్, 128జిబి స్టోరేజీ ఈ ఫోన్ యొక్క ప్రధాన ఫీచర్లు

గతవారం గూగుల్ పిక్సెల్ 6ఏ భారత్ లో లాంచ్ అయ్యింది. నేటి నుంచి ఈ ఫోన్ దేశంలో అమ్ముడు కానుంది. ఈ ఫోన్ సెల్ఫీ కోసం సెంటర్ పంచ్ హోల్ కటౌట్ తో వస్తోంది. అన్ని కార్నర్స్ లోనూ ఇమ్మెర్సివ్ వ్యూయింగ్ కోసం సిమ్మెట్రికల్ బెజెల్స్ ను అందించారు. బ్యాక్ ప్యానెల్ లో డ్యూయల్ కెమెరాలున్నాయి. కెమెరాలను అడ్డంగా ఉండే ఒక స్ట్రిప్ లో అమర్చారు. పిక్సెల్ 6 లో మాదిరిగా ఈ అమరిక ఉంది. భద్రత కొరకు ఇందులో ఇన్-డిస్ప్లే ఫింగర్ ప్రింట్ సెన్సర్ ను అందించారు.

ఇప్పుడు ముఖ్యమైన ఫీచర్ల గురించి తెలుసుకుందాం. గూగుల్ సొంతంగా తయారు చేసిన టెన్సర్ చిప్ ను ఈ ఫోన్లో వాడారు. 60 హెర్ట్జ్ రిఫ్రెష్ రేట్, 18 వాట్ ఫాస్ట్ ఛార్జింగ్ సపోర్ట్, ఆండ్రాయిడ్ 12 ఆపరేటింగ్ సిస్టమ్, 128జిబి స్టోరేజీ వంటి కీలక ఫీచర్లున్నాయి.

భారత్ లో Google Pixel 6a ధర

భారత్ లో గూగుల్ పిక్సెల్ 6ఏ ధరను రూ.43,999 గా నిర్ణయించారు. ఇది సింగిల్ వేరియంట్ లోనే లభిస్తుంది. యాక్సిస్ బ్యాంక్ కార్డు ద్వారా ఫోన్ పై రూ.4000 వరకు డిస్కౌంట్ లభిస్తుంది. దీంతో ఫోన్ రూ.39,999 ధరకు లభించనుంది. చాక్ మరియు చార్కోల్ కలర్ ఆప్షన్స్ లో ఈ ఫోన్ అందుబాటులో ఉంటుంది. ఫ్లిప్ కార్ట్ ద్వారా కస్టమర్లు గూగుల్ పిక్సెల్ 6ఏ ను కొనుగోలు చేయవచ్చు.

Google Pixel 6a ను కొనచ్చంటారా?

తొలిసారిగా గూగుల్ పిక్సెల్ 6ఏ అమ్మకానికి వచ్చింది. అయితే ఇక్కడ ఎదురవుతోన్న ప్రశ్నేంటంటే, మీరు ఈ ఫోన్ కొనచ్చంటారా? చెప్పాలంటే, అవును మరియ కాదని సమాధానం వస్తుంది. మీరు కనుక గూగుల్ స్టాక్ ఆండ్రాయిడ్ ను ఇష్టపడే వ్యక్తి అయితే, అలాగే టైమ్ కి అప్డేట్స్, సెక్యూరిటీ ప్యాచ్ వంటివి రావాలనుకుంటే, మీరు ఈ ఫోన్ ని కొనవచ్చు. క్లీన్ సాఫ్ట్ వేర్ ఇచ్చిన అనుభూతి ఏదీ ఇవ్వలేదు. ఎటువంటి యాడ్స్ ఉండవు. ఎన్నో సాఫ్ట్ వేర్ ఫీచర్లు మీ యూజర్ ఎక్స్ పీరియన్స్ ని మరింత బెటర్ చేస్తాయి.

