शाओमीनं आज आपल्या ‘सीव्ही’ सीरीजचा विस्तार करत नवीन मोबाइल फोन Xiaomi CIVI 3 लाँच केला आहे. हा स्मार्टफोन चीनी मार्केटमध्ये आला आहे जो शक्तिशाली कॅमेरा, शानदार डिजाईन तसेच पावरफुल प्रोसेसरला सपोर्ट करतो. नवीन शाओमी फोनची किंमत, फीचर्स व स्पेसिफिकेशन्सची माहिती तुम्ही पुढे वाचू शकता.
शाओमी सीव्ही 3 ची किंमत
हा शाओमी फोन तीन मेमरी व्हेरिएंट्समध्ये लाँच झाला आहे ज्यात 12जीबी रॅम + 256जीबी स्टोरेज, 12जीबी रॅम + 512जीबी स्टोरेज तसेच 16जीबी रॅम + 1टीबी स्टोरेजचा समावेश आहे. ह्या तिन्ही व्हेरिएंट्सची किंमत 2499 युआन, 2699 युआन आणि 2999 युआन आहे. ही किंमत इंडियन करंसीनुसार 29000 रुपये, 31500 रुपये आणि 35,000 रुपयांच्या आसपास आहे.
दोन सेल्फी कॅमेरे
Xiaomi CIVI 3 स्मार्टफोन ड्युअल सेल्फी कॅमेऱ्याला सपोर्ट करतो. ह्याच्या फ्रंट पॅनलवर 32 मेगापिक्सलच्या दोन कॅमेरा लेन्स देण्यात आल्या आहेत. प्रायमरी सेन्सर एफ/2.0 अपर्चरवर चालतो ज्यात 26एमएम फोकल लेंथ, 2एक्स पोर्ट्रेट क्लोज-अप सारखे फीचर्स मिळतात. तर सेकंडरी सेन्सर 100° अल्ट्रा वाइड अँगल लेन्स आहे जी एफ/2.4 अपर्चरवर चालते तसेच अँटी-शेक एआय, ईआयएस (ईमेज स्टॅबिलायजेशन) सारखे फीचर्स आहेत.
Xiaomi CIVI 3 चे स्पेसिफिकेशन्स
- 6.55″ OLED 120HZ Display
- 16GB RAM + 1TB Memory
- MediaTek Dimensity 8200
- 32MP Dual Front Camera
- 50MP Triple Rear Camera
- 67W 5,000mAh Battery
स्क्रीन : हा शाओमी फोन 2400 x 1080 पिक्सल रिजोल्यूशन असलेल्या 6.55 इंचाच्या ओएलईडी डिस्प्लेसह लाँच झाला आहे जो 120हर्ट्झ रिफ्रेश रेट तसेच 240हर्ट्झ टच सॅम्पलिंग रेटवर चालतो. ह्या स्क्रीनवर 1920हर्ट्झ पीडब्ल्यू डिमिंग, 1500निट्स ब्राइटनेस तसेच एचडीआर10+ सारखे फीचर्स मिळतात.
प्रोसेसर : फोन अँड्रॉइड 13 आधारित मीयुआय 14 वर चालतो. प्रोसेसिंगसाठी ह्यात 4एनएम फॅब्रिकेशनवर बनलेला मीडियाटेक डायमेन्सिटी 8200 ऑक्टाकोर प्रोसेसर देण्यात आला आहे जो 3.1गीगाहर्ट्झ क्लॉक स्पीडवर चालतो. ग्राफिक्ससाठी ह्या शाओमी मोबाइलमध्ये माली-जी610 जीपीयू आहे.
कॅमेरा : फोनच्या ट्रिपल रियर कॅमेरा सेटअपमध्ये एफ/1.77 अपर्चर असलेला 50MP IMX800 सेन्सर देण्यात आला आहे जो ओआयएस टेक्नॉलॉजीसह येतो. त्याचबरोबर बॅक पॅनलवर एफ/2.2 अपर्चर असलेली 8MP IMX355 वाइड अँगल लेन्स तसेच 2 मेगापिक्सलची मॅक्रो लेन्स आहे.
बॅटरी : पावर बॅकअपसाठी Xiaomi CIVI 3 मध्ये 5,000एमएएचची बॅटरी देण्यात आली आहे. मोठी बॅटरी वेगानं चार्ज करण्यासाठी ह्या फोनमध्ये 67वॉट फास्ट चार्जिंग टेक्नॉलॉजी देण्यात आली आहे जीजो शाओमी सीव्ही 3 फक्त 38 मिनिटांत 0 ते 100 टक्क्यांपर्यंत फुल चार्ज करू शकते.
