ప్రముఖ స్మార్ట్ఫోన్ బ్రాండ్ Vivo తాజాగా ఒక కొత్త టీ-సిరీస్ ఫోన్ని లాంచ్ చేసింది. Vivo T3 5G పేరుతో ఈ డివైజ్ భారతీయ మార్కెట్ లో లాంచ్ అయ్యింది. ఈ ఫోన్ లో ఎన్నో చక్కటి ఫీచర్లు ఉన్నాయి. సోని ఐఎంఎక్స్882 ప్రైమరీ కెమెరా, మీడియాటెక్ డైమెన్సిటీ 7200 చిప్సెట్, 8జిబి ర్యామ్, 4కే వీడియో రికార్డింగ్ సపోర్ట్, 5000 ఎంఏహెచ్ బ్యాటరీ ఈ ఫోన్ లో ఉన్నాయి. ఈ ఫోన్ లో ఉన్న టాప్-5 ఫీచర్లు ఏవో తెలుసుకుందాం పదండి.
Vivo T3 5G టాప్-5 ఫీచర్లు
1. సెన్సర్: Vivo T3 5G లో సోని ఐఎంఎక్స్882 సెన్సర్ ని ప్రైమరీ కెమెరా కోసం వాడారు. ఇది కచ్చితంగా కెమెరా లవర్స్ ని ఆకట్టుకునే ఫీచర్ అని చెప్పవచ్చు. తక్కువ ధరలో మంచి కెమెరా ఫోన్ కోసం చూసే వారికి ఈ ఫోన్ చక్కటి ఆప్షన్ అయ్యే అవకాశం ఉంది.
2. 4కే వీడియో రికార్డింగ్: Vivo T3 5G లో 4కే వీడియో రికార్డింగ్ ఫీచర్ అందించారు. దీని ద్వారా వ్లాగింగ్ చేసే వారికి ఎంతో ప్రయోజనకరంగా ఉంటుంది. మంచి క్వాలిటీ గల వీడియోలను షూట్ చేయవచ్చు.
3. టర్బో ర్యామ్: Vivo T3 5G డివైజ్ లో టర్బో ర్యామ్ ఫీచర్ అందించారు. దీని ద్వారా యూజర్ ర్యామ్ పవర్ ని పెంచుకోవచ్చు. ఈ ఫోన్ 8జిబి వరకు వర్చువల్ ర్యామ్ ని ఆఫర్ చేస్తుంది. అంటే 8జిబి ఫిజికల్ ర్యామ్ + 8జిబి వర్చువల్ ర్యామ్ కలుపుకుని మొత్తం 16జిబి ర్యామ్ పవర్ యూజర్ కి లభిస్తుంది.
4. ఫాస్ట్చార్జింగ్: Vivo T3 5G డివైజ్ 44 వాట్ ఫాస్ట్ చార్జింగ్ సపోర్ట్ తో వచ్చింది. దీంతో ఫోన్ని త్వరగా చార్జ్ చేసుకునే వీలుంటుంది.
5. డ్యూయల్ స్టీరియో స్పీకర్: Vivo T3 5G లో సింగిల్ స్పీకర్ కాకుండా డ్యూయల్ స్టీరియో స్పీకర్ ని అందించారు. ఇది కచ్చితంగా యూజర్లను ఆకర్షించే విషయమని చెప్పవచ్చు.
బోనస్ ఫీచర్: Vivo T3 5G లో ఇన్-డిస్ప్లే ఫింగర్ ప్రింట్ స్కానర్ అందించారు. సైడ్ మౌంటెడ్ ఫింగర్ప్రింట్ స్కానర్ ఇష్టపడని వారిని ఈ ఫీచర్ ఎట్రాక్ట్ చేస్తుంది.
Vivo T3 5G స్పెసిఫికేషన్స్
- స్క్రీన్: Vivo T3 5G లో 6.67-ఇంచ్ ఫుల్ హెచ్డీ+ అమోలెడ్ డిస్ప్లే, 2400*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 394పీపీఐ పిక్సెల్ డెన్సిటీ, 91.90% స్క్రీన్ టు బాడీ రేషియో, 1800 నిట్స్ పీక్ బ్రైట్నెస్ ఉన్నాయి.
- ప్రాసెసర్: Vivo T3 5G డివైజ్ లో మీడియాటెక్ డైమెన్సిటీ 7200 చిప్సెట్ ఉంది. ఇది 4 నానోమీటర్ ఫ్యాబ్రికేషన్ పై తయారైన ప్రాసెసర్. అంటుటు ప్లాట్ఫామ్ పై ఈ ఫోన్ 7,34,000 పాయింట్లు స్కోర్ చేసింది.
- ర్యామ్, స్టోరేజీ: Vivo T3 5G ఫోన్ 8జిబి ఎల్పీడీడీఆర్4ఎక్స్ ర్యామ్, 128జిబి/256జిబి యూఎఫ్ఎస్ 2.2 స్టోరేజీ ఆప్షన్స్ లో లభిస్తుంది. 8జిబి టర్బో ర్యామ్ ఫీచర్ ని ఈ ఫోన్ లో అందించారు. దీంతో యూజర్ కి గరిష్టంగా 16జిబి ర్యామ్ పవర్ లభిస్తుంది.
- కెమెరా: Vivo T3 5G లో ట్రిపుల్ రియర్ కెమెరా సెటప్ ఉంది. ఇందులో 50MP Sony IMX882 OIS ప్రైమరీ కెమెరా, 2ఎంపి బొకే కెమెరా, ఫ్లికర్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: Vivo T3 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 44W ఫాస్ట్ చార్జింగ్ కి సపోర్ట్ చేస్తుంది.
- సాఫ్ట్వేర్: Vivo T3 5G డివైజ్ ఆండ్రాయిడ్ 14 ఓఎస్ ఆధారిత ఫన్టచ్ఓఎస్ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Vivo T3 5G లో డ్యూయల్ సిమ్, 5జీ, 4జీ, వై-ఫై 6, బ్లూటూత్, డ్యూయల్ స్టీరియో స్పీకర్, ఐపీ54 రేటింగ్, ఇన్-డిస్ప్లే ఫింగర్ ప్రింట్ స్కానర్ ఉన్నాయి.