హైలైట్స్
- చైనాలో లాంచ్ అయిన Vivo X90 సిరీస్ స్మార్ట్ ఫోన్స్
- 6.78-ఇంచ్ క్యూహెచ్డీ+ ఎల్టీపీవో 4.0 అమోలెడ్ డిస్ప్లే, 120 హెర్ట్జ్ రిఫ్రెష్ రేట్, హెచ్డీఆర్10+ తో లాంచ్ అయిన Vivo X90 Pro+
- Vivo X90 Pro+ స్మార్ట్ ఫోన్ ధర RMB 6499 (సుమారు రూ.74,400) నుంచి ప్రారంభం
ప్రముఖ స్మార్ట్ ఫోన్ సంస్థ వివో తన తదుపరి ఫ్లాగ్షిప్ సిరీస్ Vivo X90 లైనప్ ని లాంచ్ చేసింది. ఈ లైనప్ లో Vivo X90, Vivo X90 Pro, Vivo X90 Pro+ డివైజెస్ ఉన్నాయి. ఈ సిరీస్ కోసం వివో లవర్స్ ఎంతగానో వేచి చూస్తున్నారు. వారి వెయిటింగ్ కి తెరపడినట్లైంది. అయితే ప్రస్తుతానికి చైనాలో మాత్రమే ఈ డివైజెస్ లాంచ్ అయ్యాయి. త్వరలోనే భారతగడ్డపై కూడా Vivo X90 సిరీస్ అడుగుపెట్టనుంది.
Vivo X90 Pro+ డివైజ్ లేటెస్ట్ సిరీస్ లో టాప్-ఎండ్ ఫోన్ గా నిలుస్తోంది. ఇందులో మాత్రమే స్నాప్ డ్రాగన్ లేటెస్ట్ జనరేషన్ చిప్ ని వాడటం జరిగింది. మిగతా రెండు మోడల్స్ లో మీడియాటెక్ డైమెన్సిటీ 9200 ప్రాసెసర్ వాడారు. ఇకపోతే Vivo X90 Pro+ డివైజ్ క్యూహెచ్డీ+ ఎల్టీపీవో 4.0 అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 20:9 యాస్పెస్ట్ రేషియో తో లాంచ్ అయ్యింది. పూర్తి స్పెసిఫికేషన్స్ ఇక్కడ తెలుసుకుందాం పదండి.
Vivo X90 Pro+ స్పెసిఫికేషన్స్
Vivo X90 Pro+ క్వాల్కమ్ స్నాప్ డ్రాగన్ 8 జెన్ 2 చిప్సెట్ ని కలిగి ఉంటుంది. గ్రాఫిక్స్ కోసం అడ్రెనో 740 జీపీయూ వాడారు. 6.78-ఇంచ్ క్యూహెచ్డీ+ ఎల్టీపీవో 4.0 అమోలెడ్ డిస్ప్లే, 20:9 యాస్పెక్ట్ రేషియో, 120 హెర్ట్జ్ రిఫ్రెష్ రేట్, 3200*1440 పిక్సెల్స్ రెజుల్యూషన్, 1800 నిట్స్ పీక్ బ్రైట్నెస్, పంచ్-హోల్ కటౌట్, డాల్బి విజన్, 517 పీపీఐ పిక్సెల్ డెన్సిటీ, 360 హెర్ట్జ్ టచ్ శాంప్లింగ్ రేట్, హెచ్డీఆర్10+, డీసీ డిమ్మింగ్ ఈ ఫోన్ లో ఉన్నాయి.
Vivo X90 Pro+ లో 12జిబి వరకు ర్యామ్, 512జిబి వరకు స్టోరేజీ ఆప్షన్స్ ఉన్నాయి. ఈ స్మార్ట్ ఫోన్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 3 కస్టమ్ స్కిన్ పై పని చేస్తుంది.
Vivo X90 Pro+ లో 5జీ, 4జీ ఎల్టీఈ, వై-ఫై 6ఈ, బ్లూటూత్ 5.3, ఎన్ఎఫ్సీ, జీపీఎస్, యూఎస్బీ టైప్-సీ పోర్ట్ ఉన్నాయి. భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ సెన్సర్ అందించారు. పవర్ బ్యాకప్ కోసం 4700 ఎంఏహెచ్ బ్యాటరీ అందించారు. ఇది 80 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ కి సపోర్ట్ చేస్తుంది. ఈ ఫోన్ 164.3 మిల్లీ మీటర్ల పొడవు, 75.3 మిల్లీ మీటర్ల వెడల్పు, 9.7 మిల్లీ మీటర్ల మందం, 220 గ్రాముల బరువు ఉంటుంది. అలాగే ఈ డివైజ్ ఐపీ68 వాటర్ అండ్ డస్ట్ రెసిస్టన్స్ రేటింట్ తో వస్తోంది.
ఇప్పుడు Vivo X90 Pro+ యొక్క కెమెరా విభాగం గురించి తెలుసుకుందాం. ఈ ఫోన్ లో క్వాడ్ రియర్ కెమెరా సెటప్ ఉంది. ఇందులో 1-ఇంచ్ 50ఎంపి సోని ఐఎంఎక్స్989 సెన్సర్, 50ఎంపి సోని ఐఎంఎక్స్758 పొట్రెయిట్ సెన్సర్, 48ఎంపి అల్ట్రావైడ్ సెన్సర్, 64ఎంపి OV64B40 టెలీఫోటో లెన్స్ ఉన్నాయి. సెల్ఫీలు, వీడియో కాల్స్ కోసం 32ఎంపి ఫ్రంట్ కెమెరా అందించారు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
