ప్రముఖ స్మార్ట్ఫోన్ తయారీదారు Vivo భారతీయ మార్కెట్ లో Vivo Y17s డివైజ్ ని లాంచ్ చేసింది. మిడ్-రేంజ్ కేటగిరీలో ఈ ఫోన్ తీసుకురాబడింది. ఈ ఫోన్ ని ఆఫ్లైన్ మరియు ఆన్లైన్ ద్వారా విక్రయించనున్నారు. 50ఎంపి మెయిన్ కెమెరా, 5,000 ఎంఏహెచ్ బ్యాటరీ, 6.65-ఇంచ్ ఎల్సీడీ స్క్రీన్, వాటర్ డ్రాప్ నాచ్ ఈ ఫోన్ లో ఉన్నాయి. ఈ ఫోన్ గ్రేటర్ నోయిడా లోని ప్లాంట్ లో తయారు చేశారు. సరే, ఓసారి Vivo Y17s డివైజ్ ధర, స్పెసిఫికేషన్స్ ఎలా ఉన్నాయో తెలుసుకుందాం పదండి.
Vivo Y17s ధర, లభ్యత
- Vivo Y17s రెండు వేరియంట్స్ లో లాంచ్ అయ్యింది.
- 4జిబి ర్యామ్ +, 64జిబి స్టోరేజీ మోడల్ ధరను రూ.11,499 గా నిర్ణయించారు.
- 4జిబి ర్యామ్ + 128జిబి స్టోరేజీ వేరియంట్ ధర రూ.12,499 గా ఉంది.
- గ్లిట్టర్ పర్పుల్, ఫారెస్ట్ గ్రీన్ కలర్ ఆప్షన్స్ లో ఈ ఫోన్ లభించనుంది.
- అక్టోబర్ 2 నుంచి Vivo Y17s సేల్ ఆఫ్లైన్ మరియు ఆన్లైన్ ద్వారా మొదలైంది.
Vivo Y17s స్పెసిఫికేషన్స్
- డిస్ప్లే: Vivo Y17s లో 6.56-ఇంచ్ హెచ్డీ+ స్క్రీన్, 1612*720 పిక్సెల్స్ రెజుల్యూషన్, 60 హెర్ట్జ్ రిఫ్రెష్ రేట్, 269పీపీఐ పిక్సెల్ డెన్సిటీ సపోర్ట్ ఉన్నాయి.
- ప్రాసెసర్: Vivo Y17s లో మీడియాటెక్ హీలియో జీ85 చిప్ వాడారు. గ్రాఫిక్స్ కోసం మాలి-జీ52 ఎంసీ2 జీపీయూ వినియోగించారు.
- మెమొరీ: Vivo Y17s డివైజ్ 4జిబి/6జిబి ర్యామ్, 64జిబి/128జిబి స్టోరేజీ ఆప్షన్స్ లో లభిస్తుంది. మైక్రోఎస్డీ కార్డ్ ద్వారా మెమొరీని పెంచుకునే వీలుంది.
- కెమెరా: Vivo Y17s లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా అందించారు.
- బ్యాటరీ: Vivo Y17s లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo Y17s డివైజ్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేస్తుంది.
- కనెక్టివిటీ, ఇతర ఫీచర్లు: Vivo Y17s లో 4జీ, డ్యూయల్ సిమ్, వై-ఫై, బ్లూటూత్, సైడ్ మౌంటెడ్ ఫింగర్ ప్రింట్ స్కానర్, ఐపీ 54 రేటింగ్ ఉన్నాయి.
