ప్రముఖ స్మార్ట్‌ఫోన్ బ్రాండ్ Vivo నుంచి త్వరలో ఒక కొత్త ఫోల్డబుల్ ఫోన్ లాంచ్ కానుంది. X Fold 3 Pro పేరుతో ఈ ఫోన్ మార్కెట్ లోకి వస్తోంది. దీంతో పాటు X Fold 3 కూడా లాంచ్ అవ్వనుంది. ఈ రెండు ఫోన్లు భారత్‌తో పాటు గ్లోబల్ మార్కెట్స్ లో లాంచ్ కానున్నాయి. తాజాగా X Fold 3 Pro డివైజ్ బీఐఎస్ వెబ్‌సైట్ పై లిస్ట్ అయ్యింది. దీంతో భారత్ లో లాంచ్ పై స్పష్టత వచ్చినట్లయ్యింది. సరే, ఓసారి X Fold 3 Pro యొక్క బీఐఎస్ లిస్టింగ్ వివరాలు మరియు స్పెసిఫికేషన్స్ ఎలా ఉన్నాయో తెలుసుకుందాం.
Vivo X Fold 3 Pro బీఐఎస్ లిస్టింగ్
Vivo X Fold 3 Pro స్మార్ట్‌ఫోన్ భారత్‌కి చెందిన బ్యూరో ఆఫ్ ఇండియన్ స్టాండర్డ్స్ సర్టిఫికేషన్ వెబ్‌సైట్ పై లిస్ట్ అయ్యింది.
బీఐఎస్ వెబ్‌సైట్ పై Vivo X Fold 3 Pro యొక్క మోడల్ నంబర్ V2330 గా ఉంది.
బీఐఎస్ కాకుండా, Vivo X Fold 3 Pro డివైజ్ ఇండోనేషియాకు చెందిన టీకేడీఎన్ మరియు టెలీకామ్ ప్లాట్ఫామ్స్ పై కూడా లిస్ట్ అయ్యింది.
ఈ లిస్టింగ్స్ ద్వారా Vivo X Fold 3 Pro త్వరలోనే భారత్, ఇండోనేషియాతో పాటు ఇతర మార్కెట్స్ లో కూడా లాంచ్ కానుందని అర్థమవుతోంది.
Vivo X Fold 3 Pro స్పెసిఫికేషన్స్
స్క్రీన్: Vivo X Fold 3 Pro లో 8.03-ఇంచ్ ఇన్నర్ ఫోల్డింగ్ డిస్ప్లే, 2480*2200 పిక్సెల్స్ రెజుల్యూషన్, 6.53-ఇంచ్ ఔటర్ స్క్రీన్ ఉంటాయి. అమోలెడ్ ఎల్టీపీవో, 120 హెర్ట్జ్ రిఫ్రెష్ రేట్, 4500 నిట్స్ బ్రైట్నెస్, డాల్బీ విజన్, హెచ్డీఆర్10+ ఉంటాయి.
ప్రాసెసర్: Vivo X Fold 3 Pro లో క్వాల్కమ్ స్నాప్‌డ్రాగన్ 8 జెన్ 3 చిప్సెట్ వాడారు. గ్రాఫిక్స్ కోసం అడ్రెనో జీపీయూ ఉంటుంది.
ర్యామ్, స్టోరేజీ: Vivo X Fold 3 Pro డివైజ్ 16జిబి వరకు ఎల్పీడీడీఆర్5ఎక్స్ ర్యామ్, 1టిబి వరకు యూఎఫ్ఎస్ 4.0 స్టోరేజీ ఆప్షన్స్ లో లభిస్తుంది.
కెమెరా: Vivo X Fold 3 Pro లో 50ఎంపి ఓఐఎస్ అల్ట్రా-సెన్సింగ్ ప్రైమరీ కెమెరా, 64ఎంపి 3ఎక్స్ టెలీఫోటో లెన్స్, 50ఎంపి అల్ట్రావైడ్ లెన్స్ ఉంటాయి. వీ3 ఇమేజింగ్ చిప్ కూడా ఉంటుంది. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంటుంది.
బ్యాటరీ: Vivo X Fold 3 Pro లో పవర్ బ్యాకప్ కోసం 5,700 ఎంఏహెచ్ బ్యాటరీ ఉంటుంది. ఇది 100 వాట్ ఫ్లాష్ చార్జింగ్, 50 వాట్ ఫ్లాష్ వైర్లెస్ చార్జింగ్ కి సపోర్ట్ చేస్తుంది.
ఓఎస్: Vivo X Fold 3 Pro డివైజ్ ఆండ్రాయిడ్ 14 ఓఎస్ ఆధారిత ఒరిజిన్ఓఎస్ 4 కస్టమ్ స్కిన్ పై పని చేస్తుంది.
కనెక్టివిటీ: Vivo X Fold 3 Pro లో డ్యూయల్ సిమ్, 5జీ, 4జీ, బ్లూటూత్, వై-ఫై ఉంటాయి.
