కొత్త వై-సిరీస్ స్మార్ట్ ఫోన్ ని లాంచ్ చేసేందుకు వివో సంస్థ సిద్ధమవుతోంది. Vivo Y100 ని లాంచ్ చేయబోతున్నట్లు ట్విట్టర్ ద్వారా వివో ఒక టీజర్ ని విడుదల చేసింది. దీంతో భారత్ లో Vivo Y100 లాంచ్ ఖరారైంది. ఇప్పటికే Vivo Y100 వివిధ సర్టిఫికేషన్ మరియు బెంచ్ మార్కింగ్ వెబ్ సైట్స్ లో కనిపించింది. దీంతో ప్రధాన స్పెసిఫికేషన్స్ రివీల్ అయ్యాయి. ఇప్పుడు, కంపెనీ నుంచి Vivo Y100 యొక్క టీజర్ బయటకు వచ్చింది.
వివో వదిలిన Vivo Y100 కొత్త టీజర్ ని బట్టి, రోజ్ గోల్డ్ మరియు బ్లూ కలర్ ఆప్షన్స్ లో Vivo Y100 లభించనుందని తెలుస్తోంది. బాలీవుడ్ నటి సారా అలీఖాన్ Vivo Y100 కి బ్రాండ్ అంబాసిడర్ గా వ్యవహరిస్తోంది. లాంచ్ కి ముందు వివో ఒక ‘నోటిఫై మీ’ అలర్ట్ ని తన వెబ్ సైట్ లో వివో లైవ్ లో ఉంచింది. దీంతో లాంచ్ కచ్చితంగా ఉంటుందని స్పష్టమైంది.
Are you ready to color your style? Stay tuned.
To know more, visit https://t.co/5bNAoMzp8i#ItsMyStyle #vivoY100 #ColorMyStyle #ComingSoon pic.twitter.com/L4AtKKnHC7
— vivo India (@Vivo_India) February 2, 2023
Vivo Y100 స్పెసిఫికేషన్స్ (అంచనా)
Vivo Y100 స్మార్ట్ ఫోన్ గీక్ బెంచ్, గూగుల్ ప్లే కన్సోల్, బీఐఎస్ సర్టిఫికేషన్ పై కొన్ని రోజుల క్రితం కనిపించింది. ఇక స్పెసిఫికేషన్స్ ఎలా ఉన్నాయో చూస్తే, Vivo Y100 ఫోన్ 6-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, హెచ్డీఆర్10+ సపోర్ట్, 1300 నిట్స్ బ్రైట్నెస్, మీడియాటెక్ డైమెన్సిటీ 900 చిప్సెట్ తో వస్తోంది.
Vivo Y100 డివైజ్ 6జిబి ర్యామ్, 128జిబి స్టోరేజీ ఆప్షన్ లో రానుంది. మైక్రోఎస్డీ కార్డ్ ద్వారా స్టోరేజీని పెంచుకోవచ్చు. ఇప్పుడు కెమెరా విభాగం గురించి తెలుసుకుందాం. Vivo Y100 లో 64ఎంపి మెయిన్ కెమెరా ఓఐఎస్ సపోర్ట్ తో వస్తోంది. దీనికి తోడు ఒక 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో లెన్స్ ఉంటాయి. సెల్ఫీస్, వీడియో కాల్స్ కోసం ఇందులో 50ఎంపి ఫ్రంట్ కెమెరా ఉండే అవకాశం ఉంది.
Vivo Y100 ఫోన్ ఆండ్రాయిడ్ 13 ఓఎస్ ఆధారిత ఫన్టచ్ఓఎస్ కస్టమ్ స్కిన్ పై పని చేయనుంది. ఈ హ్యాండ్సెట్ 5జీ కనెక్టివిటీతో వస్తోంది.
భారత్ లో Vivo Y100 ధర (అంచనా)
భారత్ లో Vivo Y100 ధర రూ.27,000 ఉంటుందని అంచనా. ఇంతకంటే తక్కువ ధర కూడా ఉండే అవకాశం ఉంది. ఈ డివైజ్ కలర్-చేంజింగ్ బ్యాక్ ప్యానెల్ తో వస్తోంది. కానీ, ఇప్పటి వరకు ఫోన్ లాంచ్ తేదీని కంపెనీ ప్రకటించలేదు. అయితే, కంపెనీ నుంచి టీజర్ వచ్చింది కాబట్టి, ఈ నెలలోనే Vivo Y100 లాంచ్ ఉండొచ్చని చెప్పవచ్చు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
