Motorola नं काही दिवसांपूर्वी जागतिक बाजारात आपला सर्वात मोठा कॅमेरा सेन्सर असलेला स्मार्टफोन सादर केला होता. आता या 200MP चा कॅमेरा असलेल्या हँडसेटची भारतात नव्या नावानं एंट्री होणार आहे. मोटोरोला लवकरच आपल्या फ्लॅगशिप Edge 30 सीरीजचा स्मार्टफोन लाँच करणार आहे. मोटोरोलानं अधिकृत घोषणा करून सांगितलं आहे की, कंपनी भारतात लवकरच Edge 30 Ultra लाँच करणार आहे. कंपनीनं आपल्या ट्विटर हँडलवरून आगामी स्मार्टफोन टीज करत सांगितलं आहे की लवकरच भारतात Edge लाइन-अपचा स्मार्टफोन लाँच केला जाईल.
मोटोरोलानं शेयर केलेल्या टीजर व्हिडीओवरून समजलं आहे की मोटोरोला लवकरच 200MP प्रायमरी कॅमेरा असलेला स्मार्टफोन लाँच करण्याची तयारी करत आहे. जो Motorola Edge 30 Ultra नावानं भारतात येईल. हा स्मार्टफोन जागतिक बाजारात आलेल्या Moto X30 Pro चा रिब्रँड व्हर्जन असेल, अशी चर्चा आहे. जो 200MP कॅमेरा आणि Qualcomm Snapdragon 8+ Gen 1 प्रोसेसरसह लाँच करण्यात आला आहे. तसेच कंपनीनं सांगितलं आहे की, Moto Edge 30 Ultra स्मार्टफोन 8 सप्टेंबरला भारतीयांच्या भेटीला येईल.
Motorola Edge 30 Ultra will be 1st Indian smartphone to feature 200MP camera ? launching on 8 September, 2022.
– 200MP rear camera ✅#Moto #Motorola #MotorolaEdge30Ultra pic.twitter.com/zd7VjGrPVU— Abhishek Yadav (@yabhishekhd) August 22, 2022
Motorola Edge 30 Ultra चे स्पेसिफिकेशन्स
Motorola Edge 30 Ultra मध्ये फोनमध्ये ट्रिपल रियर कॅमेरा सेटअप देण्यात आला आहे. ज्यात 200MP Samsung HP1 sensor प्रायमरी कॅमेरा म्हणून देण्यात आला आहे. जोडीला 12MP ची टेलीफोटो लेन्स आणि 50MP ची अल्ट्रा-वाइड अँगल लेन्स आहे. Motorola Edge 30 Ultra च्या फ्रंट पॅनलवर 60MP चा सेल्फी कॅमेरा मिळतो.
Motorola Edge 30 Ultra स्मार्टफोन 2400 x 1080 पिक्सल रिजोल्यूशन असलेल्या 6.67 इंचाच्या फुलएचडी+ डिस्प्लेसह लाँच झाला आहे जो ओएलईडी पॅनल आहे. हा डिस्प्ले 144हर्ट्ज रिफ्रेश रेट व 1500हर्ट्ज टच सॅम्पलिंग रेटला सपोर्ट करतो. फोनची स्क्रीन इन-डिस्प्ले फिंगरप्रिंट सेन्सरसह येते आणि एचडीआर10+ आणि 1250निट्स ब्राइटनेस सारख्या फीचर्सला सपोर्ट करते.
Motorola Edge 30 Ultra स्मार्टफोन अँड्रॉइड 12 ओएसवर लाँच झाला आहे. फोन क्वॉलकॉम स्नॅपड्रॅगन 8 प्लस जेन 1 चिपसेटवर चालतो. हा मोबाइल फोन वीसी कूलिंग सिस्टमसह सादर करण्यात आला आहे. जोडीला 12GB पर्यंत LPDDR5 RAM आणि 512GB पर्यंतची UFS 3.1 स्टोरेज मिळते. मोटोरोलाचा नवीन स्मार्टफोन 4,500एमएएच बॅटरी आणि 125W rapid charging टेक्नॉलॉजीसह बाजारात आला आहे.
Motorola Edge 30 Ultra ची संभाव्य किंमत
मोटोरोला एक्स30 प्रो स्मार्टफोन चीनी बाजारात तीन व्हेरिएंट्समध्ये लाँच करण्यात आला आहे. फोनच्या बेस व्हेरिएंटमध्ये 8GB RAM + 128GB storage देण्यात आली आहे ज्याची प्राइस 3,699 युआन (जवळपास 43,500 रुपये) आहे. तर 12GB RAM + 256GB स्टोरेज मॉडेल 4,199 युआन म्हणजे जवळपास 49,500 रुपयांमध्ये आणि 12GB RAM + 512GB स्टोरेज व्हेरिएंट 4,499 युआन जवळपास 53,000 रुपयांमध्ये सेलसाठी उपलब्ध झाला आहे.
