షావోమి సంస్థ త్వరలో 13T సిరీస్ ను గ్లోబల్ మార్కెట్స్ లో లాంచ్ చేయనుందని సమాచారం. ఈ లైనప్ లో రెండు ఫోన్లు Xiaomi 13T, Xiaomi 13T Pro మార్కెట్ లోకి ప్రవేశించనున్నాయి. షావోమి ఇంకా 13T సిరీస్ లాంచ్ తేదీపై స్పష్టతనివ్వలేదు. రిపోర్ట్స్ ప్రకారం, సెప్టెంబర్ 1 న యూరప్ మరియు ఇతర మార్కెట్స్ లో Xiaomi 13T సిరీస్ లాంచ్ కానుంది. అమెజాన్ రిటైలర్ యాక్సిడెంటల్ గా డివైజ్ ధరను రివీల్ చేయడం జరిగింది.
అంతేకాదు, లిస్టింగ్ ద్వారా Xiaomi 13T సిరీస్ కి సంబంధించిన ముఖ్యమైన స్పెసిఫికేషన్స్ బయటకు వచ్చాయి. ఓసారి Xiaomi 13T Pro స్పెసిఫికేషన్స్, ధర తదితర వివరాల గురించి తెలుసుకుందాం.
Xiaomi 13T Pro ధర, స్పెసిఫికేషన్స్ (లీక్)
Xiaomi 13T Pro స్మార్ట్ ఫోన్ ధర ప్రస్తుత మోడల్ కంటే ఎక్కువగానే ఉంటుందని అంచనా వేస్తున్నారు. అమెజాన్ యూకే వెబ్ సైట్ లో లిస్ట్ అయిన ధర ప్రకారం, Xiaomi 13T Pro 12జిబి ర్యామ్, 512జిబి స్టోరేజీ వేరియంట్ ధర 799 యూరోలు (సుమారు రూ.82,900) గా ఉంటుందని సమాచారం. దీన్ని బట్టి Xiaomi 13T Pro ధర గత మోడల్ Xiaomi 12T Pro కంటే 100 యూరోలు ఎక్కువని తెలుస్తోంది. 12జిబి + 256జిబి వేరియంట్ కూడా లాంచ్ అవుతుందని అంచనా వేస్తున్నారు.
కలర్ ఆప్షన్స్
Xiaomi 13T Pro డివైజ్ మీడో గ్రీన్ కలర్ ఆప్షన్ లో లభిస్తుందని లిస్టింగ్ పై ఉంది. Xiaomi 13T Pro డివైజ్ లైకా-ట్యూన్డ్ కెమెరాలతో రానుంది. లైకా ట్యూన్డ్ కెమెరాలతో వస్తోన్న తొలి నాన్-ఫ్లాగ్షిప్ ఫోన్ గా Xiaomi 13T Pro నిలనుంది.
- బ్యాటరీ: Xiaomi 13T Pro లిస్టింగ్ ద్వారా బ్యాటరీ వివరాలు తెలిసాయి. ఈ స్మార్ట్ ఫోన్ లో 5000 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది.
- డిస్ప్లే: ఈ ఫోన్ లో 144 హెర్ట్జ్ రిఫ్రెష్ రేట్, క్రిస్టల్రెజ్ అమోలెడ్ డిస్ప్లే ఉంటాయి.
- చిప్సెట్: Xiaomi 13T Pro స్మార్ట్ ఫోన్ లో స్నాప్ డ్రాగన్ ఫ్లాగ్షిప్ చిప్సెట్ వాడనున్నారు. Xiaomi 13T లో డైమెన్సిటీ చిప్సెట్ ఉంటుందని సమాచారం.
- ఓఎస్: Xiaomi 13T Pro డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
