फोन चोरी चे कितीतरी किस्से तुम्ही ऐकले असतील. तुमच्या पैकी काहीजण असे असतील ज्यांचा स्वतःचा फोन पण चोरीला गेला असेल. काही लोकांचा फोन चोरी झाल्यानंतर पण मिळतो, पण अनेकांना प्रयत्न करून देखील फोन मिळत नाही. पण चोरी झालेल्या स्मार्टफोन्स संबधी एक असे प्रकरण समोर आले आहे ज्यात एक नव्हे तर चार हजार पेक्षा जास्त चोरी झालेले स्मार्टफोन्स जप्त करण्यात आले आहेत. हे सर्व स्मार्टफोन शाओमी चे होते आणि चोरीच्या सामानाची किंमत 87 लाख रुपये आहे.
शाओमी स्मार्टफोन च्या चोरी संबधी ची ही घटना दिल्ली मधील आहे. मीडिया रिपोर्ट वरून समजले आहे की दिल्ली मध्ये एक व्यक्ति पकडला गेला आहे ज्याच्याकडून 4,200 शाओमी चे फोन जप्त करण्यात आले आहेत. चोरीच्या या मालाची किंमत 87 लाख रुपयांच्या आसपास असल्याचे बोलले जात आहे. या मास्टर माइंड चोराचे नाव रमेश आहे जो बिहार चा रहिवाशी आहे.
मामला असा आहे की मे महिन्यात गुरुग्राम मधील शाओमी च्या वेयरहाउस मध्ये चोरी झाली होती. कंपनीच्या अधिकाऱ्यांनी तेव्हा पोलिसांकडे फिर्याद दिली होती ज्यानुसार शाओमी वेयरहाउस मधून 4,200 शाओमी चे स्मार्टफोन तसेच वॉशिंग मशीन आणि इतर अनेक शाओमी प्रोडक्ट पण चोरी झाले होते. आता पोलिसांनी तपासानंतर रमेश आणि त्यांच्या तीन साथीदारांना पकडले आहे आणि त्यांना न्यायालयीन कोठडीत ठेवण्यात आले आहे.
रिपोर्ट नुसार चोरांकडून मिळालेल्या सामानात 4,200 शाओमी चे स्मार्टफोन्स आहेत आणि या स्मार्टफोन्स ची किंमत 87 लाख रुपये आहे. पोलिसांनी चोरट्यांना पकडल्या नंतर सांगितले की त्यांनी वेयरहाउस मधून चोरी झालेले सर्व शाओमी स्मार्टफोन्स जप्त केले आहेत.
