ప్రముఖ స్మార్ట్ఫోన్ బ్రాండ్ Vivo కొన్ని రోజుల క్రితం X100, X100 Pro ఫోన్లను లాంచ్ చేసింది. ప్రస్తుతం ఈ డివైజెస్ భారత్ లో కొనుగోలుకి అందుబాటులో ఉన్నాయి. ఇప్పుడు X-సిరీస్ లైనప్ లో మరొక స్మార్ట్ఫోన్ని లాంచ్ చేసే ప్రయత్నాల్లో వివో ఉంది. Vivo X100s పేరుతో ఈ ఫోన్ మార్కెట్ లోకి రానుంది. తాజాగా Vivo X100s గూగుల్ ప్లే కన్సోల్ పై లిస్ట్ అయ్యింది. దీంతో ఎన్నో ముఖ్యమైన స్పెసిఫికేషన్స్ రివీల్ అయ్యాయి.
Vivo X100s గూగుల్ ప్లే కన్సోల్ లిస్టింగ్ వివరాలు
గూగుల్ ప్లే కన్సోల్ పై Vivo X100s స్మార్ట్ఫోన్ Vivo PD2309 అనే మోడల్ నంబర్ తో లిస్ట్ అయ్యింది.
Vivo X100s డివైజ్ లో మీడియాటెక్ డైమెన్సిటీ 9300 చిప్సెట్ వాడారు.
Vivo X100s డివైజ్ 16జిబి ర్యామ్ తో గూగుల్ ప్లే కన్సోల్ పై లిస్ట్ అయ్యింది.
ఇంకా Vivo X100s లో మాలి-జీ720 జీపీయూ, ఆండ్రాయిడ్ 14 ఓఎస్, 1260*2800 పిక్సెల్ రెజుల్యూషన్, 560డీపీఐ వంటి స్పెసిఫికేషన్స్ ఉంటాయని లిస్టింగ్ ద్వారా తెలిసింది.
Vivo X100, Vivo X100 Pro స్పెసిఫికేషన్స్
- డిస్ప్లే: Vivo X100, Vivo X100 Pro డివైజెస్ లో 6.78-ఇంచ్ ఎల్టీపీవో అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1.5కే పిక్సెల్ రెజుల్యూషన్, 3000 నిట్స్ పీక్ బ్రైట్నెస్, హెచ్డీఆర్10+ సపోర్ట్ ఉన్నాయి.
- ప్రాసెసర్: Vivo X100, Vivo X100 Pro ఫోన్లలో మీడియాటెక్ డైమెన్సిటీ 9300 చిప్సెట్, ఇమ్మోర్టాలిస్-జీ720 జీపీయూ ఉన్నాయి.
- కెమెరా: Vivo X100 లో ట్రిపుల్ రియర్ కెమెరా సెటప్ ఇచ్చారు. ఇందులో 50ఎంపి మెయిన్ కెమెరా + 64ఎంపి పెరిస్కోప్ టెలీఫోటో 3x లెన్స్ + 50ఎంపి అల్ట్రావైడ్ లెన్స్ ఉన్నాయి. Vivo X100 Pro లో 50ఎంపి 1-ఇంచ్ కెమెరా + 50ఎంపి 4.3x పెరిస్కోప్ + 50ఎంపి అల్ట్రావైడ్ ఉన్నాయి. ప్రో మోడల్ లో 8కే వీడియో రికార్డింగ్ సపోర్ట్ ఉంది.
- బ్యాటరీ: Vivo X100 లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 120 వాట్ ఫాస్ట్ చార్జింగ్ సపోర్ట్ తో వచ్చింది. Vivo X100 Pro లో 5,400 ఎంఏహెచ్ బ్యాటరీ ఉంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo X100, Vivo X100 Pro డివైజెస్ ఆండ్రాయిడ్ 14 ఓఎస్ తో లాంచ్ అయ్యాయి.
- కనెక్టివిటీ: ఈ ఫోన్లలో డ్యూయల్ సిమ్, 5జీ, 4జీ, బ్లూటూత్, వై-ఫై వంటి కనెక్టివిటీ ఫీచర్లు ఉన్నాయి.
- కలర్ ఆప్షన్స్: Vivo X100 మరియు Vivo X100 Pro డివైజెస్ బ్లాక్, ఆరెంజ్, బ్లూ మరియు వైట్ కలర్ ఆప్షన్స్ లో లభిస్తాయి.
