ప్రముఖ స్మార్ట్ఫోన్ బ్రాండ్ Vivo త్వరలో ఒక వై-సిరీస్ ఫోన్ లాంచ్ చేయనుంది. Vivo Y200e 5G పేరుతో ఈ డివైజ్ మార్కెట్ లోకి రానుంది. ఇప్పటికే ఈ ఫోన్ బ్లూటూత్ ఎస్ఐజీ, గీక్బెంచ్ మరియు గూగుల్ ప్లే కన్సోల్ పై లిస్ట్ అయ్యింది. తాజాగా బ్యూరో ఆఫ్ ఇండియన్ స్టాండర్డ్స్ వెబ్సైట్ పై లిస్ట్ అయ్యింది. దీంతో ఇండియా లాంచ్ కన్ఫర్మ్ అయ్యింది. సరే, ఓసారి Vivo Y200e 5G యొక్క బీఐఎస్ లిస్టింగ్ వివరాలు, అంచనా స్పెసిఫికేషన్స్ తెలుసుకుందాం పదండి.
Vivo Y200e 5G బీఐఎస్ లిస్టింగ్
- Vivo Y200e 5G డివైజ్ భారత్ కి చెందిన బీఐఎస్ డేటాబేస్ పై V2336 అనే మోడల్ నంబర్ తో లిస్ట్ అయ్యింది.
- Vivo Y200e 5G డివైజ్ ఇదే మోడల్ నంబర్ తో ఇంతకు ముందు బ్లూటూత్ ఎస్ఐజీ మరియు గీక్బెంచ్ డేటాబేస్ లపై లిస్ట్ అయ్యింది.
- బీఐఎస్ పై లిస్ట్ అవ్వడంతో భారత్ లో Vivo Y200e 5G డివైజ్ త్వరలోనే లాంచ్ కానుందని తెలుస్తోంది.
- బీఐఎస్ లిస్టింగ్ ద్వారా ఇతర ఏ స్పెసిఫికేషన్స్ రివీల్ కాలేదు.
Vivo Y200e 5G డిజైన్ (గూగుల్ ప్లే కన్సోల్ లిస్టింగ్)
- Vivo Y200e 5G నిన్న గూగుల్ ప్లే కన్సోల్ డేటాబేస్ పై V2327 అనే మోడల్ నంబర్ తో లిస్ట్ అయ్యింది.
- Vivo Y200e 5G ఫోన్ బ్లూ కలర్ ఆప్షన్, పంచ్ హోల్ కటౌట్, ఫ్లాట్ డిస్ప్లే, మందపాటి బెజెల్స్ తో కనిపించింది. సైడ్ ఫ్రేమ్ ప్లాస్టిక్ అని తెలుస్తోంది.
- Vivo Y200e 5G బ్యాక్ ప్యానెల్ పై కెమెరా మాడ్యూల్ ఎడమవైపున ఉంది. ట్రిపుల్ కెమెరా సెటప్ కనిపిస్తోంది. ఆరా లైట్ ఫీచర్ లేదని తెలుస్తోంది.
- Vivo Y200e 5G డివైజ్ కి బాటమ్ లో ఎడమవైపు వివో బ్రాండింగ్ ఉంది. కుడివైపున పవర్ బటన్ ఉంది.
Vivo Y200 స్పెసిఫికేషన్స్
- స్క్రీన్: Vivo Y200 5G లో 6.67-ఇంచ్ డిస్ప్లే, అమోలెడ్ ప్యానెల్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: Vivo Y200 5G లో క్వాల్కమ్ స్నాప్ డ్రాగన్ 4 జెన్ 1 చిప్సెట్ వాడారు. ఇది 5జీ ప్రాసెసర్.
- ఓఎస్: Vivo Y200 5G డివైజ్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేస్తుంది.
- మెమొరీ: Vivo Y200 5G లో 8జిబి ర్యామ్, 128జిబి/256జిబి స్టోరేజీ ఉన్నాయి. ఈ డివైజ్ వర్చువల్ ర్యామ్ ఫీచర్ తో వచ్చింది. దీని ద్వారా 8జిబి వరకు ర్యామ్ ని పెంచుకునే వీలుంది. దీంతో యూజర్ కి 16జిబి వరకు ర్యామ్ పవర్ లభిస్తుంది.
- రియర్ కెమెరా: Vivo Y200 5G లో డ్యూయల్ రియర్ కెమెరా సెటప్ ఉంది. ఇందులో 64ఎంపి ఓఐఎస్ మెయిన్ కెమెరా, 2ఎంపి బొకే లెన్స్ ఉంటాయి. వీటికి తోడు ఒక స్మార్ట్ ఆరా లైట్ ఫ్లాష్ ఉంది.
- ఫ్రంట్ కెమెరా: Vivo Y200 5G లో సెల్ఫీస్, వీడియో కాల్స్ కోసం 16ఎంపి మెయిన్ కెమెరా ఉంది.
- బ్యాటరీ: Vivo Y200 5G లో పవర్ బ్యాకప్ కోసం 4,800 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Vivo Y200 5G లో 5జీ, 4జీ, డ్యూయల్ సిమ్, వై-ఫై 6, బ్లూటూత్ 5.2, జీపీఎస్ వంటి కనెక్టివిటీ ఆప్షన్స్ ఉన్నాయి.
- ఇతర ఫీచర్లు: Vivo Y200 5G లో భద్రత కోసం ఇన్-డిస్ప్లే ఫింగర్ ప్రింట్ స్కానర్ అందిస్తున్నారు. ఇంకా ఈ ఫోన్ స్లిమ్ బాడీ కలిగి ఉంది. Vivo Y200 5G డివైజ్ 7.69 మి.మీ మందం మాత్రమే ఉంది.
