త్వరలో భారత్ లో Vivo V27 సిరీస్ లాంచ్ కానుంది. వివో కంపెనీ ఈ స్మార్ట్ ఫోన్లను భారత్ లో వచ్చే నెల ఆరంభంలో లాంచ్ చేయనుంది. అయితే వివో ఇంకా అధికారికంగా లాంచ్ వివరాలను వెల్లడించలేదు. Vivo V27 డివైజ్ మీడియాటెక్ డైమెన్సిటీ 7200 చిప్సెట్ తో రానుందని సమాచారం. మరోవైపు Vivo V27 Pro 5G స్మార్ట్ ఫోన్ మీడియాటెక్ డైమెన్సిటీ 8200 చిప్సెట్ తో లాంచ్ అవుతుందని అంచనా వేస్తున్నారు.
చూస్తుంటే గత మోడల్ అయిన వివో వీ25 తో పోల్చితే భారత్ లో Vivo V27 5G ధర పెరిగే అవకాశం ఉన్నట్లు కనిపిస్తోంది. మరోవైపు Vivo V27 Pro 5G కాస్త అధిక ధరతో లాంచ్ కానుందని సమాచారం. ఓసారి Vivo V27 సిరీస్ ధర, స్పెసిఫికేషన్స్ తదితర వివరాలను తెలుసుకుందాం పదండి.
భారత్ లో Vivo V27 సిరీస్ ధరలు (లీక్డ్)
Vivo V27 సిరీస్ భారత్ లో మార్చి ఆరంభంలో లాంచ్ కానుంది. లేటెస్ట్ లీక్స్ ని బట్టి గత మోడల్స్ కంటే లేటెస్ట్ సిరీస్ ఖరీదు ఎక్కువగా ఉండేట్లు కనిపిస్తోంది. Vivo V27 5G ధర రూ.35,000 గా ఉంటుందని అంచనా. Vivo V27 Pro 5G ధర రూ.40,000 ఉంటుందని సమాచారం.
Vivo V27 5G డివైజ్ గతేడాది చైనాలో లాంచైన Vivo S16 మాదిరి ఉంటుందని రూమర్లు వినిపిస్తున్నాయి. మరోవైపు Vivo V27 Pro 5G ఫోన్ చైనాలో లాంచైన ఇంకో ఫోన్ Vivo S16 Pro 5G ని పోలి ఉంటుందని సమాచారం. రీసెంట్ గా Vivo V27 5G హ్యాండ్సెట్ గీక్ బెంచ్ పై కనిపించింది. దీంతో ఇది మీడియాటెక్ ప్రాసెసర్ తో వస్తున్నట్లు స్పష్టమైంది. మీడియాటెక్ డైమెన్సిటీ 7200 చిప్సెట్ ని ఈ ఫోన్ లో వాడినట్లు తెలుస్తోంది.
Vivo V27 సిరీస్ 50ఎంపి ట్రిపుల్ రియర్ కెమెరా సెటప్ తో వస్తోంది. ప్రైమరీ కెమెరా సోని ఐఎంఎక్స్766 సెన్సర్ ని కలిగి ఉండనుంది. ఓఐఎస్ + ఈఐఎస్ స్టెబిలైజేషన్ కూడా ఉండనుందని సమాచారం. వీ-సిరీస్ లైనప్ లో ప్రపంచ వ్యాప్తంగా Vivo V27 4G, Vivo V27 5G, Vivo V27e 5G, Vivo V27 Pro 5G మోడల్స్ లాంచ్ కానున్నాయి.
Vivo V27e 5G, Vivo V27 Pro 5G గూగుల్ ప్లే కన్సోల్ పై కనిపించాయి. దీంతో ఈ ఫోన్లు ఆండ్రాయిడ్ 13 ఓఎస్ తో వస్తున్నట్లు స్పష్టమైంది. గ్లోబల్ వేరియంట్స్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ తో రానున్నాయి. ఇకపోతే Vivo V27 Pro 5G 8జిబి ర్యామ్ తో లిస్టింగ్ పై కనిపించింది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
