ప్రముఖ స్మార్ట్ఫోన్ బ్రాండ్ Vivo తన వై-సిరీస్ డివైజ్ ధరను తగ్గించింది. Vivo Y28s స్మార్ట్ఫోన్ పై ఈ తగ్గింపు ధర వర్తిస్తుంది. ఈ ఫోన్ 4జిబి, 6జిబి మరియు 8జిబి ర్యామ్ ఆప్షన్స్ లో లభిస్తుంది. ఇంకా ఈ ఫోన్ లో మీడియాటెక్ డైమెన్సిటీ 6300 చిప్సెట్, 128జిబి స్టోరేజీ, 50ఎంపి ప్రైమరీ కెమెరా వంటి స్పెసిఫికేషన్స్ ఉన్నాయి. వివో వై28ఎస్ 5జీ స్మార్ట్ఫోన్ ధర తగ్గింపు వివరాలను ఇప్పుడు తెలుసుకుందాం.
Vivo Y28s ధర వివరాలు
Vivo Y28s స్మార్ట్ఫోన్ యొక్క 4జిబి ర్యామ్ + 128జిబి స్టోరేజీ వేరియంట్ ధర రూ.13,999 గా ఉంది. 6జిబి ర్యామ్ + 128జిబి స్టోరేజీ మోడల్ ధర రూ.15,499 గా ఉంది. 8జిబి ర్యామ్ + 128జిబి స్టోరేజీ వేరియంట్ ధర రూ.16,999 గా ఉంది.
ఇప్పుడు రూ.500 తగ్గించిన తర్వాత 4జిబి+128జిబి మోడల్ రూ.13,499 కే లభించనుంది. 6జిబి+128జిబి వేరియంట్ రూ.14,999 కే లభిస్తుంది. 8జిబి+128జిబి వేరియంట్ రూ.16,499 కే లభిస్తుంది.
నేటి నుంచే Vivo Y28s స్మార్ట్ఫోన్ని కొత్త ధరకి కొనుగోలు చేయవచ్చు. ఆన్లైన్ షాపింగ్ సైట్ తో పాటు ఆఫ్లైన్ రిటైల్ స్టోర్స్ లో ఈ ఫోన్ని రూ.500 తక్కువకే కొనుగోలు చేయవచ్చు. ఈ ఫోన్ వింటేజ్ రెడ్ మరియు ట్వింకిల్ పర్పుల్ కలర్ ఆప్షన్స్ లో లభిస్తుంది.
కంపెనీ వెబ్సైట్ ద్వారా ఫోన్ కొనుగోలు చేసే వారికి బ్యాంక్ డిస్కౌంట్ కూడా లభిస్తుంది. ఏయూ బ్యాంక్, ఇండస్ఇండ్, బీవోబీ, డీబీఎస్, జె&కే బ్యాంక్, ఐడీఎఫ్సీ, ఫెడరల్, ఎస్బీఐ లేదా యస్ బ్యాంక్ కార్డులపై ఈఎంఐ ఆప్షన్ ఎంచుకుంటే రూ.1,000 అదనపు డిస్కౌంట్ లభిస్తుంది. హెచ్డీఎఫ్సీ, ఐసీఐసీఐ, ఎస్బీఐ బ్యాంక్ కస్టమర్లు గనుక పూర్తి పేమెంట్ చేసి ఫోన్ కొంటే, రూ.750 క్యాష్బ్యాక్ లభిస్తుంది.
Vivo Y28s 5G స్పెసిఫికేషన్స్
డిస్ప్లే: Vivo Y28s 5G లో 6.56-ఇంచ్ హెచ్డీ స్క్రీన్, 1612*720 పిక్సెల్స్ రెజుల్యూషన్, ఎల్సీడీ ప్యానెల్, 90 హెర్ట్జ్ రిఫ్రెష్ రేట్, 840 నిట్స్ బ్రైట్నెస్, లో బ్లూ లైట్ సర్టిఫికేషన్ ఉన్నాయి.
ప్రాసెసర్: Vivo Y28s 5G డివైజ్ మీడియాటెక్ డైమెన్సిటీ 6300 చిప్సెట్ తో లాంచ్ అయ్యింది. ఈ చిప్ 6 నానోమీటర్ ఫ్యాబ్రికేషన్ పై తయారైంది. దీని హ్యస్ట్ క్లాక్ స్పీడ్ 2.4 గిగాహెర్ట్జ్.
మెమొరీ: Vivo Y28s 5G స్మార్ట్ఫోన్ 3 మెమొరీ వేరియంట్స్ లో లభిస్తుంది. 4జిబి/6జిబి/8జిబి ర్యామ్, 128జిబి స్టోరేజీని ఈ ఫోన్ కలిగి ఉంది. మైక్రోఎస్డీ కార్డ్ సాయంతో 1టిబి వరకు మెమొరీని పెంచుకునే వీలుంది.
కెమెరా: Vivo Y28s 5G స్మార్ట్ఫోన్లో డ్యూయల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, ఎల్ఈడీ ఫ్లాష్, 2ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా ఉంది.
బ్యాటరీ: Vivo Y28s 5G స్మార్ట్ఫోన్లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 15 వాట్ ఫాస్ట్ చార్జింగ్కి సపోర్ట్ చేస్తుంది.
కనెక్టివిటీ: Vivo Y28s 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
