ప్రముఖ స్మార్ట్ఫోన్ బ్రాండ్ Vivo త్వరలో ఒక కొత్త వై-సిరీస్ ఫోన్ని లాంచ్ చేయనుంది. Vivo Y18 పేరుతో ఈ ఫోన్ మార్కెట్ లోకి వస్తోంది. తాజాగా ఈ ఫోన్ గూగుల్ ప్లే కన్సోల్ పై లిస్ట్ అయ్యింది. కొన్ని రోజుల క్రితం Vivo Y18e బీఐఎస్ పై V2350 అనే మోడల్ నంబర్ తో లిస్ట్ అయ్యింది. ఈ ఆర్టికల్ లో Vivo Y18 యొక్క గూగుల్ ప్లే కన్సోల్ లిస్టింగ్ వివరాలు, ప్రధాన స్పెసిఫికేషన్స్ తెలుసుకుందాం పదండి.
Vivo Y18 గూగుల్ ప్లే కన్సోల్ లిస్టింగ్
Vivo Y18 స్మార్ట్ఫోన్ గూగుల్ ప్లే కన్సోల్ పై V2333 అనే మోడల్ నంబర్ తో లిస్ట్ అయ్యింది. లిస్టింగ్ ద్వారా కొన్ని ప్రధాన స్పెసిఫికేషన్స్ రివీల్ అయ్యాయి.
Vivo Y18 లో మీడియాటెక్ హీలియో జీ85 చిప్సెట్ ఉంటుందని లిస్టింగ్ ద్వారా తెలుస్తోంది. ఇకపోతే ఈ ఫోన్ 6జిబి ర్యామ్ తో వస్తుందని అంచనా వేస్తున్నారు. ఇతర ర్యామ్ వేరియంట్స్ కూడా లాంచ్ అయ్యే అవకాశం ఉంది.
Vivo Y18 స్మార్ట్ఫోన్ ఆండ్రాయిడ్ 14 ఓఎస్ తో లాంచ్ అయ్యే అవకాశం ఉంది. బ్లూటూత్ ఎస్ఐజీ లిస్టింగ్ ద్వారా బ్లూటూత్ 5.0 కనెక్టివిటీ కన్ఫర్మ్ అయ్యింది. వివో వై03 వంటి డిజైన్ తో Vivo Y18 ని కూడా తీసుకొచ్చే అవకాశం ఉంది.
Vivo Y03 స్పెసిఫికేషన్స్
- డిస్ప్లే: Vivo Y03 డివైజ్ లో 6.56-ఇంచ్ హెచ్డీ+ స్క్రీన్, 1612*720 పిక్సెల్స్ రెజుల్యూషన్, 90 హెర్ట్జ్ రిఫ్రెష్ రేట్, ఎల్సీడీ ప్యానెల్, 269 పీపీఐ పిక్సెల్ డెన్సిటీ, 70% ఎన్టీఎస్సీ ఉన్నాయి.
- ప్రాసెసర్: Vivo Y03 లో మీడియాటెక్ హీలియో జీ85 చిప్సెట్, మాలి-జీ52 ఎంపీ2 జీపీయూ ఉన్నాయి.
- ర్యామ్, స్టోరేజీ: Vivo Y03 డివైజ్ 4జిబి ఎల్పీడీడీఆర్4ఎక్స్ ర్యామ్, 8జిబి ఎక్స్టెండెడ్ ర్యామ్, 64జిబి/128జిబి ఈఎంఎంసీ 5.1 స్టోరేజీ ఉన్నాయి. మైక్రోఎస్డీ కార్డ్ సాయంతో 1టిబి వరకు మెమొరీని పెంచుకోవచ్చు.
- సాఫ్ట్వేర్: Vivo Y03 డివైజ్ ఆండ్రాయిడ్ 14 ఓఎస్ ఆధారిత ఫన్టచ్ఓఎస్ 14 కస్టమ్ స్కిన్ పై పని చేస్తుంది.
- కెమెరా: Vivo Y03 లో డ్యూయల్ రియర్ కెమెరా సెటప్ ఉంది. ఇందులో 13ఎంపి ప్రైమరీ కెమెరా, క్యూవీజీఏ సెకండరీ లెన్స్, ఎల్ఈడీ ఫ్లాష్ ఉన్నాయి. సెల్ఫీస్, వీడియో కాల్స్ కోసం 5ఎంపి ఫ్రంట్ కెమెరా అందించారు.
- బ్యాటరీ, చార్జింగ్: Vivo Y03 లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 15 వాట్ ఫ్లాష్చార్జ్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ కోసం యూఎస్బీ టైప్-సీ పోర్ట్ అందించారు.
- సెక్యూరిటీ: Vivo Y03 లో సైడ్-మౌంటెడ్ ఫింగర్ ప్రింట్ స్కానర్, సాఫ్ట్వేర్ బేస్డ్ ఫేస్ అన్లాక్ ఉన్నాయి.
- ఇతర ఫీచర్లు: Vivo Y03 లో 4జీ, డ్యూయల్ సిమ్, బ్లూటూత్, వై-ఫై, ఐపీ54 రేటింగ్ ఉన్నాయి.
