Realme ने आज भारतात आपल्या ‘सी सीरीज’ चा विस्तार केला आहे. कंपनीने इंडियन मार्केट मध्ये Realme C3 स्मार्टफोन आज लॉन्च केला आहे. रियलमी सी3 Realme ने भारतात लॉन्च केलेला साल 2020 चा पहिला स्मार्टफोन आहे. कंपनीने हा स्मार्टफोन लो बजेट सेग्मेंट मध्ये आणला आहे. आज ऑनलाईन लाईव स्ट्रीमिंगच्या माधयमातून Realme C3 ने स्मार्टफोन मार्केट मध्ये पाऊल टाकले आहे. हा स्मार्टफोन जगात सर्वात आधी भारतात लॉन्च झाला आहे जो 6,999 रुपयांच्या बेस किंमतीत येत्या 14 फेब्रुवारी पासून विक्रीसाठी उपलब्ध होईल.
लुक व डिजाईन
Realme C3 कंपनीने वॉटरड्रॉप नॉच वर सादर केला गेला आहे. फोनच्या फ्रंट पॅनल वर डिस्प्लेच्या तीन कडा बेजल लेस आहेत तर खालच्या बाजूला थोडा रुंद पार्ट देण्यात आला आहे. हा फोन ‘वी’ शेप नॉचला सपोर्ट करतो. फोनचा बॅक पॅनल शाईनी रग्ड डिजाईन सह येतो जो एका खास पॅटर्न वर रिफ्लेक्शन देतो. बॅक पॅनल वर उजवीकडे डुअल रियर कॅमेरा सेटअप देण्यात आला आहे जो वर्टिकल शेप मध्ये आहे. या सेटअप मध्ये सेंसर्सच्या खाली पिक्सल डिटेल पण लिहिण्यात आले आहेत. कॅमेरा सेटअपच्या डावीकडे फ्लॅश लाईट आहे. बॅक पॅनल वर खालच्या बाजूला वर्टिकल शेप मध्ये Realme ची ब्रॅण्डिंग आहे. फोनच्या उजव्या पॅनल वर पावर बटण देण्यात आला आहे तर डाव्या पॅनल वर वाल्यूम रॉकर सह सिम स्लॉट आहे. Realme C3 च्या लोवर वर यूएसबी पोर्ट सह स्पीकर ग्रिल आणि 3.5एमएम ऑडियो जॅक देण्यात आला आहे.
स्पेसिफिकेशन्स
Realme C3 चा बॉडी-टू-स्क्रीन रेशियो 89.8 टक्के आहे तसेच कंपनीने हा फोन कोर्निंग गोरिल्ला ग्लासने प्रोटेक्टेड 6.5 इंचाचा मिनीड्रॉप नॉच डिस्प्ले वर सादर केला आहे. रियलमी सी3 एंडरॉयड 10 आधारित फोन आहे जो रियलमी यूआई वर चालतो. प्रोसेसिंगसाठी या फोन मध्ये 2गीगाहर्ट्ज क्लॉक स्पीड असलेल्या आक्टाकोर प्रोसेसर सह मीडियाटेकचा हेलियो जी70 चिपसेट देण्यात आला आहे. तसेच ग्राफिक्ससाठी फोन मध्ये एआरएम जी52 जीपीयू आहे.
Realme C3 कंपनीने दोन वेरिएंट्स मध्ये लॉन्च केला आहे. फोनचा बेस वेरिएंट 3 जीबी रॅम सह 32 जीबी इंटरनल स्टोरेजला सपोर्ट करतो तर दुसऱ्या वेरिएंट मध्ये 4 जीबी रॅम सह 64 जीबी ची स्टोरेज देण्यात आली आहे. दोन्ही वेरिएंट्स मध्ये स्टोरेज माइक्रोएसडी कार्डने वाढवता येईल. फोटोग्राफी सेग्मेंट पाहता Realme C3 डुअल रियर कॅमेऱ्याला सपोर्ट करतो ज्यात फ्लॅश लाईट सह 12 मेगापिक्सलचा प्राइमरी आणि 2 मेगापिक्सलचा सेकेंडरी कॅमेरा सेंसर देण्यात आला आहे.
सेल्फी आणि वीडियो कॉलिंगसाठी Realme C3 5 मेगापिक्सलच्या फ्रंट कॅमेऱ्याला सपोर्ट करतो. Realme C3 एक डुअल सिम फोन आहे जो 4जी वोएलटीई ला सपोर्ट करतो. सिक्योरिटी आणि अनलॉकिंगसाठी या फोन मध्ये फक्त फेस अनलॉक फीचर देण्यात आला आहे. तर पावर बॅकअपसाठी हा डिवाईस 5000एमएएच च्या मोठ्या बॅटरीला सपोर्ट करतो. कंपनीचा दावा आहे कि हि बॅटरी 30 दिवसांचा स्टॅन्डबाय टाईम आणि 10.6 तास PUBG खेळू देते.
किंमत व सेल
Realme C3 चा 3 जीबी रॅम वेरिएंट 6,999 रुपयांमध्ये लॉन्च केला गेला आहे तसेच फोनचा 4 जीबी रॅम वेरिएंट 7,999 रुपयांमध्ये आला आहे. हा फोन येत्या 14 फेब्रुवारी पासून कंपनीच्या अधिकृत वेबसाइट आणि शॉपिंग साइट फ्लिपकार्ट वरून विकत घेता येईल.
