ప్రముఖ స్మార్ట్ఫోన్ బ్రాండ్ Vivo త్వరలో వి-సిరీస్ లో ఒక ఫోన్ ని లాంచ్ చేయనుంది. Vivo V30 పేరుతో వస్తోన్న ఈ డివైజ్ తాజాగా బెంచ్ మార్కింగ్ సైట్ గీక్బెంచ్ పై కనిపించింది. దీంతో Vivo V30 కి సంబంధించిన స్పెసిఫికేషన్స్, మోడల్ నంబర్, స్కోర్ తదితర వివరాలు తెలిసాయి. Vivo V30 డివైజ్ స్నాప్ డ్రాగన్ 7 జెన్ 3 చిప్సెట్, 12జిబి ర్యామ్ తో వస్తున్నట్లు లిస్టింగ్ ద్వారా తెలుస్తోంది. సరే, ఓసారి ఆ విశేషాలేంటో తెలుసుకుందాం పదండి.
గత నెలలో భారతీయ మార్కెట్ లో Vivo V29 సిరీస్ లాంచ్ అయ్యింది. లైనప్ లో Vivo V29 మరియు Vivo V29 Pro డివైజెస్ వచ్చాయి. ఇప్పుడు Vivo V29 సిరీస్ కి సక్సెసర్ గా Vivo V30 సిరీస్ మార్కెట్ లోకి త్వరలోనే ఎంట్రీ ఇవ్వనుంది.
Vivo V30 గీక్బెంచ్ లిస్టింగ్
- Vivo V30 స్మార్ట్ఫోన్ V2318 అనే మోడల్ నంబర్ తో గీక్బెంచ్ పై లిస్టైంది.
- ఐఎంఈఐ డేటాబేస్ పై లిస్టైన మోడల్ నంబర్, గీక్బెంచ్ పై లిస్టైన మోడల్ నంబర్ ఒకే విధంగా ఉన్నాయి. దీంతో Vivo V30 మార్కెటింగ్ పేరు కన్ఫర్మ్ అయ్యింది.
- గీక్ బెంచ్ లిస్ట్ ప్రకారం, Vivo V30 డివైజ్ లో అడ్రెనో 720 జీపీయూ ఉంటుందని అర్థమవుతోంది.
- Vivo V30 డివైజ్ క్వాల్కమ్ స్నాప్ డ్రాగన్ 7 జెన్ 3 చిప్సెట్ తో వస్తున్నట్లు లిస్టింగ్ లో పేర్కొనబడి ఉంది.
- Vivo V30 డివైజ్ ఆండ్రాయిడ్ 14 ఓఎస్, 12జిబి ర్యామ్ తో గీక్ బెంచ్ పై లిస్టైంది. అయితే ఇతర మెమొరీ ఆప్షన్స్ కూడా ఉండే అవకాశం ఉంది.
- Vivo V30 డివైజ్ చైనాలో Vivo S18 అని రీబ్రాండ్ అయ్యే అవకాశాలు ఉన్నాయి. చిప్సెట్, ర్యామ్, ఓఎస్ వివరాలు తప్పితే, గీక్బెంచ్ లిస్టింగ్ ద్వారా మరే ఇతర స్పెసిఫికేషన్స్ రివీల్ కాలేదు. సరే, ఓసారి గత మోడల్ Vivo V29 యొక్క స్పెసిఫికేషన్స్ పై కన్నేద్దాం పదండి.
Vivo V29 స్పెసిఫికేషన్స్
- డిస్ప్లే: Vivo V29 5G లో 6.78-ఇంచ్ ఫుల్ హెచ్డీ+ 3డీ కర్వ్డ్ అమోలెడ్ డిస్ప్లే, 2800*1260 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: Vivo V29 5G లో క్వాల్కమ్ స్నాప్ డ్రాగన్ 778జి చిప్సెట్ వాడారు.
- స్టోరేజీ: Vivo V29 5G డివైజ్ 8జిబి+128జిబి మరియు 12జిబి+256జిబి స్టోరేజీ ఆప్షన్స్ లో లభిస్తుంది.
- బ్యాటరీ: Vivo V29 5G లో పవర్ బ్యాకప్ కోసం 4,600 ఎంఏహెచ్ బ్యాటరీ అందించారు. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo V29 5G డివైజ్ ఆండ్రాయిడ్ 13 ఓఎస్ ఆధారిత ఫన్టచ్ఓఎస్ 13 కస్టమ్ స్కిన్ పై పని చేస్తుంది.
- కనెక్టివిటీ, ఇతర ఫీచర్లు: Vivo V29 5G లో డ్యూయల్ సిమ్, 5జీ, బ్లూటూత్, వై-ఫై, ఇన్-డిస్ప్లే ఫింగర్ ప్రింట్ స్కానర్ ఉన్నాయి.
- చుట్టుకొలత, బరువు: Vivo V29 5G డివైజ్ 164.18 మి.మీ పొడవు, 74.37 మి.మీ వెడల్పు, 7.46 మి.మీ మందం, 186 గ్రాముల బరువు ఉంటుంది.