అయితే, ఈ ఫోన్ కి మైనస్ పాయింట్స్ కూడా ఉన్నాయి. ప్రధానంగా పిక్సెల్ 6ఏ లో ధర చూసి కస్టమర్లు బెంబేలెత్తడం సహజం. ఎందుకంటే ఫోన్ ధర రూ.35,000 మార్క్ ని దాటింది. ఫోన్ ని ట్రై చేయమని చెప్పొచ్చు. కానీ, రూ.43,999 ధరలో దీని కంటే బెటర్ ఆప్షన్స్ ఉన్నాయి. ఇన్ని డబ్బులు పెట్టి, 60 హెర్ట్జ్ రిఫ్రెష్ రేట్ ఉన్న ఫోన్ ని ఎవ్వరూ కొనాలని అనుకోరు. పైగా ఈ ఫోన్ లో 18 వాట్ ఫాస్ట్ ఛార్జింగ్ పెద్ద మైనస్ గా కనిపిస్తోంది. పిక్సెల్ ఫోన్స్ లో కెమెరాలు అద్భుతంగా పెర్ఫామ్ చేయగలవు. అయితే, పోటీ పెరుగుతోన్న తరుణంలో ఇతర ఫోన్ కెమెరాలు కూడా దాదాపు సమానమైన రిజల్ట్స్ ని రాబడుతున్నాయన్నది వాస్తవం. మరి గూగుల్ పిక్సెల్ 6ఏ కి ఆల్టర్నేటివ్ ఆప్షన్స్ ఏంటో చూద్దాం. రియల్ మీ జీటీ2, ఐకూ 9, నథింగ్ ఫోన్ (1), వన్ ప్లస్ 10ఆర్ ఫోన్లు పిక్సెల్ 6ఏ కి ఉత్తమమైన ఆల్టర్నేటివ్స్ గా చెప్పవచ్చు.

Google Pixel 6a స్పెసిఫికేషన్స్

6.1 అంగుళాల ఫుల్ హెచ్డీ+ అమోలెడ్ డిస్ప్లే, 60 హెర్ట్జ్ రిఫ్రెష్ రేట్, 20:9 ఆస్పెక్ట్ రేషియో, హెచ్డీఆర్, ఆల్వేస్ ఆన్ డిస్ప్లే విత్ నౌ ప్లేయింగ్, కార్నింగ్ గొరిల్లా గ్లాస్ 3, టెన్సర్ చిప్సెట్, 6జిబి ఎల్పీడీడీఆర్5 ర్యామ్, 128జిబి స్టోరేజీ, ఆండ్రాయిడ్ 12 ఓఎస్, 12.2 ఎంపి ప్రైమరీ కెమెరా, 12ఎంపి అల్ట్రావైడ్ యాంగిల్ లెన్స్, 8ఎంపి సెల్ఫీ కెమెరా, 5జీ, 4జీ వోల్టీ, వైఫై 6ఈ, బ్లూటూత్ 5.2 ఎల్ఈ, జీపీఎస్, యూఎస్బీ టైప్ సీ పోర్ట్, 4306ఎంఏహెచ్ బ్యాటరీ, 18 వాట్ ఫాస్ట్ ఛార్జింగ్ సపోర్ట్, అండర్-డిస్ప్లే ఫింగర్ ప్రింట్ సెన్సర్, స్టీరియో స్పీకర్స్, టైటర్ ఎమ్2 సెక్యూరిటీ చిప్, డ్యూయల్ మైక్రోఫోన్స్ వంటి ఫీచర్లు ఈ ఫోన్లో ఉన్నాయి.

The post భారత్ లో నేటి నుంచి Google Pixel 6a సేల్ ప్రారంభం, కొనచ్చంటారా? first appeared on 91Mobiles Telugu.

• గూగుల్ పిక్సెల్ 6ఏ ఫింగర్ ప్రింట్ స్కానర్ లో వెలుగు చూసిన లోపాలు
• రిజిస్టర్ అవ్వని ఫింగర్ ప్రింట్స్ తో కూడా అన్ లాక్ అవుతున్న హ్యాండ్సెట్
• జులై 28 నుంచి భారత్ లో మొదలు కానున్న పిక్సెల్ 6ఏ సేల్

సరికొత్త పిక్సెల్ 6ఏ స్మార్ట్ ఫోన్ లో ఓ పెద్ద భద్రతా లోపం ఉన్నట్లు తెలుస్తోంది. రిజిస్టర్ కాని ఫింగర్ ప్రింట్స్ తో కూడా ఫోన్ అన్ లాక్ అవుతోంది. యూట్యూబర్స్ గీకీరంజిత్, బీబమ్ తమ వీడియోల ద్వారా ఈ విషయాన్ని తెలియజేశాక, మేం కూడా ఈ విషయాన్ని వెరిఫై చేశాము. పిక్సెల్ 6ఏ లో ఇది అతిపెద్ద భద్రతాలోపం. జులై 28 నుంచి ఫ్లిప్ కార్ట్ ద్వారా పిక్సెల్ 6ఏ ఫోన్స్ అమ్మకానికి వస్తున్న ఈ తరుణంలో తాజాగా వెలుగు చూసిన లోపం అందరినీ కలవరపెడుతోంది. గూగుల్ కంపెనీ నుంచి తయారు కాబడిన ఈ ఫఓన్ లో టైటన్ ఎమ్2 అనే సెక్యూరిటీ చిప్ కూడా ఉంది. మరి పిక్సెల్ 6ఏ నిజంగా భద్రతను కలిగి ఉందా?

