Infinix ने गेल्या आठवड्यात नायजेरिया मध्ये आपल्या ‘एस सीरीज’ चा नवीन स्मार्टफोन S5 Lite लॉन्च केला होता. फोनच्या शानदार स्पेसिफिकेशन्स आणि लुकमुळे या डिवाईसची वाट भारतीय यूजर्स पण बघत होते. आज याची प्रतीक्षा संपवत Infinix ने S5 Lite स्मार्टफोन भारतीय बाजारात आणला आहे. भारतात हा स्मार्टफोन फक्त 7,999 रुपयांमध्ये लॉन्च केला गेला आहे जो येत्या 22 नोव्हेंबर पासून शॉपिंग साइट फ्लिपकार्ट वर सेल साठी उपलब्ध होईल.
लुक व डिजाईन
Infinix S5 Lite कंपनीने पंच-होल डिस्प्ले सह लॉन्च केला आहे, जी या फोनची मोठी यूएसपी म्हणता येईल. फोनच्या फ्रंट पॅनल वर डावीकडे वर छोटासा होल देण्यात आला आहे आणि या होल मध्ये फोनचा सेल्फी कॅमेरा आहे. Infinix S5 Lite चा डिस्प्ले तिन्ही बाजूंनी बेजल लेस आहे आणि खालच्या बाजूला थोडा चिन पार्ट आहे. तसेच फोनच्या बॅक पॅनल वर डावीकडे वर ट्रिपल रियर कॅमेरा सेटअप देण्यात आला आहे जो वर्टिकल शेप मध्ये आहे. या कॅमेरा सेटअपच्या उजवीकडे फ्लॅश लाईट आहे. Infinix S5 Lite च्या रियर पॅनल वर फिंगर प्रिंट सेंसर पण देण्यात आला आहे. फोनच्या उजव्या पॅनल वर वाल्यूम रॉकर आणि पावर बटण आहे. त्याचप्रमाणे सिम स्लॉट फोनच्या डाव्या पॅनल वर आहे. Infinix S5 Lite 3.5एमएम जॅकला सपोर्ट करतो आणि फोनच्या लोवर पॅनल वर यूएसबी पोर्ट सोबत स्पीकर पण देण्यात आला आहे.
स्पेसिफिकेशन्स
Infinix S5 Lite चे फीचर्स आणि स्पेसिफिकेशन्स पाहता हा फोन 20:9 आस्पेक्ट रेशियो वर सादर केला गेला आहे जो 1600 x 760 पिक्सल रेज्ल्यूशन असलेल्या 6.6 इंचाच्या एचडी+ डिस्प्लेला सपोर्ट करतो. स्क्रीनच्या सुरक्षेसाठी हा 2.5डी कर्व्ड ग्लासने प्रोटेक्ट केला गेला आहे. Infinix S5 Lite एंडरॉयड 9 पाई आधारित एक्सओएस 5.5 वर सादर केला गेला आहे जो 2गीगाहर्ट्ज क्लॉक स्पीडच्या आक्टाकोर प्रोसेसर सह मीडियाटेक हेलीयो पी22 चिपसेट वर चालतो.
Infinix S5 Lite 4 जीबी रॅम सह लॉन्च केला गेला आहे जो 64 जीबी इंटरनल स्टोरेजला सपोर्ट करतो. फोनची स्टोरेज माइक्रोएसडी कार्डने 256 जीबी पर्यंत वाढवता येईल. फोटोग्राफी साठी या फोनच्या बॅक पॅनल वर ट्रिपल रियर कॅमेरा सेटअप देण्यात आला आहे. ज्यात फ्लॅश लाईट सह 16 मेगापिक्सलचा प्राइमरी सेंसर, 2 मेगापिक्सलचा सेकेंडरी आणि एक क्यूवीजीए सेंसर आहे. तसेच सेल्फी साठी Infinix S5 Lite 16 मेगापिक्लच्या फ्रंट कॅमेऱ्याला सपोर्ट करतो.
Infinix S5 Lite डुअल सिम फोन आहे जो 4जी ला सपोर्ट करतो. भारतीय बाजारात Infinix S5 Lite 7,999 रुपयांमध्ये लॉन्च केला गेला आहे जो येत्या 22 नोव्हेंबर पासून फ्लिपकार्ट वर सेल साठी उपलब्ध होईल. Infinix S5 Lite ब्लॅक, श्यान आणि वॉयलेट कलर मध्ये विकत घेता येईल.
