Xiaomi बद्दल चर्चा आहे कि कंपनी लवकरच टेक मंचावर आपल्या ‘रेडमी सीरीज’ चा विस्तार करणार आहे आणि या सीरीज अंतर्गत Redmi K30 तसेच Redmi K30 Pro स्मार्टफोन लॉन्च केले जातील. हे फोन इंडियन मार्केट मध्ये कधी येतील हे समजले नाही. पण Redmi K30 सीरीजच्या लॉन्चच्या आधी शाओमीने भारतात आपल्या हिट स्मार्टफोन्स Redmi K20 आणि Redmi K20 Pro च्या किंमती कमी केल्या आहेत. Xiaomi ने रेडमी के20 सीरीज सोबतच Xiaomi Mi A3 स्मार्टफोन्सच्या किंमती पण कमी केल्या आहेत त्यामुळे आता हे फोन कंपनीच्या वेबसाइट सोबतच शॉपिंग साइट्स वर पण कमी किंमतीत सेलसाठी उपलब्ध झाले आहेत.
सर्वात आधी रेडमी के20 सीरीज बद्दल बोलायचे तर कंपनीने Redmi K20 स्मार्टफोनचा 6 जीबी रॅम + 64 जीबी स्टोरेज वेरिएंट 21,999 रुपयांमध्ये लॉन्च केला गेला होता, पण आता प्राइस कट नंतर हा स्मार्टफोन वेरिएंट 19,999 रुपयांमध्ये विकत घेता येईल. त्याचप्रमाणे आतापर्यंत 23,999 रुपयांमध्ये विकला जाणारा Redmi K20 चा 6 जीबी रॅम + 128 जीबी स्टोरेज वेरिएंट आता प्राइस कट नंतर 21,999 रुपयांमध्ये सेलसाठी उपलब्ध झाला आहे.
Redmi K20 Pro बद्दल बोलायचे तर फोनचा बेस वेरिएंट 6 जीबी रॅम सह 128 जीबी स्टोरेजला सपोर्ट करतो. हा स्मार्टफोन वेरिएंट कंपनीने 27,999 रुपयांमध्ये लॉन्च केला होता पण आता प्राइस कट नंतर हा 24,999 रुपयांमध्ये विकत घेता येईल. त्याचप्रमाणे Redmi K20 Pro चा मोठा वेरिएंट 8 जीबी रॅम सह 256 जीबी इंटरनल स्टोरेजला सपोर्ट करतो. हा वेरिएंट 30,999 रुपयांमध्ये लॉन्च झाला होता जो आता 27,999 रुपयांमध्ये सेलसाठी उपलब्ध झाला आहे.
Xiaomi Mi A3 स्मार्टफोनची किंमत पण कपंनीने 1,000 रुपयांनी कमी केली आहे. मी ए3 चा 4 जीबी रॅम + 64 जीबी स्टोरेज वेरिएंट 12,999 रुपयांमध्ये सेलसाठी उपलब्ध होता पण आता प्राइस कट नंतर हा फोन 11,999 रुपयांमध्ये विकत घेता येईल. त्याचप्रमाणे Xiaomi Mi A3 चा 6 जीबी रॅम + 128 जीबी स्टोरेज वेरिएंट बाजारात 15,999 रुपयांमध्ये उपलब्ध होता पण आता हा वेरिएंट 14,999 रुपयांमध्ये विकत घेता येईल.
Xiaomi पुन्हा बनला भारतातील नंबर वन ब्रँड
अलीकडेच समोर आलेल्या IDC च्या रिपोर्टनुसार Xiaomi चा ऑनलाईन मार्केट शेयर 42.09 टक्के होता. सप्टेंबर मध्ये फेस्टिवल सीजन मध्ये इतर ब्रँड्सचा चांगला सेल झाला त्यामुळे शाओमीला आपला मार्केट शेयर गमवावा लागला. सप्टेंबर मध्ये शाओमीचा ऑनलाईन मार्केट शेयर कमी होऊन 38.02 टक्के झाला. पण ऑक्टोबर आणि नोव्हेंबर मध्ये शाओमीने चांगली परफॉर्मंस दिली आणि ऑनलाईन बाजारात Xiaomi ची हिस्सेदारी 43.82 टक्क्यांवरून 47.76 टक्के झाली. ओवरऑल मार्केट शेयर पाहता जुलै मध्ये Xiaomi चा मार्केट शेयर 28.36 टक्के होता जो नोव्हेंबर मध्ये 30.42 टक्के झाला.
