सध्या जगभरातील स्मार्टफोन कंपन्या आपला फोल्डेबल स्मार्टफोन लॉन्च करण्याचा प्रयत्न करत आहेत. सॅमसंग गॅलेक्सी फोल्ड आणि हुवावेच्या Mate X नंतर नुकताच मोटोरोलाने पण Moto Razr 2019 सह फोल्डेबल स्मार्टफोनच्या मार्केट मध्ये पाऊल टाकले होते. तसेच यावर्षीच्या सुरवातीला LG ने पण आपल्या फोल्डेबल फोन LG G8X ThinQ सादर केला होता. आता असे वाटत आहे कि एलजी आपला दुसरा फोल्डेबल फोन सादर करण्याचा विचार करत आहे.
एलजी आता अजून एक फोल्डेबल फोन सादर करून या सेगमेंटवर पकड मजबूत करण्याचा विचार करत आहे. कंपनीने एक नवीन फोल्डिंग स्मार्टफोन कॉन्सेप्ट पेटेंट केला आहे. एलजी ने फाइल केलेला पेटेंट फाटा हा फोन आता पर्यंत समोर आलेल्या फोल्डिंग फोन पेक्षा खूप वेगळा असेल. कंपनी या फोन मध्ये फोल्डेबल नाही तर एक्सपांडेबल डिस्प्लेचा वापर करेल. याचा अर्थ असा कि या फोनचा डिस्प्ले तुम्ही खेचून वाढवू शकता.
फोन दिसायला अगदी सामान्य स्मार्टफोन प्रमाणे असेल. पण गरज पडल्यास यूजर याला खेचून याचा आकार वाढवू शकतात. यामुळे डिस्प्ले अजून रुंद होईल. डिस्प्लेचा आस्पेक्ट रेशियो स्मार्टफोनपेक्षा जास्त ई-रीडर सारखा वाटतो. सध्यातरी हा फक्त डेव्हलपमेंट मध्ये आहे. त्यामुळे जास्त बोलणे चुकीचे ठरेल.
आशा आहे कि आगामी काळात एलजीच्या फोल्डेबल फोन बद्दल अजून पण अनेक खुलासे होतील. तसेच या पेटेंट मध्ये फोनच्या स्पेसिफिकेशन्सची माहिती समोर आली नाही. पेटेंट मध्ये फक्त फोनची डिजाइन दाखवण्यात आली आहे.
विशेष म्हणजे याआधी शाओमी ओप्पो आणि ऍप्पलच्या फोल्डेबल फोनचे पेटेंट समोर आले आहेत. ज्यामुळे अपेक्षा वाढल्यात कि कंपन्या आता फोल्डेबल स्मार्टफोनच्या मार्केट मध्ये पुढे जाण्याचा प्रयत्न करत आहेत. काही दिवसांपूर्वी बातमी आली होती कि एलजीने वर्ल्ड इंटेलेक्चुअल प्रॉपर्टी ऑर्गनाइजेशन (WIPO) मध्ये मार्च 2018 मध्ये एक स्मार्टफोन डिजाईन पेटेंट साठी अर्ज केला होता आणि 11 मे 2019 ला नोंदवण्यात आला होता. या नवीन डिजाइन मध्ये पेंटा कॅमेरा सेटअप बॅक मध्ये दिसला होता. रियर कॅमेरा सेटअप पैकी तीन वर्टीकल शेप आणि दोन हॉरिजोंटल शेप मध्ये एलईडी फ्लॅश सह होते.
पेटेंट वरून समोर आले होते कि फोन मध्ये स्लिम बेजल फ्रंटला असतील. तसेच या ईयरपीस वर डुअल सेल्फी कॅमेरा असेल. तसेच फोनच्या मागे फिजिकल फिंगरप्रिंट सेंसर असू शकतो जो सध्या फ्लॅगशिप स्मार्टफोन्स मध्ये दिसत नाही.
