आता पर्यंत जवळपास सर्व स्मार्टफोन निर्मात्यांनी आपले नॉच स्क्रीन असलेले फोन सादर केले आहेत सॅमसंग सोडून. आज सॅमसंग ने गॅलेक्सी ए8एस लॉन्च करून हि कमतरता दूर केली आहे. कंपनी ने चीन मध्ये हा फोन लॉन्च केला आहे, आशा आहे की भारतात पण हा लवकरच येईल. सॅमसंग ने या फोन मध्ये एक वेगळ्या नॉचची सुरवात केली आहे ज्यात स्क्रीन मध्ये डावीकडे एक होल दिसेल ज्यात सेल्फी कॅमेरा आहे. सॅमसंग ने याला नॉचचे नाव दिले नाही. कंपनी ने या डिस्प्लेला इनफिनिटी ओ म्हटले आहे. डिजाइनच्या बाबतीती हा फोन आतापर्यंत लॉन्च झालेल्या सर्व फोन्स पेक्षा वेगळा आहे.
डिजाइन
सॅमसंग गॅलेक्सी ए8एस ग्लास डिजाइन मध्ये सादर केला गेला आहे. नुकत्याच कंपनी द्वारा लॉन्च ए7 आणि ए9 मध्ये अशाप्रकारचा बॅक पॅनल दिसला होता. गॅलेक्सी ए7 आणि गॅलेक्सी ए9 पेक्षा याचे पॅनल थोडे जास्त कर्व्ड आहेत. त्यामुळे मागूनही थोडा एस9 सारखा वाटतो. रियर कॅमेरा प्लेसमेंट तसाच आहे जसा ए7 मध्ये दिसला होता. बाजूला वर्टिकल स्टाइल मध्ये रियर कॅमेरा आहे आणि त्याच्या खाली फ्लॅश आहे. बाजूलाच फिंगरप्रिंट स्कॅनर देण्यात आला आहे.
डिस्प्ले
सॅमसंग गॅलेक्सी ए8एस फुल बेजल लेस डिस्प्ले सह सादर केला गेला आहे, बाजूला एक होल आहे ज्यात सेल्फी कॅमेरा आहे. इतर कंपन्या याला नॉच म्हणत असल्या तरी सॅमसंग ने याला इनफिनिटी ओ म्हटले आहे. कंपनी ने 19.5:9 आसपेक्ट रेशियो सह 6.2—इंचाची स्क्रीन दिली आहे. फोनचे स्क्रीन रेजल्यूशन एफएचडी+ (2340×1080 पिक्सल) आहे. सॅमसंग ने स्क्रीन कोटिंगची माहिती दिली आहे.
प्रोसेसर आणि रॅम
सॅमसंग गॅलेक्सी ए8एस कंपनी ने क्वालकॉम च्या नवीन 710 चिपसेट वर सादर केला आहे. फोन मध्ये 2.2गीगाहट्र्ज चा आॅक्टाकोर प्रोसेसर आहे. क्रयो आर्किटेक्चर वाला हा प्रोसेसर चांगल्या स्पेसिफिकेशन साठी ओळखला जातो. सोबत 6जीबी आणि 8जीबी रॅम मिळेल. दोन्ही रॅम सोबत 128जीबी ची इंटरनल स्टोरेज देण्यात आली आहे. त्याचबरोबर मेमरी कार्डचा आॅप्शन पण आहे. हा फोन एंडरॉय आॅपरेटिंग सिस्टम 8.1 ओरियो वर चालतो. यात सॅमसंग एक्सपीरियंस यूआई मिळेल.
कॅमेरा
सॅमसंग गॅलेक्सी ए8एस मध्ये ट्रिपल रियर कॅमेरा सेटअप देण्यात आला आहे ज्याची सुरवात कंपनी ने ए7 2018 पासून केली होती. फोन मध्ये एक कॅमेरा 24-मेगापिक्सलचा आहे जो एफ/1.7 अपर्चरला सपोर्ट करतो. त्याचप्रमाणे एफ/2.2 अपर्चर वाला 5-मेगापिक्सलचा डेफ्थ सेंसर आणि एफ/2.0 अपर्चर वाला 10-मेगापिक्सलचा अल्ट्रा वाईड सेंसर रियर पॅनल वर आहे. फ्रंट कॅमेरा पाहता 24-मेगापिक्सलचा फ्रंट सेंसर आहे. सॅमसंग ने आपला हा फोन एंडरॉयड 8.1 ओरियो वर सादर केला आहे.
बॅटरी
पावर बॅकअप साठी सॅमसंग गॅलेक्सी ए8एस मध्ये 3,300 एमएमएच ची बॅटरी देण्यात आली आहे. फोन मध्ये सिक्योरिटी साठी रियर माउंट फिंगरप्रिंट सेंसर सोबत फेस अनलॉक सपोर्ट पण आहे. ड्युअल सिम आधारित या फोन मध्ये 4जी एलटीई सह ब्लूटूथ वाईफाई आणि जीपीएस देण्यात आला आहे.
प्राइस
सॅमसंगचा हा फोन सध्या चीन मध्ये प्रीआॅडर साठी उपलब्ध आहे. कंपनी ने किंमत सांगितली नाही पण हा फोन 40,000 रुपयांच्या बजेट मध्ये लॉन्च होईल.
