ప్రముఖ స్మార్ట్ఫోన్ బ్రాండ్ Vivo త్వరలో వై-సిరీస్ లో ఒక కొత్త ఫోన్ని భారతీయ మార్కెట్ లో లాంచ్ చేయనుంది. Vivo Y200 Pro పేరుతో ఈ ఫోన్ మార్కెట్ లోకి రానుంది. తాజాగా ఈ ఫోన్ యొక్క ధర మరియు స్పెసిఫికేషన్స్కి సంబంధించిన సమాచారం 91mobiles కి అందింది. ఓసారి ఆ విశేషాలు తెలుసుకుందాం పదండి.
Vivo Y200 Pro ధర
Vivo Y200 Pro స్మార్ట్ఫోన్ మిడ్-బడ్జెట్ రేంజ్ లో లాంచ్ అవుతోంది. దీని ధర రూ.25,000 వద్ద ఉంటుంది. నివేదిక గనుక నిజమైతే, మిడ్ సెగ్మెంట్ లో స్లిమ్మెస్ట్ 3డీ కర్వ్డ్ స్క్రీన్ గల ఫోన్ గా Vivo Y200 Pro నిలవనుంది. భారత్ లో ఈ ఫోన్ ధర రూ.23,999 గా ఉంటుంది.
Vivo Y200 Pro స్పెసిఫికేషన్స్
డిస్ప్లే: Vivo Y200 Pro లో 3డీ కర్వ్డ్ స్క్రీన్, అమోలెడ్ ప్యానెల్, 120 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ప్రింట్ స్కానర్ ఉంటాయి.
ప్రాసెసర్: Vivo Y200 Pro లో క్వాల్కమ్ స్నాప్డ్రాగన్ 695 చిప్సెట్ ఉంటుంది. ఇది 6 నానోమీటర్ ఫ్యాబ్రికేషన్ పై తయారైన ఆక్టా-కోర్ చిప్. దీని హయ్యస్ట్ క్లాక్ స్పీడ్ 2.2GHz.
కెమెరా: Vivo Y200 Pro లో మెయిన్ కెమెరా ఓఐఎస్ ఫీచర్ తో వచ్చే అవకాశం ఉంది. అలాగే ఒక పొట్రెయిట్ లెన్స్ కూడా ఉంటుందని అంచనా వేస్తున్నారు. పూర్తి వివరాలు త్వరలోనే తెలియనున్నాయి.
Vivo Y200 5G స్పెసిఫికేషన్స్
స్క్రీన్: Vivo Y200 5G లో 6.67-ఇంచ్ డిస్ప్లే, అమోలెడ్ ప్యానెల్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉన్నాయి.
ప్రాసెసర్: Vivo Y200 5G లో క్వాల్కమ్ స్నాప్ డ్రాగన్ 4 జెన్ 1 చిప్సెట్ వాడారు. ఇది 5జీ ప్రాసెసర్.
ఓఎస్: Vivo Y200 5G డివైజ్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేస్తుంది.
మెమొరీ: Vivo Y200 5G లో 8జిబి ర్యామ్, 128జిబి స్టోరేజీ ఉన్నాయి. ఇతర ర్యామ్, స్టోరేజీ ఆప్షన్స్ ఉండే అవకాశం ఉంది. ఈ డివైజ్ వర్చువల్ ర్యామ్ ఫీచర్ తో వచ్చింది. దీని ద్వారా 8జిబి వరకు ర్యామ్ ని పెంచుకునే వీలుంది. దీంతో యూజర్ కి 16జిబి వరకు ర్యామ్ పవర్ లభిస్తుంది.
కెమెరా: Vivo Y200 5G లో డ్యూయల్ రియర్ కెమెరా సెటప్ ఉంది. ఇందులో 64ఎంపి ఓఐఎస్ మెయిన్ కెమెరా, 2ఎంపి బొకే లెన్స్ ఉంటాయి. వీటికి తోడు ఒక స్మార్ట్ ఆరా లైట్ ఫ్లాష్ ఉంది. Vivo Y200 5G లో సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంది.
బ్యాటరీ: Vivo Y200 5G లో పవర్ బ్యాకప్ కోసం 4,800 ఎంఏహెచ్ బ్యాటరీ
ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Vivo Y200 5G లో 5జీ, 4జీ, డ్యూయల్ సిమ్, వై-ఫై 6, బ్లూటూత్ 5.2, జీపీఎస్ వంటి కనెక్టివిటీ ఆప్షన్స్ ఉన్నాయి.
ఇతర ఫీచర్లు: Vivo Y200 5G లో భద్రత కోసం ఇన్-డిస్ప్లే ఫింగర్ ప్రింట్ స్కానర్ అందిస్తున్నారు. ఇంకా ఈ ఫోన్ స్లిమ్ బాడీ కలిగి ఉంది. Vivo Y200 5G డివైజ్ 7.69 మి.మీ మందం మాత్రమే ఉంది.