Google Pixel 6a లో భద్రతా లోపం

సాఫ్ట్ వేర్ అప్డేట్ ద్వారా ఫిక్స్ చేయదగిన బగ్ వల్లన సమస్య వచ్చిందా లేదా హార్డ్ వేర్ సమస్యా? అనేది కంపెనీ కన్ఫర్మ్ చేయాలి. ఇప్పటికైతే పిక్సెల్ 6ఏ ఫోన్ ని రిజిస్టర్ కాని ఫింగర్ ప్రింట్స్ తో కూడా అన్ లాక్ చేయవచ్చు. గీకీరంజిత్ వీడియో లో ఒకే పర్సన్ యొక్క రిజిస్టర్ కాబడని ఫింగర్ ప్రింట్ తో ఫోన్ ని అన్ లాక్ చేయడం జరిగింది. అదే బీబమ్ వీడియోలో ఎవ్వరి ఫింగర్ ప్రింట్ అయినా సరే ఫోన్ అన్ లాక్ అయిపోతోంది. బీబమ్ వీడియోలో ఎంతోమంది పిక్సెల్ 6ఏ ను అవలీలగా అన్ లాక్ చేయడం మనం గమనించవచ్చు. దీంతో హ్యాండ్సెట్ సెక్యూరిటీ ప్రశ్నార్థకంగా మారింది.

రెండేళ్ళ విరామం తర్వాత భారతదేశంలో మళ్ళీ ఫోన్లను అమ్ముతోన్న గూగుల్ కి ఇది నిజంగానే పెద్ద ఎదురు దెబ్బ అని చెప్పాలి. మరోవైపు పిక్సెల్ 6ఏ ధర కూడా తక్కువేమీ కాదు. గూగుల్ పిక్సెల్ 6ఏ ధర భారత్ లో రూ.43,999. దీన్ని బట్టి, ఇంపాక్ట్ ఏ విధంగా ఉంటుందో అర్థం చేసుకోవచ్చు. అసలే ఎక్కువ ధర ఉండటంతో సామాన్యులు కొనేందుకు ఒకటికి రెండు సార్లు ఆలోచిస్తారు. ఇక ఇలాంటి భద్రతాలోపం ఉందంటే, బెంబేలెత్తపోవడం ఖాయం. మరి సాఫ్ట్ వేర్ అప్డేట్ ద్వారా సరిచేయదిగిన పనైతే అసలు సమస్యే లేదు. మరి గూగుల్ ఈ విషయమై ఎలా స్పందిస్తుందో చూడాలి.

Google Pixel 6a స్పెసిఫికేషన్స్

గూగుల్ పిక్సెల్ 6ఏ లో 6.1 అంగుళాల ఫుల్ హెచ్డీ+ ఓఎల్ఈడీ ప్యానెల్, 60 హెర్ట్జ్ రిఫ్రెష్ రేట్, హెచ్డీఆర్ సపోర్ట్, కార్నింగ్ గొరిల్లా గ్లాస్ 3, టెన్సర్ చిప్సెట్, 6జిబి ర్యామ్, 128జిబి యూఎఫ్ఎస్ 3.1 స్టోరేజీ, ఐపీ67 వాటర్ అండ్ డస్ట్ రెసిస్టెంట్, ఆండ్రాయిడ్ 12 వంటి ఫీచర్లు ఉన్నాయి. ఇక కెమెరా విభాగం గురించి తెలుసుకుందాం. ఈ ఫోన్లో వెనుకవైపు 12.2ఎంపి వైడ్ కెమెరా, 12ఎంపి అల్ట్రావైడ్ కెమెరా ఉన్నాయి. సెల్ఫీలు, వీడియో కాల్స్ కోసం ముందు వైపున 8ఎంపి సెల్ఫీ కెమెరాను అమర్చారు. ఇక ఈ హ్యాండ్సెట్ లో 4,306 ఎంఏహెచ్ బ్యాటరీ, 18 వాట్ ఫాస్ట్ ఛార్జింగ్ సపోర్ట్ ఉంది.

