तुम्हाला तर माहित आहे आहे कि दरवर्षी गूगल आपली मोबाईल ऑपरेटिंग सिस्टम एंडरॉयडचा अपडेट सादर करतो आणि ओएसचे नाव इंग्लिश अल्फाबेट वर आधारित असते. नंतर कंपनी याला डेझर्टचे नाव देते. गेल्यावर्षी एंडरॉयड 9 सादर केला गेला होता ज्याला आधी एंडरॉयड पी आणि नंतर 9 पाई चे नाव देण्यात आले. आता कंपनी नवीन वर्षात एंडरॉयड 10 आणणार आहे ज्याला क्यू चे नाव दिले जाईल. आता पर्यंत याबद्दल कोणतीही माहिती नव्हती पण एक्सडीए डेवलपर्स ने याचा पहिला लीक प्रकाशित केला आहे आणि एंडरॉयड क्यू बद्दल बरीच माहिती दिली आहे. लीक रिपोर्ट मध्ये सांगण्यात आले आहे कि एंडरॉयड क्यू सोबत तुम्हाला अनेक प्रकारचे नवीन फीचर्स मिळतील.
सिस्टम वाईड डार्क थीम
डार्क थीमची सुरवात कंपनी ने एंडरॉयड 9 पाई पासून केली होती पण नवीन ओएस मध्ये तुम्हाला फुल फंक्शन डार्क मोड मिळेल. लीक पोस्ट मध्ये स्पष्टपणे सांगण्यात आले आहे कि हा फीचर फोनच्या डिस्प्ले सेटिंग मध्ये मिळेल. हा एनेबल करण्यासाठी तुम्हाला सेट डार्क मोडचा पर्याय निवडावा लागेल. तसेच लीक मध्ये असा पण दावा केला गेला आहे कि तुम्ही डार्क मोड ऑलवेज एनेबल किंवा एखाद्या ठराविक वेळ आणि दिवसानुसार सेट करू शकता. एनेबल करताच ऍप्स, नोटिफिकेशन आणि क्रोम सहित तुम्हाला प्रत्येक ऍप मध्ये डार्क मोड मिळेल. याचा फायदा असा असेल कि अनेक मोबाईल फोन मध्ये बॅटरी बॅकअप सुधारेल. कंपन्या आज ओएलईडी डिस्प्लेचा वापर करत आहेत आणि डार्क मोड त्यांच्यासाठी फायदेशीर आहे.
परमिशन रीवॅम्प
गूगल ने एंडरॉयड पी मध्ये सिक्योरिटी आणि प्राइवेसी साठी मोठे बदल केले होते पण एंडरॉयड क्यू मध्ये यापेक्षा चांगले बदल तुम्हाला दिसतील. लीक मध्ये देण्यात आलेल्या माहितीनुसार कंपनी परमिशन रीवॅम्प नवीन ओएस मध्ये सादर करणार आहे. यात तुम्ही ऍप्स परमिशन पुन्हा चेक करू शकता आणि त्या रिस्ट्रिक्ट करू शकता. परमिशन ऍप मधून तुम्ही सर्व ऍप बघू शकता.
डेस्कटॉप मोड
इथे तुम्ही म्हणू शकता कि गूगल ने अजून एक फीचर सॅमसंगकडून चोरले आहे. सॅमसंग ने गॅलेक्सी नोट 8 पासून डेक्स फीचरची सुरवात करण्यात आली होती ज्यात तुम्ही तुमचा फोन केबल द्वारे कोणत्याही मोठ्या स्क्रीनशी कनेक्ट करू शकता. असे करताच फोनचा संपूर्ण कंटेंट स्क्रीन वर येईल आणि तुम्ही डेस्कटॉप प्रमाणे त्याचा वापर करू शकाल. सॅमसंग गॅलेक्सी नोट 9 मध्ये हे अजून सोप्पे झाले आहे. गूगल एंडरॉयड क्यू मध्ये हे फीचर आणणार आहे. लीक मधून संपूर्ण माहिती समोर आली आहे.
नवीन डेवलपर्स ऑप्शन
गूगल एंडरॉयड क्यू च्या लीक मध्ये याचा दावा केला गेला आहे कि डेवलपर्स ऑप्शन मध्ये तुम्हाला अनेक नवीन फीचर्स मिळतील. यात एखादा ऍप थोडा वेळ प्रेस करून ठेऊन तुम्ही मल्टीविंडोजचा वापर करू शकता.
त्याचबरोबर गेम अपडेट पॅकेज प्रिफरेंस पण दिसेल. तुम्ही स्वतः ग्राफिक्स ड्राइवर निवडू करू शकता. याने गेमिंग परफॉर्मेंस सुधरेल. या फीचर फ्लॅगची सुरवात गूगल ने एंडरॉयड 9 पाई पासून केली होती. इथून तुम्ही बघू शकता कि कोणते नवीन फीचर ओएस मध्ये तुम्हाला मिळतील. तसेच एंडरॉयड क्यू मध्ये फीचर फ्लॅग मध्ये खूप नवीन फीचर्स तुम्हाला मिळतील. जसे कि आता कंपनी स्क्रीन शॉट सोबत स्क्रीन रिकॉर्डिंग पण देईल. हुआवई फोन मध्ये हे यूआई द्वारे आधीच उपलब्ध झाले आहे पण गूगल नवीन ओएस सोबत हे सादर करणार आहे.
एक्सेसिबिलिटी
या एंडरॉयड मध्ये एक्सेसिबिलिटी मध्ये पण अनेक नवीन फीचर्स तुम्हाला मिळतील. कंपनी ने टाइम टू टेक ऍक्शन आणि टाइम टू रीड सारखे मोड सादर केले आहेत. ज्यात तुम्ही सेट करू शकता कि किती वेळ मेसेज तुमच्या नोटिफिकेशन स्क्रीन वर दिसेल. ठराविक वेळेनंतर स्वतःहून तो निघून जाईल. असेच काही नवीन फीचर्स ऐक्सेसिबिलिटी मध्ये आहेत.
