లీకైన Vivo Y02 స్పెసిఫికేషన్స్, ధర

హైలైట్స్

• లాంచ్ కి ముందు నెట్టింట్లో ప్రత్యక్షమైన Vivo Y02 ధర, స్పెసిఫికేషన్స్
• మీడియాటెక్ హీలియో పీ22 ప్రాసెసర్, 5000 ఎంఏహెచ్ బ్యాటరీతో వస్తోన్న Vivo Y02
• రూ.10,000 లోపు ధరతో వస్తోన్న Vivo Y02

ప్రముఖ స్మార్ట్ ఫోన్ సంస్థ వివో చైనాలో X90 సిరీస్ ని లాంచ్ చేసే పనుల్లో నిమగ్నమైంది. నవంబర్ 22 న ఈ ఫ్లాగ్షిప్ డివైజెస్ లాంచ్ ఉండనుంది. ఈ లైనప్ లో మూడు ప్రీమియమ్ స్మార్ట్ ఫోన్స్ ఉంటాయి. అవి: X90, X90 Pro, X90 Pro+ 5G. ఇదిలా ఉండగా, లో-బడ్జెట్ ఫోన్ అయిన Vivo Y02 యొక్క ధర, స్పెసిఫికేషన్స్ లీక్ అయ్యాయి. ఈ ఫోన్ త్వరలోనే లాంచ్ అవ్వబోతోంది.

ఈ ఏడాది ఆరంభంలో లాంచ్ అయిన Vivo Y01 కి సక్సెసర్ గా Vivo Y02 స్మార్ట్ ఫోన్ మార్కెట్ లోకి వస్తోంది. Vivo Y02 స్మార్ట్ ఫోన్ స్పెసిఫికేషన్స్ ఏ విధంగా ఉండనున్నాయో తెలుసుకుందాం పదండి.

Vivo Y02 స్పెసిఫికేషన్స్

త్వరలోనే Vivo Y02 భారత్ లో లాంచ్ కానుంది. ఈలోపు ప్రముఖ టిప్ స్టర్ పారస్ గుగ్లాని అప్‌కమింగ్ బడ్జెట్ స్మార్ట్ ఫోన్ కి సంబంధించిన స్పెసిఫికేషన్స్ ని రివీల్ చేశాడు. టిప్‌స్టర్ ప్రకారం, Vivo Y02 మీడియాటెక్ హీలియో పీ22 ప్రాసెసర్ తో వస్తోంది. స్టోరేజీ వివరాలను గుగ్లాని తెలపలేదు. కానీ, 2జిబి ర్యామ్, 32 జిబి స్టోరేజీ ఉంటాయని అంచనా వేయవచ్చు. మైక్రోఎస్డీ కార్డ్ ద్వారా 256జిబి లేదా 512జిబి వరకు మెమొరీని పెంచుకోవచ్చు.

Vivo Y02 కెమెరా విభాగం గురించి తెలుసుకుందాం. ఇందులో 8 మెగా పిక్సెల్ సింగిల్ కెమెరా, ఎల్ఈడీ ఫ్లాష్ ఉంటాయని అంచనా వేయవచ్చు. సెల్ఫీలు, వీడియో కాల్స్ కోసం ఇందులో 5 మెగా పిక్సెల్ కెమెరా ఉండనుంది.

Vivo Y02 లో 5000 ఎంఏహెచ్ బ్యాటరీ ఉంటుంది. ఇది 5 వాట్ లేదా 10 వాట్ చార్జింగ్ సపోర్ట్ తో రావొచ్చు. ఈ వివో బడ్జెట్ స్మార్ట్ ఫోన్ లో 6.51-ఇంచ్ హాలో ఫుల్ వ్యూ ఐపీఎస్ ఎల్సీడీ డిస్ప్లే ఉంటుంది. 1600 * 720 పిక్సెల్ రెజుల్యూషన్ ఇందులో ఉంటుంది. 20:9 యాస్పెక్ట్ రేషియో, ఐ ప్రొటెక్షన్ మోడ్, డ్యూయల్ సిమ్ స్లాట్ తో ఈ ఫోన్ వస్తుందని టిప్‌స్టర్ పారస్ గుగ్లాని తెలిపాడు.

Vivo Y02 స్మార్ట్ ఫోన్ ఆండ్రాయిడ్ 12 ఆధారిత ఫన్‌టచ్ ఓఎస్ 12 కస్టమ్ స్కిన్ పై పని చేస్తుంది. Vivo Y02 రూ.8,449 ధరతో భారత్ లో లాంచ్ అవుతుందని టిప్‌స్టర్ వెల్లడించాడు. రానున్న కొన్ని వారాల్లో Vivo Y02 లాంచ్ కానుందని అతడు తెలిపాడు. ఇప్పటి వరకు Vivo Y02 స్మార్ట్ ఫోన్ యొక్క లాంచ్ తేదీ గురించి వివో ఎటువంటి అధికార ప్రకటన చేయలేదు. త్వరలోనే వివో నుంచి అనౌన్స్‌మెంట్ వచ్చే అవకాశం ఉంది.