ఫిబ్రవరి 26 న మొబైల్ వరల్డ్ కాంగ్రెస్ ఈవెంట్ లో Xiaomi 13 Pro లాంచైంది. ఈ హ్యాండ్సెట్ స్నాప్ డ్రాగన్ 8 జెన్ 2 ప్రాసెసర్, 6.78-ఇంచ్ 2కే ఫ్లెక్సిబుల్ ఈ6 శాంసంగ్ అమోలెడ్ ఎల్టీపీవో డిస్ప్లే, హెచ్డీఆర్10+, డాల్బి విజన్ సపోర్ట్, ఆండ్రాయిడ్ 13 ఓఎస్, 120 వాట్ ఫాస్ట్ చార్జింగ్ సపోర్ట్ తో వచ్చింది.
Xiaomi 13 Pro స్మార్ట్ ఫోన్ 50ఎంపి ప్రైమరీ 1-ఇంచ్ అల్ట్రా-లార్జ్ సోని ఐఎంఎక్స్ సెన్సర్ తో వచ్చింది. దీన్ని షావోమి, లైకా ఆప్టిక్స్ తో కలిసి డెవలప్ చేసింది. ఇప్పటివరకైతే కెమెరాకి మంచి రివ్యూలే వస్తున్నాయి.
భారత్ లో Xiaomi 13 Pro ధర, ఆఫర్లు, సేల్ తేదీ
Xiaomi 13 Pro స్మార్ట్ ఫోన్ భారత్ లో 12జిబి ర్యామ్ + 256జిబి స్టోరేజీ వేరియంట్ ధర రూ.79,999 గా ఉంది. సిరామిక్ వైట్, సిరామిక్ బ్లాక్ కలర్ ఆప్షన్స్ లో ఈ ఫోన్ లభిస్తుంది. కంపెనీ ఐసీఐసీఐ బ్యాంక్ కార్డ్ పై రూ.10,000 డిస్కౌంట్ ఆఫర్ చేస్తోంది. దీంతో ఫోన్ ధర రూ.69,999 కి తగ్గనుంది. ఐఫోన్స్ పై రూ.8,000 అడిషనల్ ఎక్స్చేంజ్ బోనస్, రెడ్మీ, షావోమి ఫోన్లపై రూ.12,000 ఎక్స్చేంజ్ బోనస్ ని షావోమి అందిస్తోంది.
మార్చి 6 వ తేదీ మధ్యాహ్నం 12 గంటల నుంచి స్పెషల్ సేల్ కి ఎర్లీ యాక్సెస్ లభిస్తుంది. మొదటి 1000 కొనుగోలుదారులు Xiaomi 13 Pro మెర్చండైజ్ బాక్స్ ని గెలుచుకునే అవకాశం ఉంటుంది. ఎంఐ.కామ్, ఎంఐ హోమ్, ఎంఐ స్టూడియోస్ లో స్పెషల్ సేల్ లైవ్ లో ఉంటుంది. మార్చి 10 మధ్యాహ్నం 12 గంటల నుంచి అమెజాన్, ఎంఐ.కామ్, ఎంఐ హోమ్, ఎంఐ స్టూడియోస్, రిటైల్ పార్ట్నర్స్ ద్వారా మొదటి సేల్ మొదలవుతుంది.
Xiaomi 13 Pro స్పెసిఫికేషన్స్
Xiaomi 13 Pro లో 6.78-ఇంచ్ 2కే ఫ్లెక్సిబుల్ ఈ6 అమోలెడ్ ఎల్టీపీవో డిస్ప్లే, 120 హెర్ట్జ్ రిఫ్రెష్ రేట్, 1900 నిట్స్ పీక్ బ్రైట్నెస్, హెచ్డీఆర్10+, డాల్బి విజన్ సపోర్ట్ ఉన్నాయి. కెమెరా విభాగం చూస్తే, ఈ డివైజ్ లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్989 1-ఇంచ్ సెన్సర్, 50ఎంపి టెలీఫోటో లెన్స్ (3x ఆప్టికల్ జూమ్), 50ఎంపి అల్ట్రావైడ్ కెమెరా (మ్యాక్రో మోడ్ తో) ఉన్నాయి. 32ఎంపి సెల్ఫీ కెమెరాను ఈ ఫోన్ లో అందించారు.
Xiaomi 13 Pro లో క్వాల్కమ్ స్నాప్ డ్రాగన్ 8 జెన్ 2 చిప్సెట్ వాడారు. 12జిబి వరకు ర్యామ్, 256జిబి వరకు స్టోరేజీ ఈ ఫోన్ అందించారు. Xiaomi 13 Pro 5G డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది. ఈ స్మార్ట్ ఫోన్ లో 4820 ఎంఏహెచ్ బ్యాటరీ ఉంటుంది. ఇది 120 వాట్ ఫాస్ట్ చార్జింగ్, 50 వాట్ వైర్లెస్ చార్జింగ్ కి సపోర్ట్ చేస్తుంది. Xiaomi 13 Pro లో 5జీ, 4జీ, వై-ఫై 7, ఎన్ఎఫ్సీ, బ్లూటూత్ 5.3, డ్యూయల్ స్పీకర్స్, డాల్బి అట్మాస్ వంటి కనెక్టివిటీ ఫీచర్లు ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