The post Google Pixel 6a: ఇన్-డిస్ప్లే ఫింగర్ ప్రింట్ స్కానర్ లో లోపాలు first appeared on 91Mobiles Telugu.

• భారత్ లో ప్రీ-ఆర్డర్స్ కి అందుబాటులో ఉన్న గూగుల్ పిక్సెల్ 6ఏ
• గూగుల్ టెన్సర్ చిప్, 12ఎంపి డ్యూయల్ రియర్ కెమెరాస్, 4,308 ఎంఏహెచ్ బ్యాటరీ, 18 వాట్ ఫాస్ట్ ఛార్జింగ్ సపోర్ట్
• 5 ఏళ్ళ పాటు సెక్యూరిటీ అప్డేట్స్ పొందనున్న గూగుల్ పిక్సెల్ 6ఏ ఫోన్

మూడేళ్ళ తర్వాత, చివరకు గూగుల్ తన కొత్త పిక్సెల్ ఫోన్ పిక్సెల్ 6ఏ ని భారత్ లో లాంచ్ చేసింది. నేటి నుంచి పిక్సెల్ 6ఏ ప్రీ-ఆర్డర్స్ కి అందుబాటులో ఉంటుంది. గూగుల్ ఐ/ఓ ఈవెంట్ లో ప్రకటింపబడిన పిక్సెల్ 6ఏ, గూగుల్ యొక్క సొంత చిప్సెట్ టెన్సర్ ప్రాసెసర్ తో వస్తోంది. దీనికి జతగా టైటన్ ఎమ్2 సెక్యూరిటీ చిప్ కూడా ఉండనుంది. ఆండ్రాయిడ్ 12 ఓఎస్, 5 ఏళ్ళ పాటు సెక్యూరిటీ అప్డేట్స్ తో వస్తోంది పిక్సెల్ 6ఏ. అలాగే మూడు నెలల పాటు యూట్యూబ్ ప్రీమియమ్ ఉచిత సబ్ స్క్రిప్షన్, 100జిబి గూగుల్ వన్ క్లౌడ్ స్టోరేజీని పిక్సెల్ 6ఏ కొనుగోలుదారులకు గూగుల్ అందిస్తోంది.

భారత్ లో Google Pixel 6a ధర, అమ్మకాలు మొదలయ్యే తేదీ

గూగుల్ పిక్సెల్ 6ఏ 6జిబి ర్యామ్, 128జిబి స్టోరేజీ కలిగిన ఒకే ఒక్క వేరియంట్ లో లభ్యం కానుంది. ఇక ఈ వేరియంట్ ధర రూ.39,999. చాక్, చార్కోల్ అనే రెండు రంగుల ఆప్షన్స్ లో గూగుల్ పిక్సెల్ 6ఏ లభించనుంది. నేటి నుంచి మీరు పిక్సెల్ 6ఏ ఫోన్ ని ప్రీ-ఆర్డర్ చేసుకోవచ్చు. ఇక జులై 28 నుంచి ఫ్లిప్ కార్ట్ ద్వారా ఫోన్ ని కొనుగోలు చేయవచ్చు.

ఈ ధరలో వస్తున్న గూగుల్ పిక్సెల్ 6ఏ, నథింగ్ ఫోన్ (1), వన్ ప్లస్ 10ఆర్ లతో పోటీపడనుంది. ఈ రెండు డివైజెస్ కూడా రూ.40,000 ధర పలుకుతున్నాయి. మీకు ఆసక్తి ఉంటే ఇక్కడ నథింగ్ ఫోన్ (1) వర్సెస్ గూగుల్ పిక్సెల్ 6ఏ విశ్లేషణను చూడండి.

Google Pixel 6a స్పెసిఫికేషన్స్

గూగుల్ పిక్సెల్ 6ఏ ఫోన్లో గూగుల్ సొంతంగా తయారు చేసిన టెన్సర్ చిప్సెట్ ను వాడారు. 6జిబి ర్యామ్, 128జిబి యూఎఫ్ఎస్ 3.1 స్టోరేజీ ని ఈ ఫోన్ కలిగి ఉంది. దీనిలో మెమొరీని పెంచుకునే వీలు లేదు. అయితే, మీకు 100జిబి గూగుల్ వన్ స్టోరేజీ ఉచితంగా లభిస్తుంది. సెక్యూరిటీ కోసం పిక్సెల్ 6ఏ లో టైటన్ ఎమ్2 చిప్ ను అమర్చారు.

