ప్రముఖ స్మార్ట్ఫోన్ బ్రాండ్ Vivo త్వరలో టీ3 సిరీస్ లో కొత్త ఫోన్ లాంచ్ చేయనుంది. ఇప్పటికే ఈ సిరీస్ లో పలు ఫోన్లు మార్కెట్ లో అందుబాటులో ఉన్నాయి. వీటికి జతగా Vivo T3 Ultra అనే డివైజ్ను వివో విడుదల చేయబోతోంది. ఈ ఫోన్ సెప్టెంబర్ నెలలోనే లాంచ్ అవుతుందని సమాచారం. తాజాగా Vivo T3 Ultra యొక్క ధర మరియు స్పెసిఫికేషన్స్ లీక్ అయ్యాయి. ఆ వివరాలు తెలుసుకుందాం.
Vivo T3 Ultra ధర (లీక్)
Vivo T3 Ultra మూడు స్టోరేజీ వేరియంట్స్ లో లాంచ్ అవుతుందని సమాచారం. వీటి ధరలను ప్రముఖ టిప్స్టర్ అభిషేక్ యాదవ్ లీక్ చేశారు. ఆ వివరాలు తెలుసుకుందాం.
Vivo T3 Ultra 8జిబి ర్యామ్ + 128జిబి స్టోరేజీ వేరియంట్ ధర రూ.30,999 గా ఉంటుంది. 8జిబి ర్యామ్ + 256జిబి స్టోరేజీ మోడల్ ధర రూ.32,999 గా ఉంటుంది. 12జిబి ర్యామ్ + 256జిబి స్టోరేజీ వేరియంట్ ధర రూ.34,999 గా ఉంటుంది.
Vivo T3 Ultra డివైజ్ లునార్ గ్రే మరియు ఫ్రాస్ట్ గ్రీన్ కలర్ ఆప్షన్స్ లో లాంచ్ కానుంది. రూ.3,000 లాంచ్ ఆఫర్ డిస్కౌంట్స్ తర్వాత ఈ ఫోన్ రూ.27,999 కి లభించే అవకాశం ఉంది.
Vivo T3 Ultra స్పెసిఫికేషన్స్ (లీక్)
డిస్ప్లే: Vivo T3 Ultra లో 6.77-ఇంచ్ స్క్రీన్, కర్వ్డ్ అమోలెడ్ ప్యానెల్, ఫుల్హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్, 4500 నిట్స్ బ్రైట్నెస్ ఉన్నాయి.
ప్రాసెసర్: Vivo T3 Ultra లో మీడియాటెక్ డైమెన్సిటీ 9200 ప్లస్ చిప్సెట్ ఉంటుంది. ఈ ఆక్టా-కోర్ ప్రాసెసర్ 4 నానోమీటర్ ఫ్యాబ్రికేషన్స్ పై తయారైంది. ఈ చిప్ యొక్క హయ్యస్ట్ క్లాక్ స్పీడ్ 3.35 గిగాహెర్ట్జ్.
కెమెరా: Vivo T3 Ultra స్మార్ట్ఫోన్లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఓఐఎష్ మెయిన్ కెమెరా, 8ఎంపి అల్ట్రావైడ్ యాంగిల్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
బ్యాటరీ, చార్జింగ్: Vivo T3 Ultra లో పవర్ బ్యాకప్ కోసం 5500 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: Vivo T3 Ultra లో ఐపీ64 రేటింగ్, ఇన్-డిస్ప్లే ఫింగర్ప్రింట్ స్కానర్ ఉంటుంది.
