91mobiles Hindi ప్రచురించిన కథనం ప్రకారం, Vivo Y100 ఆఫ్లైన్ స్టోర్స్ లో సేల్ కి వచ్చినట్లు సమాచారం. అయితే వివో ఇంకా ఈ డివైజ్ ని అఫీషియల్ గా లాంచ్ చేయలేదు. రిపోర్ట్ ప్రకారం, Vivo Y75 4G ఔట్ ఆఫ్ స్టాక్ అయిన ప్రాంతాల్లో Vivo Y100 ని సేల్ చేస్తున్నట్లు తెలుస్తోంది. భారత్ లో Vivo Y100 ధర రూ.24,999 నుంచి ప్రారంభమవుతుంది. ఫిబ్రవరి 16 నుంచి దేశ వ్యాప్తంగా Vivo Y100 సేల్ మొదలుకానుంది.
ప్రముఖ స్మార్ట్ ఫోన్ బ్రాండ్స్ లో ఒకటైన వివో త్వరలోనే భారత్ లో Vivo Y100 ని లాంచ్ చేయనుంది. టిప్స్టర్ ముకుల్ శర్మ ఈ డివైజ్ కి సంబంధించిన ఇన్-హ్యాండ్ లైవ్ ఇమేజెస్ పోస్ట్ చేశాడు. అలాగే మరొక టిప్స్టర్ అభిషేక్ యాదవ్ Vivo Y100 యొక్క ధరను షేర్ చేశాడు. ఓసారి Vivo Y100 ఫోన్ ధర, స్పెసిఫికేషన్స్ తదితర వివరాలు తెలుసుకుందాం పదండి.
భారత్ లో Vivo Y100 ధర, కలర్ ఆప్షన్స్ (లీక్డ్)
టిప్స్టర్ అభిషేక్ యాదవ్ ప్రకారం, Vivo Y100 డివైజ్ 8జిబి ర్యామ్ + 128జిబి స్టోరేజీ వేరియంట్ ధర రూ.24,999 గా ఉండనుంది.
Exclusive :
Vivo Y100 5G Price
8GB+128GB ? MOP ₹24,999— Abhishek Yadav (@yabhishekhd) February 8, 2023
ఇదిలా ఉండగా, మరొక టిప్స్టర్ ముకుల్ శర్మ షేర్ చేసిన లైవ్ ఇమేజెస్ ని బట్టి, Vivo Y100 బ్యాక్ ప్యానెల్ రోజ్ గోల్డ్ ఫినిషింగ్ తో కనిపిస్తోంది. అయితే, కలర్ మాత్రం షిఫ్టింగ్ గ్రేడియంట్ ఫినిషింగ్ తో ఉంది. ఇది నేచురల్ డేలైట్ లో ఆరెంజ్ కలర్ మాదిరి కనిపిస్తుంది.
Yes, same phone ?
This is the vivo Y100. The color change is super awesome this time around. #vivo #vivoY100 pic.twitter.com/KFrRnhlgJp— Mukul Sharma (@stufflistings) February 8, 2023
త్వరలోనే Vivo Y100 స్మార్ట్ ఫోన్ భారత్ లో అఫీషియల్ గా లాంచ్ అవుతుందని వివో కన్ఫర్మ్ చేసింది. దీనికంటే ముందు ఫోన్ యొక్క స్పెసిఫికేషన్స్ బయటకు వచ్చాయి. ఆ వివరాలేంటో తెలుసుకుందాం పదండి.
Vivo Y100 స్పెసిఫికేషన్స్ (లీక్డ్)
- మీడియాటెక్ డైమెన్సిటీ 900
- 6.38-inch FHD+ డిస్ప్లే
- 90Hz రిఫ్రెష్ రేట్
- 8GB ర్యామ్ + 8GB వర్చువల్ ర్యామ్
- 64MP OIS మెయిన్ కెమెరా
- 16MP ఫ్రంట్ కెమెరా
- 4500mAh బ్యాటరీ
- 44W ఫాస్ట్ చార్జింగ్
Vivo Y100 స్మార్ట్ ఫోన్ లో 6.38-ఇంచ్ ఫుల్ హెచ్డీ+ అమోలెడ్ డిస్ప్లే, 90 హెర్ట్జ్ రిఫ్రెష్ రేట్, 1300 నిట్స్ పీక్ బ్రైట్నెస్, 360 హెర్ట్జ్ టచ్ రెస్పాన్స్ రేట్, 60000:1 కాంట్రాస్ట్ రేషియో, 96 పర్సెంట్ డీసీఐ-పీ3 కలర్ గేముత్ ఉన్నాయి. ఈ ఫోన్ కలర్ చేంజింగ్ ఏజీ ఫ్లోరైట్ గ్లాస్ డిజైన్ తో వచ్చింది. దీంతో సన్లైట్ లో ఫోన్ బ్యాక్ ప్యానెల్ తన రంగుని మారుస్తుంది.
Vivo Y100 లో మీడియాటెక్ డైమెన్సిటీ 900 ప్రాసెసర్ వాడారు. ఈ చిప్ 6 నానోమీటర్ ప్రాసెస్ పై తయారైంది. గ్రాఫిక్స్ కోసం ఏఆర్ఎం మాలి జీ68 జీపీయూ వాడారు. 8జిబి ఆన్బోర్డ్ ర్యామ్ తో పాటు 8జిబి వర్చువల్ ర్యామ్ ని ఈ ఫోన్ లో అందించారు. దీంతో యూజర్ కి మొత్తం 16జిబి ర్యామ్ లభిస్తుంది.
Vivo Y100 లో ట్రిపుల్ రియర్ కెమెరా సెటప్ ఉంది. ఇందులో 64ఎంపి ప్రైమరీ సెన్సర్ ఉంది. ఇది ఓఐఎస్ సపోర్ట్ కలిగి ఉంది. దీనికి తోడు ఒక 2ఎంపి డెప్త్ కెమెరా, మరొక 2ఎంపి సూపర్ మ్యాక్రో లెన్స్ ఉన్నాయి. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా అందించారు.
Vivo Y100 లో డ్యూయల్ సిమ్, వై-ఫై, 5జీ, 4జీ, జీపీఎస్, బ్లూటూత్, టైప్-సీ పోర్ట్ వంటి కనెక్టివిటీ ఫీచర్లు ఉన్నాయి. పవర్ బ్యాకప్ కోసం ఈ డివైజ్ లో 4500 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ ఐపీ54 వాటర్ అండ్ డస్ట్ రెసిస్టన్స్ రేటింగ్ తో రావడం విశేషం.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.