గూగుల్ ప్లే కన్సోల్ లిస్టింగ్ ద్వారా లీకైన Vivo V29 Lite 5G స్పెసిఫికేషన్స్

చైనీస్ స్మార్ట్ ఫోన్ కంపెనీ వివో త్వరలో ఒక కొత్త వీ-సిరీస్ స్మార్ట్ ఫోన్ ని లాంచ్ చేసేందుకు రెడీ అవుతోంది. రిపోర్ట్స్ గనుక నిజమే అయితే, Vivo V29 Lite 5G డివైజ్ గూగుల్ ప్లే కన్సోల్ డేటాబేస్ పై V2244 అనే మోడల్ నంబర్ తో లిస్ట్ అయినట్లు సమాచారం. అంటే త్వరలోనే ఈ ఫోన్ లాంచ్ కానుందన్న మాట. అయితే కంపెనీ నుంచి ఇంకా అధికార ప్రకటన రాలేదు. కానీ, లిస్టింగ్ ద్వారా ఫోన్ కి సంబంధించిన ఫ్రంట్ లుక్ మరియు ప్రాసెసర్ సమాచారం తెలిసింది.

గూగుల్ ప్లే కన్సోల్ లిస్టింగ్ పై కనిపించిన Vivo V29 Lite 5G

• వాటర్ డ్రాప్ నాచ్ సన్నని బెజెల్స్
• క్వాల్కమ్ స్నాప్ డ్రాగన్ 695 చిప్

Vivo V29 Lite 5G డివైజ్ గూగుల్ ప్లే కన్సోల్ డేటాబేస్ ప్రకారం, ఈ స్మార్ట్ ఫోన్ ఫుల్ హెచ్డీ+ డిస్ప్లే, వాటర్ డ్రాప్ నాచ్, సన్నని బెజెల్స్ తో రానుందని సమాచారం. అలాగే ఈ ఫోన్ క్వాల్కమ్ స్నాప్ డ్రాగన్ 695 చిప్సెట్ తో వస్తున్నట్లు తెలుస్తోంది. ఈ చిప్సెట్ 2.2 గిగాహెర్ట్జ్ క్లాక్ స్పీడ్ ని కలిగి ఉంది. గ్రాఫిక్స్ కోసం ఈ డివైజ్ లో అడ్రెనో 619జీపీయూ వాడినట్లు సమాచారం.

గూగుల్ ప్లే కన్సోల్ లిస్టింగ్ ద్వారా Vivo V29 Lite 5G డివైజ్ యొక్క 8జిబి ర్యామ్, 128జిబి స్టోరేజీ వేరియంట్ రివీల్ అయ్యింది. ఇతర స్టోరేజీ, ర్యామ్ వేరియంట్స్ కూడా ఉండే అవకాశం ఉంది. MySmartPrice రిపోర్ట్ ప్రకారం, ఈ ఫోన్ ఆండ్రాయిడ్ 13 ఓఎస్ పై పని చేయనుందని తెలిసింది.

లిస్టింగ్ ప్రకారం, Vivo V29 Lite 5G డివైజ్ V2244 అనే మోడల్ నంబర్ ని కలిగి ఉంది. వివో వై78 స్మార్ట్ ఫోన్ గూగుల్ ప్లే కన్సోల్ మరియు 3సీ వెబ్ సైట్ పై ఇదే మోడల్ నంబర్ తో లిస్ట్ అయ్యింది. ఈ తరుణంలో, Vivo V29 Lite 5G మరియు Vivo Y78 5G డివైజెస్ విభిన్న మార్కెట్స్ లో లాంచ్ అయ్యే అవకాశం ఉందని తెలుస్తోంది.

Vivo V29 Lite 5G డివైజ్ Vivo Y78 5G కి రీబ్రాండ్ వర్షన్ అయ్యే అవకాశం ఉంది. ఇక ఈ ఫోన్ ట్రిపుల్ రియర్ కెమెరా సెటప్, 5000 ఎంఏహెచ్ బ్యాటరీ, ఫాస్ట్ చార్జింగ్ సపోర్ట్ తో వచ్చే అవకాశం ఉంది. ప్రస్తుతం Vivo V29 Lite 5G కి సంబంధించి కంపెనీ నుంచి అధికార ప్రకటన రాలేదు.

లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.