వొడాఫోన్ ఐడియా సంస్థ తన కస్టమర్లను ఊరించేందుకు రకరకాల రీచార్జ్ ప్లాన్స్ ని పరిచయం చేస్తోంది. తాజాగా ప్రీపెయిడ్ కస్టమర్ల కోసం రెండు టాప్-అప్ ప్లాన్స్ ని తీసుకొచ్చింది. రూ.24, రూ.49 విలువగల ఈ ప్లాన్స్ ద్వారా యూజర్లకు అదనపు లాభాలు కూడా ఉన్నాయి. అపరిమిత నైట్ డేటా ప్రయోజనం ఈ రెండు ప్లాన్స్ ద్వారా లభిస్తుంది. సరే, ఓసారి వొడాఫోన్ ఐడియా సంస్థ తీసుకొచ్చిన ఈ రెండు ప్లాన్స్ యొక్క వివరాలు, ప్రయోజనాలు ఎలా ఉన్నాయో తెలుసుకుందాం.
Vodafone Idea రూ.24 ప్లాన్
Vodafone Idea తీసుకొచ్చిన రూ.24 ప్లాన్ ద్వారా యూజర్ కి ఒక గంట పాటు అపరిమిత డేటా లభిస్తుంది. అయితే, ఈ రీచార్జ్ ప్లాన్ ద్వారా వ్యాలిడిటీ అనేది లభించదు. ఇంకా, యూజర్లకు వీఐ మూవీస్, టీవీ యాప్స్ కి యాక్సెస్ లభించదు. మీ నంబర్ యాక్టివ్ గా వేరే రెగ్యులర్ ప్లాన్ లో ఉన్నట్లయితే ఈ రూ.24 ప్లాన్ వల్లన ప్రయోజనం ఉంటుంది.
Vodafone Idea రూ.49 ప్లాన్
రూ.49 ప్లాన్ ద్వారా యూజర్లకు 6జిబి డేటా లభిస్తుంది. అంతేకాదు, ఇంకా 24 గంటల వ్యాలిడిటీ కూడా లభిస్తుంది. ఈ ప్లాన్ ద్వారా సర్వీస్ వ్యాలిడిటీ ఏమీ లభించదు. ఈ విషయాన్ని యూజర్లు గమనించాలి.
Note: ఈ ప్లాన్స్ ని వొడాఫోన్ ఐడియా సంస్థ యూజర్ల ఎమర్జెన్సీ అవసరాల కోసం మాత్రమే తీసుకొచ్చిందన్న విషయాన్ని దృష్టిలో పెట్టుకోవాలి.
బీహార్ లో VoWi-Fi సర్వీస్
వొడాఫోన్ ఐడియా సంస్థ బీహార్ లో సోమవారం నాడు తన కొత్త సేవలను లాంచ్ చేసింది. VoWi-Fi అనే పేరుతో ఈ సర్వీస్ లాంచ్ అయ్యింది. వీఐ కంపెనీకి బీహార్ 15 వ సర్కిల్. ఇప్పటికే బీహార్ లో ఎయిర్టెల్, జియో సంస్థలు ఈ తరహా సేవలను ప్రారంభించాయి.