6.1 అంగుళాల ఫుల్ హెచ్డీ+ ఓఎల్ఈడీ ప్యానెల్, 60 హెర్ట్జ్ రిఫ్రెష్ రేట్, 20:9 ఆస్పెక్ట్ రేషియో, హెచ్డీఆర్, 429 పీపీఐ, ఆల్వేస్ ఆన్ డిస్ప్లే (నౌ ప్లేయింగ్ తో పాటు) ఈ ఫోన్లో ఉన్నాయి. ఓఎల్ఈడీ ప్యానెల్ రక్షణకై కార్నింగ్ గొరిల్లా గ్లాస్ 3 ను పిక్సెల్ 6ఏ లో అందిస్తున్నారు.

Google Pixel 6a స్పెసిఫికేషన్స్

• 6.1 అంగుళాల ఫుల్ హెచ్డీ+ అమోలెడ్ డిస్ప్లే
• గూగుల్ టెన్సర్ చిప్సెట్
• 6జిబి ర్యామ్, 128జిబి స్టోరేజీ
• 12.2+12 ఎంపి డ్యూయల్ కెమెరాలు
• 8ఎంపి సెల్ఫీ కెమెరా
• 4,306ఎంఏహెచ్ బ్యాటరీ, 18వాట్ ఫాస్ట్ ఛార్జింగ్

ఇప్పుడు కెమెరా విభాగం గురించి తెలుసుకుందాం. సెల్ఫీలు, వీడియో కాల్స్ కోసం ఈ ఫోన్లో 8ఎంపి కెమెరాను అందించారు. ఇక వెనుకవైపు రెండు కెమెరాలను అమర్చారు. వీటిలో ఒకటి 12.2 మెగాపిక్సెల్ వైడ్ కెమెరా కాగా, రెండోది 12 మెగాపిక్సెల్ అల్ట్రా-వైడ్ లెన్స్. ఇక పిక్సెల్ 6ఏ బ్యాటరీ వివరాలను గురించి తెలుసుకుందాం. పిక్సెల్ 6ఏ లో 4,306ఎంఏహెచ్ బ్యాటరీని అమర్చారు. ఇది 18 వాట్ ఫాస్ట్ ఛార్జింగ్ సపోర్ట్ ను కలిగి ఉంది.

పిక్సెల్ 6ఏ ఐపీ67 ప్రొటెక్షన్ ఉండటం వల్లన, కొంతవరకు వాటర్ మరియు డస్ట్ ని తట్టుకుని నిలబడగలదు. ఇక ఫోన్ ఔట్ ఆఫ్ ద బాక్స్ ఆండ్రాయిడ్ 12 తో వస్తుంది. అలాగే పిక్సెల్ 6ఏ ఐదేళ్ళ పాటు సెక్యూరిటీ అప్డేట్స్ ను పొందనుంది. ఇక భద్రత కోసం పిక్సెల్ 6ఏ లో అండర్-డిస్ప్లే ఫింగర్ ప్రింట్ సెన్సర్ ను అందించారు.

The post భారత్ లో లాంచ్ అయిన Google Pixel 6a first appeared on 91Mobiles Telugu.

• జులై 21 న లాంచ్ కానున్న గూగుల్ పిక్సెల్ 6ఏ
• అయితే గూగుల్ నుంచి రావాల్సిన అధికార ప్రకటన
• గూగుల్ కంపెనీ యొక్క ఐ/ఓ 2022 డెవలపర్స్ సదస్సులో లాంచ్ అయిన పిక్సెల్ 6ఏ

గూగుల్ కంపెనీ యొక్క ఐ/ఓ 2022 డెవలపర్స్ సదస్సులో గూగుల్ పిక్సెల్ 6ఏ గ్రాండ్ ఎంట్రీ ఇచ్చిన సంగతి తెలిసిందే. అయితే ఆ సమయంలో పిక్సెల్ 6ఏ భారత్ లో లాంచ్ అవుతుందని గూగుల్ తెలియజేసింది. కానీ, కచ్చితమైన టైమ్ లైన్ చెప్పలేదు. అయితే గత కొన్ని రోజులుగా పిక్సెల్ 6ఏ ధరకు సంబంధించిన పలు రూమర్లు వినిపిచండంతో పాటు, కొన్ని రిపోర్ట్స్ కూడా వెలుగు చూశాయి. ఇవన్నింటినీ బట్టి చూస్తే, ఫోన్ లాంచ్ కి సంబంధించిన ప్రకటన త్వరలోనే రానుందని అర్థమవుతోంది.

