ప్రముఖ స్మార్ట్ఫోన్ బ్రాండ్ Vivo, వీ30 సిరీస్ లో ఒక కొత్త ఫోన్ని లాంచ్ చేసేందుకు సిద్ధమవుతోంది. Vivo V30e పేరుతో ఈ ఫోన్ మార్కెట్ లోకి రానుంది. తాజాగా ఈ ఫోన్ సర్టిఫికేషన్ వెబ్సైట్ బ్లూటూత్ ఎస్ఐజీ పై లిస్ట్ అయ్యింది. ఇంతకు ముందే గీక్బెంచ్, బీఐఎస్ వంటి సైట్స్ లో కూడా లిస్ట్ అయ్యింది. సరే, ఓసారి బ్లూటూత్ ఎస్ఐజీ సర్టిఫికేషన్ వివరాలతో పాటు అంచనా స్పెసిఫికేషన్స్ తెలుసుకుందాం పదండి.
Vivo V30e బ్లూటూత్ ఎస్ఐజీ లిస్టింగ్
Vivo V30e స్మార్ట్ఫోన్ బ్లూటూత్ ఎస్ఐజీ సర్టిఫికేషన్ వెబ్సైట్ పై V2340, V2339 అనే మోడల్ నంబర్లతో లిస్ట్ అయ్యింది.
V2339 మోడల్ నంబర్ ఇండియన్ వేరియంట్ అని చెప్పవచ్చు. ఎందుకంటే ఇదే మోడల్ నంబర్ తో భారత్ కి చెందిన బీఐఎస్ సైట్ పై Vivo V30e లిస్ట్ అయ్యింది.
ఇక V2340 మోడల్ నంబర్ గ్లోబల్ వేరియంట్ ని సూచిస్తుందని చెప్పవచ్చు.
బ్లూటూత్ ఎస్ఐజీ లిస్టింగ్ ద్వారా మరే ఇతర స్పెసిఫికేషన్స్ వెల్లడి కాలేదు. అయితే త్వరలోనే Vivo V30e లాంచ్ ఉంటుందని స్పష్టమవుతోంది.
Vivo V30e స్పెసిఫికేషన్స్ (అంచనా)
Vivo V30e స్మార్ట్ఫోన్ గతంలో గీక్బెంచ్ మరియు ఇతర సైట్స్ పై లిస్ట్ అయ్యింది. దీంతో స్పెసిఫికేషన్స్ రివీల్ అయ్యాయి. ఓసారి అవెలా ఉన్నాయో తెలుసుకుందాం.
డిస్ప్లే: Vivo V30e లో 6.78-ఇంచ్ ఫుల్ హెచ్డీ+ స్క్రీన్, కర్వ్డ్ అమోలెడ్ ప్యానెల్, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్: Vivo V30e లో క్వాల్కమ్ స్నాప్డ్రాగన్ 6 జెన్ 1 చిప్సెట్ ఉంటుందని సమాచారం.
ర్యామ్, స్టోరేజీ: Vivo V30e డివైజ్ 8జిబి ర్యామ్ మరియు 256జిబి స్టోరేజీ, వర్చువల్ ర్యామ్ ఫీచర్ తో వస్తుందని తెలుస్తోంది.
కెమెరా: Vivo V30e లో 64ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్, 50ఎంపి ఫ్రంట్ కెమెరాతో వస్తోంది.
బ్యాటరీ, చార్జింగ్: Vivo V30e లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ సపోర్ట్ తో వస్తోంది.
సాఫ్ట్వేర్: Vivo V30e స్మార్ట్ఫోన్ ఆండ్రాయిడ్ 14 ఓఎస్ తో లాంచ్ అవుతుంది.
కనెక్టివిటీ: Vivo V30e లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి కనెక్టివిటీ ఆప్షన్స్ ఉంటాయి.
