Nokia नं काही दिवसांपूर्वी भारतात आपले क्लासिक फिचर फोन नव्या अवतारात सादर केले आहेत. यात Nokia 2660 Flip आणि Nokia 5710 XpressAudio चा देखील समावेश आहे. हे फोन्स आधी जागतिक बाजारात सादर करण्यात आले होते. तसेच आता नोकियानं आपले तीन नवीन स्मार्टफोन बाजारात सादर केले आहेत. हे मोबाइल फोन IFA 2022 च्या मंचावरून सादर करण्यात आले आहेत, जे Nokia C31, Nokia X30 5G आणि Nokia G60 5G नावानं लाँच झाले आहेत. या लेखात आम्ही नोकिया जी60 5जी फोनच्या फीचर्स, स्पेसिफिकेशन्स आणि प्राइसचीमाहिती दिली आहे.
Nokia G60 5G Specifications
नोकिया जी60 5जी फोन 6.58 इंचाच्या फुलएचडी+ डिस्प्लेसह लाँच केला गेला आहे. या मोबाइलची स्क्रीन एलसीडी पॅनलवर बनली आहे जी 120हर्ट्ज रिफ्रेश रेटला सपोर्ट करते तसेच 500निट्स ब्राइटनेससह बाजारात आली आहे. फोनच्या डिस्प्लेला कंपनीनं कोर्निंग गोरिल्ला 5 ची सुरक्षा दिली आहे. हे देखील वाचा: 165 रुपयांच्या मासिक हप्त्यावर मिळतो Nokia 6310 Mobile; सिंगल चार्जवर 35 दिवस चालेल याची बॅटरी
प्रोसेसिंगसाठी या मोबाइलमध्ये क्वॉलकॉम स्नॅपड्रॅगन 695 चिपसेट देण्यात आला आहे. त्याचबरोबर यात 6GB पर्यंत रॅम आणि 128GB पर्यंत इंटरनल स्टोरेज देण्यात आली आहे. ही स्टोरेज मायक्रोएसडी कार्डच्या माध्यमातून वाढवता येईल. Nokia G60 5G अँड्रॉइड 12 ऑपरेटिंग सिस्टम देण्यात आली आहे.
फोटोग्राफीसाठी Nokia G60 5G Phone ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 50 मेगापिक्सलचा प्रायमरी सेन्सर देण्यात आला आहे जो 5 मेगापिक्सल अल्ट्रा वाइड अँगल लेन्स तथा एक डेप्थ सेन्सरसह चालतो. तसेच फोनच्या फ्रंट पॅनलवर 8 मेगापिक्सलचा सेल्फी कॅमेरा आहे.
Nokia G60 5G इको फ्रेंडली मटेरियलपासून बनवण्यात आला आहे. कंपनीनं आपला मोबाइल आयपी52 रेटिंगसह सादर केली आहे ज्यामुळे हा फोन वॉटर व डस्ट प्रूफ बनतो. सिक्योरिटीसाठी साइड माउंटेड फिंगरप्रिंट सेन्सर देण्यात आला आहे. तर पावर बॅकअपसाठी हा स्मार्टफोन 4,500एमएएच बॅटरीसह सादर करण्यात आला आहे जी 20वॉट फास्ट चार्जिंग सपोर्ट करते. हे देखील वाचा: महिनाभर टिकेल या 4G फोनची बॅटरी; दोन स्क्रीन असलेला लो बजेट Nokia 2660 Flip भारतात लाँच
Nokia G60 5G Price
नोकिया जी60 5जी फोन तीन व्हेरिएंट्समध्ये सादर करण्यात आला आहे. यात 4 जीबी रॅम + 64 जीबी स्टोरेज, 4 जीबी रॅम + 128 जीबी स्टोरेज आणि 6 जीबी रॅम + 128 जीबी स्टोरेजचा समावेश आहे. नोकिया जी60 5जी फोन प्राइस जवळपास 25,000 रुपयांपासून सुरु होते. या फोन सोबत कंपनीनं तीन वर्षांचे अपडेट, तीन वर्षांचे सिक्योरिटी अपडेट आणि तीन वर्षांची वॉरंटी देत आहे.