Realme चे सीईओ माधव सेठ यांनी आपल्या ट्विटर अकाउंटवरून 108 megapixels कॅमेरा इनोवेशन फीचरची माहिती दिली होती, त्यांनतर Realme 8 सीरीज फोन बद्दल चर्चा सुरु झाली. 91मोबाईल्सला या फोनबद्दल खास माहिती मिळाली आहे. तसेच फोनच्या डिजाइनचा खुलासा झाला आहे. सर्वात खास बाब अशी म्हणता येईल कि आम्हाला जो फोटो मिळाला आहे त्यात सलमान खान (Salman Khan) Realme 8 Pro मॉडेलचा वापर करत आहेत. यावरून स्पष्ट झाले आहे कि कंपनी लवकरच हा लॉन्च करणार आहे. (realme 8 pro 5g in salman khan hand will launch india soon)
सलमान खान रियमली फोनचा ब्रँड अँबॅसिडर आहेत आणि त्याने Realme 6 आणि Realme 7 सीरीज पण इंडोर्स केली आहे. त्यामुळे लॉन्चच्या आधी हा फोन त्याला मिळाला असू शकतो. Realme 8 च्या जाहिरातीत पण सलमान खान दिसेल.
कसा आहे फोन
सलमान खानने वापरलेल्या फोन Realme 8 Pro च्या फोटो मध्ये डिवाइस पूर्णपणे दिसत नाही परंतु मागून डिजाइनबद्दल खूप काही समजत आहे. फोनचा बॅक पॅनल खूप शाइनी आहे आणि नवीन स्टाइल मध्ये रियर कॅमेरा प्लेस केला गेला आहे.
हे देखील वाचा: 5000mAh बॅटरी आणि 64MP कॅमेऱ्यासह लॉन्च झाला Samsung Galaxy A32 4G, भारतात पण लवकरच करेल एंट्री
फोनमध्ये चौकोनी क्वॉड कॅमेरा देण्यात आला आहे आणि कॅमेरा ब्रॅकेट थोडा मोट आहे जिथे एलईडी फ्लॅश उपलब्ध आहे. ब्लू रंगाच्या या फोनची बॉडी कर्व्ड आहे आणि दिसायला स्लिम पण आहे. रियलमीची स्लोगन डियर टू लीप पण फोनवर दिसेल. Realme 8 किंवा Realme 8 Pro स्पेसिफिकेशन बाबत जास्त खुलासा केला गेला नाही पण 108 Megapixels कॅमेरा मात्र मिळेल. तसेच कंपनी 5G मॉडेल पण घेऊन येण्याचा प्रयत्न करेल.
स्पेसिफिकेशन काय असतील
आतापर्यंत जास्त माहिती समोर आली नाही पण काही दिवसांपूर्वी रियलमी 8 बेंचमार्क साइट गीकबेंचवर दिसला होता जिथे हा MediaTek Dimensity 720, 8GB RAM सह दिसला होता. तसेच फोन Android 10 वर चालत होता पण आशा आहे कि हा Android 11 वर लॉन्च केला जाईल.
हे देखील वाचा : 12GB रॅम आणि 4,300mAh बॅटरीसह लॉन्च झाला ताकदवान फोन Oppo Reno 5K
किती असेल किंमत
आशा आहे कि कंपनी Realme 8 आणि Realme 8 Pro भारतीय बाजारात 15-20 हजार रुपयांच्या बजेटमध्ये सादर करू शकते. रियमलीच्या या फोनची टक्कर Xiaomi Redmi Note 10 आणि Redmi Note 10 Pro सीरीजशी होईल. 4 मार्चला नवीन नोट सीरीज फोन भारतात लॉन्च होणार आहे आणि रियलमीने आतापासून तिला आव्हान देण्यासाठी कंबर बांधली आहे.
