Google नं आपल्या अॅन्युअल टेक इव्हेंट Google I/O 2022 दरम्यान Pixel 6a स्मार्टफोनच्या भारतीय लाँचची घोषणा केली होती. गुगलचे खूप कमी स्मार्टफोन देशात येतात त्यामुळे या ही घोषणा भारतीय चाहत्यांसाठी खुशखबरच होती. अजूनतरी कंपनीनं Pixel 6a च्या भारतीय लाँच डेटचा खुलासा केला नाही. परंतु, लीक्सनुसार हा फोन काही महिन्यांमध्ये भारतीयांच्या भेटीला येईल आणि Google Pixel 6A स्मार्टफोनची विक्री फ्लिपकार्टच्या माध्यमातून केली जाईल. आता ऑफिशियल होण्याआधी या स्मार्टफोनच्या इंडियन व्हर्जनच्या किंमतीचा खुलासा झाला आहे. चला जाणून घेऊया किती असेल याची किंमत.
Google Pixel 6A Price In India
टिप्सटर अभिषेक यादवनं एका ट्वीटच्या माध्यमातून Google Pixel 6A स्मार्टफोनच्या किंमतीचा खुलासा केला आहे. त्यानुसार आगामी गुगल पिक्सल स्मार्टफोन भारतात 37 हजार रुपयांच्या रेंजमध्ये सादर केला जाऊ शकतो. परंतु याआधी एका टिपस्टरनं 40 हजार रुपयांच्या किंमतीचा दावा केला होता. तसेच, यूएसमध्ये फोनचा 6GB रॅम + 128GB स्टोरेज असलेला व्हेरिएंट फक्त 449 डॉलर्स (जवळपास 35,100 रुपये) मध्ये सादर करण्यात आला आहे.
Nothing Phone (1), OnePlus 10R शी करावी लागणार स्पर्धा
जर Google Pixel 6A स्मार्टफोन 35000 रुपयांच्या आसपासच्या किंमतीत सादर करण्यात आला तर भारतातील Nothing Phone (1) आणि OnePlus 10R कडून या पिक्सल फोनला चांगली टक्कर मिळेल, अशी चर्चा आहे. हे दोन्ही फोन 35000 रुपयांच्या आसपासच्या बजेटमध्ये सादर करण्यात आले आहेत. तसेच वनप्लस आपल्या फास्ट चार्जिंगमुळे तर नथिंग आपल्या हटके डिजाईनमुळे लोकप्रिय होत आहे. आता या फोन्ससमोर कॅमेरा परफॉर्मन्ससाठी ओळखला जाणारा पिक्सल 6A किती टिकतो ते पाहावं लागेल.
Google Pixel 6a चे स्पेसिफिकेशन्स
- 6.1-इंच FHD+ डिस्प्ले, 60Hz रिफ्रेश रेट
- Tensor प्रोसेसर
- 6GB रॅम आणि 128GB स्टोरेज
- Android 12 ऑपरेटिंग सिस्टम
- 12.2MP + 12MP ड्युअल कॅमेरा
- 8MP सेल्फी कॅमेरा
- 4306mAh बॅटरी, 18W फास्ट चार्जिंग
Google Pixel 6a स्मार्टफोनमध्ये 6.1-इंचाचा FHD+ AMOLED डिस्प्ले देण्यात आला आहे, ज्याचा रिफ्रेश रेट 60Hz आहे. हा डिस्प्ले Corning Gorilla Glass 3 च्या प्रोटेक्शनसह येतो. Google Pixel 6a स्मार्टफोनमध्ये ड्युअल रियर कॅमेरा सेटअप देण्यात आला आहे. ज्यात 12.2MP चा प्रायमरी कॅमेरा आणि 12MP ची अल्ट्रा वाईड अँगल लेन्स देण्यात आली आहे. या फोनमध्ये 8MP चा सेल्फी कॅमेरा देण्यात आला आहे.
हा फोन Android 12 OS सह सादर करण्यात आला आहे. गुगलचा हा फोन कंपनीच्या Tensor प्रोसेसरसह सादर करण्यात आला आहे. तसेच ग्राफिक्ससाठी Mali-G78 GPU देण्यात आला आहे. यात 6GB LPDDR5 RAM, आणि 128GB स्टोरेज देण्यात आली आहे. यातील 4306mAh ची बॅटरी 18W फास्ट चार्जिंगला सपोर्ट करते.
गुगलच्या या फोनमध्ये अंडर डिस्प्ले फिंगरप्रिंट सेन्सर, स्टीरियो स्पिकर, ड्युअल मायक्रोफोन आणि नॉइज इंप्रीसनसह सादर करण्यात आला आहे. कनेक्टिव्हिटीसाठी फोनमध्ये 5G, 4G VoLTE, Wi-Fi 6E, Bluetooth 5.2 LE, GPS, आणि USB Type C पोर्ट देण्यात आला आहे. यात Titan M2 सिक्योरिटी चिप देखील देण्यात आली आहे.
