ప్రముఖ స్మార్ట్ ఫోన్ బ్రాండ్ వివో ఎస్17 సిరీస్ లో Vivo S17e అనే ఫోన్ ని లాంచ్ చేసింది. ఈ డివైజ్ చైనాలో మాత్రమే అందుబాటులోకి వచ్చింది. Vivo S17e మే 20 నుంచి ఈ ఫోన్ సేల్స్ మొదలుకానున్నాయి. అయితే ఎప్పుడు కూడా వివో సంస్థ తన ఎస్-సిరీస్ డివైజెస్ ని ఒకేసారి లాంచ్ చేస్తుంది. కానీ, ఈసారి అందిరినీ ఆశ్చర్యపరుస్తూ ముందుగా Vivo S17e ఫోన్ ని మాత్రమే లాంచ్ చేసింది. మరి ఈ కొత్త మిడ్-రేంజ్ ఫోన్ విశేషాలేంటో తెలుసుకుందాం పదండి.
Vivo S17e స్పెసిఫికేషన్స్
Vivo S17e స్మార్ట్ ఫోన్ గత మోడల్ Vivo S16e కి సక్సెసర్ గా వస్తోంది. వివో వీ27 తో ఈ ఫోన్ కి ఎన్నో పోలికలు ఉన్నాయి.
డిస్ప్లే
- ఫుల్ హెచ్డీ+
- 120 హెర్ట్జ్
Vivo S17e స్మార్ట్ ఫోన్ లో 6.78-ఇంచ్ ఫుల్ హెచ్డీ+, 120 హెర్ట్జ్ రిఫ్రెష్ రేట్, 3డీ కర్వ్డ్ అమోలెడ్ ప్యానెల్ ఉన్నాయి.
చిప్సెట్
- డైమెన్సిటీ 7200
Vivo S17e స్మార్ట్ ఫోన్ లో మీడియాటెక్ డైమెన్సిటీ 7200 చిప్సెట్ వాడారు.
బ్యాటరీ, చార్జింగ్
- 4600 ఎంఏహెచ్
- 66 వాట్
Vivo S17e స్మార్ట్ ఫోన్ లో పవర్ బ్యాకప్ కోసం 4600 ఎంఏహెచ్ బ్యాటరీ ఉంది. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది.
కెమెరా విభాగం
- 64ఎంపి ప్రైమరీ
- 16ఎంపి సెల్ఫీ
Vivo S17e డివైజ్ లో డ్యూయల్ రియర్ కెమెరా సెటప్ ఉంది. ఇందులో 64ఎంపి ఓఐఎస్ ప్రైమరీ కెమెరా ఉంది. దీనికి తోడు ఒక 2ఎంపి సెకండరీ సెన్సర్, రింగ్ షేప్ లో ఉన్న ఎల్ఈడీ లైట్ ఉంది. దీన్ని కంపెనీ ఆరా లైట్ అని పిలుస్తోంది. ఇకపోతే సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
కనెక్టివిటీ
- 5జీ, 4జీ వొల్టీ
Vivo S17e స్మార్ట్ ఫోన్ లో ఇన్-డిస్ప్లే ఫింగర్ ప్రింట్ స్కానర్, డ్యూయల్ సిమ్, యూఎస్బీ టైప్-సీ, స్టీరియో స్పీకర్స్, హై-రెజ్ ఆడియో, 5జీ, 4జీ వొల్టీ, వై-ఫై 6, బ్లూటూత్ 5.3, జీపీఎష్, ఎన్ఎఫ్సీ ఉన్నాయి. ఈ ఫోన్ 164.20 మిల్లీ మీటర్ల పొడవు, 74.90 మిల్లీ మీటర్ల వెడల్పు, 7.4 మిల్లీ మీటర్ల మందం, 178 గ్రాముల బరువు ఉంటుంది.
ధర, లభ్యత
Vivo S17e స్మార్ట్ ఫోన్ ప్రీ-ఆర్డర్స్ ప్రస్తుతం మొదలయ్యాయి. క్విక్ సాండ్ గోల్డ్, సన్నీ బ్లూ మరియు మిడ్నైట్ బ్లాక్ కలర్ ఆప్షన్స్ లో లభిస్తుంది. ఈ డివైజ్ 8జిబి+128జిబి, 8జిబి+256జిబి స్టోరేజీ వేరియంట్స్ లో లభిస్తుంది. వీటి ధరలు వరుసగా 2099 యువాన్లు (సుమారు రూ.24,800), 2299 యువాన్లు (సుమారు రూ.27,000) గా ఉన్నాయి. ఇక టాప్ వేరియంట్ అయిన 12జిబి+256జిబి మోడల్ ధర 2499 యువాన్లు (సుమారు రూ.29,500) గా ఉంది.
