Reliance Jio ने काही दिवसांपूर्वी आपल्या प्लान्सच्या किंमती वाढवल्या होत्या. पण JioPhone Plans च्या किंमतीत कोणतीही वाढ केली नव्हती. परंतु आता रिलायंस जियोने जियोफोनच्या प्लान्सची किंमत वाढवण्याऐवजी आपला जुना किफायतशीर 49 रुपयांचा JioPhone रिचार्ज प्लान बंद केला आणि आता याच्या रिचार्जची सुरवात 75 रुपयांपासून होत आहे.
काही आठवड्यांपूर्वी जियोने JioPhone यूजर्स साठी ऑल-इन-वन (All-in-One) प्लान्स सादर केले होते आणि 75 रुपयांचा प्लान त्यातील एक आहे. जुन्या 49 रुपयांच्या प्लान व्यतिरिक्त 99 रुपये, 153 रुपये, 297 रुपये आणि 594 रुपयांचे दुसरे प्लान्स पण आहेत. पण JioPhone यूजर्सना नॉन-जियो नंबर वर कॉल करण्यासाठी वेगळा IUC टॉप-अप रिचार्ज करावा लागेल.
75 रुपयांच्या प्लान बद्दल बोलायचे तर यात यूजर्सना अनलिमिटेड जियो-टू-जियो वॉइस कॉलिंग, 500 मिनिट्स नॉन-जियो कॉल्स, प्रति दिन 100 MB डेटा आणि कुल 50 SMS मिळतात. इतकेच नव्हे तर या प्लानची वैधता 28 दिवस आहे.
49 रुपयांचा प्लान घेणाऱ्या जियो फोन यूजर्सना नॉन-जियो मिनिट्स साठी अतिरिक्त पैसे द्यावे लागत होते आणि आता हा प्लान बंद करण्यात आला आहे. तसेच 75 रुपयांच्या प्लान मध्ये दुसऱ्या नेटवर्क वर कॉलिंग साठी 500 मिनिट्स मिळत आहेत. काही दिवसांपूर्वी कंपनीने JioPhone ऑल-इन-वन रिचार्ज सादर केले होते, ज्यात 75 रुपये, 125 रुपये, 155 रुपये आणि 185 रुपयांच्या प्लान्सचा समावेश होता.
125 रुपयांच्या प्लानबद्दल बोलायचे तर यात अनलिमिटेड वॉयस कॉलिंग (500 मिनिट्स दुसऱ्या नेटवर्क वर कॉलिंग साठी), 300 SMS आणि 500MB डेटा प्रतिदिन मिळतो. तर 155 रुपयांच्या प्लान मध्ये डेली 1GB डेटा, अनलिमिटेड जियो-टू-जियो (500 मिनिट्स ऑफ-नेट कॉल) आणि 100 SMS प्रतिदिन मिळतात. 185 रुपयांच्या प्लान मध्ये 2GB हाई-स्पीड डेटा प्रतिदिन, 500 मिनिट्स नॉन-जियो कॉलिंग, अनलिमिटेड जियो-टू-जियो आणि लँडलाईन कॉल आणि 100 SMS प्रतिदिन मिळतात. सर्व JioPhone All-in-One प्लानची वैधता 28 दिवस आहे.
