Tecno Spark 20 आणि Spark 20C ला भारतात लाँच केल्यानंतर आता कंपनी या सीरीजमध्ये 5G मोबाईल जोडणार आहे. ब्रँडने घोषणा केली आहे की नवीन स्मार्टफोन Tecno Spark 20 Pro 5G हा 9 जुलै रोजी भारतात लाँच केला जाईल. स्टायलिश लूक सोबतच या फोनचे मोठे वैशिष्ट्य म्हणजे त्याचा 108MP कॅमेरा आणि 16GB रॅम (8GB + 8GB) हे आहे. Techno Spark 20 Pro ची भारतातील लाँच तारीख आणि फोनशी संबंधित इतर तपशीलांबद्दल तुम्ही पुढे अधिक वाचू शकता.
Techno Spark 20 Pro ची भारतातील लाँच तारीख
Tecno ने अधिकृत घोषणा केली आहे की आगामी Tecno Spark 20 Pro 5G हा फोन भारतात 9 जुलै रोजी लाँच केला जाईल. टेक्नोने आपल्या या फोनची #5GKaChampion हॅशटॅगसह जाहिरात केली आहे. फोनची किंमत आणि विक्रीचे तपशील 9 जुलै रोजी दुपारी 12 वाजता जाहीर केले जातील. विशेष म्हणजे कंपनीच्या वेबसाईटसोबतच ॲमेझॉन या शॉपिंग साईटवरही या मोबाईलचे प्रोडक्ट पेज तयार करण्यात आले आहे. जिथे फोन लाँच झालेला लाईव्ह पाहता येईल.
Tecno Spark 20 Pro 5G चे स्पेसिफिकेशन (जागतिक)
हे लक्षात घेण्यासारखे आहे की Techno Spark 20 Pro 5G हा फोन आधीच परदेशी बाजारात लाँच झाला आहे. आम्हाला आशा आहे की, हा मोबाईल ज्या फिचर्ससोबत आणि स्पेसिफिकेशनसह जागतिक बाजारपेठेत आणला गेला आहे, त्याच तपशिलांसह तो भारतात लाँच केला जाईल.
- 6.78″ एफएचडी+ 120 हर्ट्झ स्क्रीन
- मिडियाटेक डायमेंसिटी 6080
- 8GB रॅम + 256GB स्टोरेज
- 108 मेगापिक्सेल बॅक कॅमेरा
- 8 मेगापिक्सेल फ्रंट कॅमेरा
- 33 वॉट 5,000एमएएच बॅटरी
डिस्प्ले: Techno Spark 20 Pro 5G फोन जागतिक बाजारपेठेत 1080 x 2460 पिक्सेल रिझोल्यूशन असलेल्या 6.78 इंचाच्या फुलएचडी+ डिस्प्लेवर लाँच करण्यात आला आहे. ही स्क्रीन 120हर्ट्झ रिफ्रेश रेटवर काम करते.
प्रोसेसर: Tecno Spark 20 Pro 5G फोनला MediaTek Dimension 6080 ऑक्टाकोर प्रोसेसरवर जागतिक बाजारपेठेत लाँच केला गेला आहे. हा 6 नॅनोमीटर फॅब्रिकेशनवर बनवलेला मोबाईल चिपसेट आहे, जो 2.4गीगाहर्ट्झ पर्यंतच्या क्लॉक स्पीडने रन करण्याची क्षमता ठेवतो.
मेमरी: Techno Spark 20 Pro 5G हा फोन भारतात 8GB रॅम सह लाँच केला जाईल. या मोबाईलमध्ये 8GB व्हर्च्युअल रॅमचे तंत्रज्ञान देखील दिले जाईल जे फिजिकल रॅमसह 16GB रॅमची शक्ती देईल. तसेच फोनमध्ये 256GB पर्यंत इंटरनल स्टोरेज देखील मिळेल.
कॅमेरा: Tecno Spark 20 Pro 5G हा फोटोग्राफीसाठी ड्युअल रिअर कॅमेऱ्याला सपोर्ट करतो. त्याच्या बॅक पॅनलवर 108 मेगापिक्सेलचा अल्ट्रा सेन्सिंग मुख्य सेन्सर दिला गेला आहे. जो 2 मेगापिक्सेल मॅक्रो लेन्ससह एकत्र काम करतो. त्याचवेळी फ्रंट पॅनलवर 8 मेगापिक्सेलचा सेल्फी कॅमेरा उपलब्ध आहे.
बॅटरी: Tecno Spark 20 Pro 5G मध्ये पॉवर बॅकअपसाठी 5,000mAh ची बॅटरी दिली गेली आहे. ही मोठी बॅटरी जलद चार्ज करण्यासाठी मोबाईल 33W फास्ट चार्जिंग तंत्रज्ञानाने सुसज्ज करण्यात आला आहे.