తాజాగా సహిక్ కరౌల్ అనే ఒక ట్విట్టర్ యూజర్ గూగుల్ పిక్సెల్ 6ఏ జులై 21 న అంటే రేపు భారత్ లో లాంచ్ అవుతోందని ట్వీట్ చేశాడు. ఎటువంటి హడావుడి లేకుండా మెల్లగా డివైజ్ ని లాంచ్ చేసే అవకాశాలున్నాయి. మరికొన్ని గంటల్లో మనకు మరిన్ని వివరాలు తెలియబోతున్నాయి.

భారత్ లో Google Pixel 6a ధర (అంచనా)

టిప్ స్టర్ సహిల్ కరౌల్ చెబుతున్న దాన్ని బట్టి, గూగుల్ పిక్సెల్ 6ఏ బాక్స్ ధర రూ.43,999 గా ఉంటుందని సమాచారం. ఇక భారత్ లో ఫోన్ ధర రూ.37,000 ఉంటుందని తెలుస్తోంది. ఇక యూఎస్ లో ఫోన్ ధర 449 డాలర్లు (దాదాపు రూ.35,000) గా ఉంది.

Google Pixel 6a స్పెసిఫికేషన్స్

గూగుల్ పిక్సెల్ 6ఏ 6.1 అంగుళాల ఫుల్ హెచ్డీ+ అమోలెడ్ డిస్ప్లేను కలిగి ఉండనుంది. ఇంకా ఈ ఫోన్లో 60 హెర్ట్జ్ రిఫ్రెష్ రేట్, 20:9 ఆస్పెక్ట్ రేషియో, హెచ్డీఆర్, ఆల్వేస్ ఆన్ డిస్ప్లే, కార్నింగ్ గొరిల్లా గ్లాస్ 3, టెన్సర్ చిప్సెట్, 6జిబి ఎల్పీడీడీఆర్5 ర్యామ్, 128జిబి స్టోరేజీ, ఆండ్రాయిడ్ 12 ఓఎస్ వంటి ఫీచర్లు ఈ ఫోన్లో ఉండనున్నాయి.

ఇప్పుడు బ్యాటరీ విభాగం వివరాలు చూద్దాం. పిక్సెల్ 6ఏ లో 4306ఎంఏహెచ్ బ్యాటరీని అమర్చారు. ఇది 18 వాట్ ఫాస్ట్ ఛార్జింగ్ కి సపోర్ట్ చేస్తుంది. భద్రత కోసం అండర్ డిస్ప్లే ఫింగర్ ప్రింట్ సెన్సర్ ను అందించారు. అలాగే ఈ ఫోన్ లో స్టీరియో స్పీకర్స్, టైటాన్ ఎమ్ 2 సెక్యూరిటీ చిప్, డ్యూయల్ మైక్రో ఫోన్స్, నాయిస్ ఇంప్రెషన్స్ వంటి ఫీచర్లున్నాయి. ఇప్పుడు కనెక్టివిటీ ఫీచర్లను గురించి చూద్దాం. పిక్సెల్ 6ఏ లో 5జీ, 4జీ వోల్టీ, వై-ఫై 6ఈ, బ్లూటూత్ 5.2 ఎల్ఈ, జీపీఎస్, యూఎస్బీ టైప్-సీ పోర్ట్ వంటి ఆప్షన్స్ ఉన్నాయి.

ఇప్పుడు కెమెరా విభాగం వివరాలు తెలుసుకుందాం. పిక్సెల్ 6ఏ లో డ్యూయల్ కెమెరా సెటప్ ఉంది. 12.2 మెగాపిక్సెల్ ప్రైమరీ కెమెరా, 12 మెగాపిక్సెల్ అల్ట్రావైడ్ యాంగిల్ లెన్స్ ఈ ఫోన్లో ఉన్నాయి. ఇక సెల్ఫీలు, వీడియో కాల్స్ కొరకు ముందు వైపున 8 మెగాపిక్సెల్ కెమెరాను అందించారు. మరి ఫోన్ కి సంబంధించి గూగుల్ నుంచి అధికార ప్రకటన ఎప్పుడు వస్తుందో చూడాలి.

The post లీకైన Google Pixel 6a ఇండియా లాంచ్ డేట్ first appeared on 91Mobiles Telugu.