सॅमसंग कंपनी भारतात आपल्या 5जी पोर्टफोलियोमध्ये मोठा बदल करू शकते. कंपनी या महिन्यातच दोन 5G phones भारतात लाँच करू शकते जे Samsung Galaxy A14 5G आणि Samsung Galaxy A23 5G नावानं मार्केटमध्ये येऊ शकतात. या मोबाइल फोन्सची किंमत 15 हजारांच्या बजेटपासून सुरु होऊ शकते जे अलीकडेच आलेल्या Redmi Note 12 5G स्मार्टफोनला थेट टक्कर देऊ शकतो. पुढे तुम्ही या गॅलेक्सी मोबाइल्सची माहिती वाचू शकता.
गॅलेक्सी ए14 5जी आणि ए23 5जी फोन या महिन्यात भारतीय बाजारात येऊ शकतात तसेच यांची लाँच डेट 14 जानेवारी ते 20 जानेवारी दरम्यान असू शकते. हे दोन्ही मिडबजेट स्मार्टफोन असू शकतात ज्यांची प्रारंभिक किंमत 15,000 रुपयांच्या आसपास असू शकते. ही फोनच्या बेस व्हेरिएंटची किंमत असेल. Samsung Galaxy A14 5G आणि Galaxy A23 5G फोनची विक्री ऑनलाइन शॉपिंग साइट्स सोबतच ऑफलाइन रिटेल स्टोर्सवर देखील होऊ शकते. हे देखील वाचा: Shahid Kapoor करणार वेब सीरीजच्या विश्वात पदार्पण; ‘Farzi’ च्या रिलीज डेटची घोषणा
फोनचे फीचर्स व स्पेसिफिकेशन्स पाहता हा मोबाइल फोन 1080 x 2408 रिजोल्यूशन असलेल्या 6.6 इंचाच्या मोठ्या फुलएचडी+ डिस्प्लेसहवर लाँच झाला आहे. या फोनची स्क्रीन आयपीएस एलसीडी पॅनलवर बनली आहे जी 90हर्ट्ज रिफ्रेश रेटवर काम करते. स्क्रीनच्या तीन कडा बेजल लेस आहेत तर खालच्या बाजूला रुंद चिन पार्ट देण्यात आला आहे. या फोनचे डायमेंशन 167.7 x 78.0 x 9.1एमएम आणि वजन 204 ग्राम आहे.
Samsung Galaxy A14 5G फोन अँड्रॉइड 13 वर लाँच झाला आहे जो वनयुआय 5 सह चालतो. या स्मार्टफोनमध्ये 2.2गीगाहर्ट्ज क्लॉक स्पीड असलेला ऑक्टाकोर मीडियाटेक डिमेनसिटी 700 चिपसेट देण्यात आला आहे. इंटरनॅशनल मार्केटमध्ये हा सॅमसंग मोबाइल 4 जीबी रॅमवर लाँच झाला आहे जो 64 जीबी इंटरनल स्टोरेजला सपोर्ट करतो. फोन मेमरी मायक्रोएसडी कार्डच्या माध्यमातून 1टीबी पर्यंत वाढवता येते.
फोटोग्राफीसाठी सॅमसंग गॅलेक्सी ए14 5जी फोन ट्रिपल रियर कॅमेऱ्याला सपोर्ट करतो. यात एलईडी फ्लॅशसह एफ/1.8 अपर्चर असलेला 50 मेगापिक्सलचा प्रायमरी सेन्सर देण्यात आला आहे जोडीला एफ/2.4 अपर्चर असलेली 2 मेगापिक्सलची मॅक्रो लेन्स आणि तेवढाच अपर्चर असलेला 2 मेगापिक्सलचा डेप्थ सेन्सर आहे. अशाप्रकारे सेल्फी आणि व्हिडीओ कॉलिंगसाठी गॅलेक्सी ए14 5जी फोन एफ/2.0 अपर्चर असलेल्या 13 मेगापिक्सलच्या फ्रंट कॅमेऱ्याला सपोर्ट करतो. हे देखील वाचा: नॉन चिनी ब्रँडची कमाल! लाँच केला कमी किंमत असलेला Samsung Galaxy A14 5G फोन
Samsung Galaxy A14 5G फोन ड्युअल सिमला सपोर्ट करतो ज्यात 4जी देखील वापरता येतं. 3.5एमएम जॅक आणि एनएफसी सोबतच स्मार्टफोनमध्ये बेसिक कनेक्टिव्हिटी फीचर्स देण्यात आले आहेत. सिक्योरिटीसाठी हा सॅमसंग मोबाइल फोन साइड माउंटेड फिंगरप्रिंट सेन्सरला सपोर्ट करतो. तर पावर बॅकअपसाठी यात 15वॉट फास्ट चार्जिंग टेक्नॉलॉजी असलेली 5,000एमएएचची बॅटरी देण्यात आली आहे.