शाओमीच्या सब ब्रँड पोकोकडे कमी किंमतीत जबरदस्त स्मार्टफोन सादर करण्याची जबाबदारी देण्यात आली आहे. पोकोनं अलीकडेच 6499 रुपयांच्या POCO C50 स्मार्टफोन भारतात लाँच केला आहे. या लो बजेट मोबाइल नंतर आता बातमी येत आहे की कंपनी दमदार स्पेसिफिकेशन्स असलेला पावरफुल POCO X5 Pro 5G फोन देखील भारतीय बाजारात सादर करण्याची तयारी करत आहे. नव्या बातमीत दावा केला जात आहे की चीनमध्ये आलेला Redmi Note 12 Pro Speed Edition भारतात पोको एक्स5 प्रो नावाने लाँच केला जाईल.
91मोबाइल्सला टिपस्टर योगेश बरारकडून पोको एक्स5 प्रो स्मार्टफोनच्या इंडिया लाँचची टिप मिळाली आहे. मिळालेल्या माहितीनुसार पोको ब्रँड आपल्या पॅरेन्ट कंपनी Xiaomi द्वारे चीनमध्ये लाँच करण्यात आलेला Redmi Note 12 Pro Speed Edition स्मार्टफोन भारतात POCO X5 Pro नावानं सादर करेल. या फोनची कोणतीही अचूक लाँच डेट अद्याप समोर आली नाही परंतु टिपस्टरनुसार हा फोन याच महिन्यात म्हणजे जानेवारी 2023 च्या अखेरपर्यंत भारतात लाँच होऊ शकतो. हे देखील वाचा: हे Bollywood चे चित्रपट लवकरच येणार OTT वर; घर बसल्या मिळणार एंटरटेनमेंट, एंटरटेनमेंट, एंटरटेनमेंट…
POCO X5 Pro specifications
- 6.67″ AMOLED 120Hz Display
- 12GB RAM + 256GB Storage
- Qualcomm Snapdragon 778G
- 108MP Rear + 16MP Selfie Camera
- 67W + 5,000mAh Battery
पोको एक्स5 प्रो जर चीनमध्ये लाँच झालेल्या रेडमी नोट 12 प्रो स्पीड एडिशनचा रीब्रँडेड व्हर्जन असेल तर या पोको फोनचे फीचर्स व स्पेसिफिकेशन्स देखील रेडमी मोबाइल सारखे असतील. त्यामुळे नोट 12 प्रो एसई पाहत हा फोन चीनमध्ये क्वॉलकॉम स्नॅपड्रॅगन 778जी चिपसेटसह लाँच करण्यात आला आहे. तसेच बेस्ट गेमिंगसाठी यात 12 लेयर कूलिंग सिस्टम देण्यात आली आहे, यामुळे हा फोन ‘स्पीड एडिशन’ बनतो.
रेडमी नोट 12 प्रो स्पीड एडिशन 2400 x 1080 पिक्सल रिजोल्यूशन असलेल्या 6.67 इंचाच्या मोठ्या फुलएचडी+ डिस्प्लेला सपोर्ट करतो. ही स्क्रीन अॅमोलेड पॅनलवर बनली आहे जी 120हर्ट्ज रिफ्रेश रेटवर काम करते. पंच-होल स्टाईल असलेली ही स्क्रीन एचडीआर10+ आणि 900निट्स ब्राइटनेस सारख्या फीचर्सला देखील सपोर्ट करते.
Redmi Note 12 Pro Speed Edition ट्रिपल रियर कॅमेऱ्याला सपोर्ट करतो ज्यात एलईडी फ्लॅशसह 108MP Samsung HM2 प्रायमरी सेन्सर देण्यात आला आहे. जोडीला 8 मेगापिक्सलची अल्ट्रा वाइड अँगल लेन्स आणि 2 मेगापिक्सलची मॅक्रो लेन्स देखील आहे. सेल्फी आणि व्हिडीओ कॉलिंगसाठी हा स्मार्टफोन 16 मेगापिक्सलच्या फ्रंट कॅमेऱ्याला सपोर्ट करतो. हे देखील वाचा: स्वस्तात हवी नोकियाची मजबुती? 5 हजारांच्या बजेटमध्ये मिळतोय Nokia C01 Plus, पाहा ऑफर
रेडमी नोट 12 प्रो स्पीड एडिशन ड्युअल सिम फोन आहे जो 3.5एमएम जॅक आणि X-Axis Linear Motor सारख्या फीचर्ससह येतो. सिक्योरिटीसाठी फोनच्या साइड पॅनलवर फिंगरप्रिंट सेन्सर देण्यात आला आहे तर पावर बॅकअपसाठी हा स्मार्टफोन 67वॉट फास्ट चार्जिंग टेक्नॉलॉजी असलेल्या 5,000एमएएचच्या बॅटरीला सपोर्ट करतो. आशा आहे की भारतीय बाजारात POCO X5 Pro देखील या स्पेसिफिकेशन्ससह लाँच होईल.