హైలైట్స్
- Geekbench పై కనిపించిన Vivo S16 స్మార్ట్ ఫోన్
- V2244A అనే మోడల్ నంబర్ ని కలిగి ఉన్న Vivo S16
- 12జిబి ర్యామ్, క్వాల్కమ్ స్నాప్ డ్రాగన్ 870 చిప్సెట్, అడ్రోనో 650 జీపీయూ తో రానున్న Vivo S16
- గీక్ బెంచ్ పై సింగిల్ కోర్ టెస్ట్ లో 1016 పాయింట్లు, మల్టీ కోర్ టెస్ట్ లో 3,138 పాయింట్లు సాధించిన Vivo S16
Vivo S16 స్మార్ట్ ఫోన్ త్వరలోనే లాంచ్ కానున్నట్లు సమాచారం. ప్రస్తుతం వివో సంస్థ ఈ డివైజ్ పై పని చేస్తున్నట్లు తెలుస్తోంది. తాజాగా ఈ డివైజ్ గీక్ బెంచ్ పై కనిపించడంతో ఈ విషయం స్పష్టమైంది. నేడు, 91మొబైల్స్ Vivo S16 ని గీక్ బెంచ్ పై గుర్తించింది. దీంతో ఫోన్ యొక్క త్వరలోనే లాంచ్ కానున్నట్లు అర్థమైంది. అలాగే లిస్టింగ్ ద్వారా ముఖ్యమైన స్పెసిఫికేషన్స్ కూడా బయటకు వచ్చాయి.
అయితే Vivo S16 మోడల్ ఎలా ఉండనుందో ఇంకా తెలియాల్సి ఉంది. బెంచ్ మార్కింగ్ ప్లాట్ఫామ్ గీక్ బెంచ్ పై Vivo S16 డివైజ్ V2244A అనే మోడల్ నంబర్ ని కలిగి ఉంది. ఈ డివైజ్ ఆండ్రాయిడ్ 13 ఓఎస్ తో రానుంది.
Vivo S16 గీక్ బెంచ్ లిస్టింగ్
Vivo S16 స్మార్ట్ ఫోన్ స్నాప్ డ్రాగన్ 870 చిప్సెట్ తో వస్తున్నట్లు గీక్ బెంచ్ లిస్టింగ్ ద్వారా తెలిసింది. ఈ చిప్ 3.19 గిగాహెర్ట్జ్ క్లాక్ స్పీడ్ ని కలిగి ఉంటుంది. అలాగే ఇందులో గ్రాఫిక్స్ కోసం అడ్రెనో 650 జీపీయూ ని వాడినట్లు తెలుస్తోంది. ఇకపోతే Vivo S16 స్మార్ట్ ఫోన్ 12జిబి ర్యామ్ తో రానుంది.
గీక్ బెంచ్ పై Vivo S16 స్మార్ట్ ఫోన్ సింగిల్ కోర్ టెస్ట్ లో 1016 పాయింట్లు, మల్టీ కోర్ట్ టెస్ట్ లో 3138 పాయింట్లు సాధించింది. ఇవి తప్పితే Vivo S16 యొక్క ఇతర ఫీచర్లు ఏమీ తెలియలేదు. అయితే, ఫుల్ హెచ్డీ+ డిస్ప్లే, హై-రిఫ్రెష్ రేట్, భారీ బ్యాటరీ, డ్యూయల్/ట్రిపుల్ రియర్ కెమెరా సెటప్ ఉంటాయని మనం అంచనా వేయవచ్చు.
రూమర్లను బట్టి, Vivo S16 ఈ నెలలో చైనాలో లాంచ్ అవుతుందని తెలుస్తోంది. ఇక అటు తర్వాత, భారత్ తో సహా ఇతర గ్లోబల్ మార్కెట్స్ లో రిలీజ్ అవుతుంది. అయితే, ఇప్పటి వరకు ఈ డివైజ్ యొక్క ధర, డిజైన్, ఇతర వివరాలు రహస్యంగానే ఉన్నాయి. ఏదేమైనా, రానున్న రోజుల్లో Vivo S16 యొక్క వివరాలు బయటకు వచ్చే అవకాశం ఉంది. ఈ Vivo S16 సిరీస్ లో స్టాండర్డ్ వేరియంట్ S16 తో పాటు S16 Pro కూడా ఉంటుంది. భారత్ లో ఈ డివైజెస్ లాంచ్ కి సంబంధించిన వివరాలు త్వరలోనే వెల్లడి కానున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
